बॉलिवूडच्या मोठ्या चित्रपटांना टक्कर देत ‘झिम्मा २’ने आता लवकरच चौथ्या आठवड्यात यशस्वी पदार्पण करत आहे. आजही चित्रपटाला प्रेक्षकांचा भरभरून प्रतिसाद मिळत आहे. मैत्रीचा सोहळा साजरा करणाऱ्या या चित्रपटाचा नवीन ट्रेलर प्रेक्षकांच्या भेटीला आला आहे. खूप भावनिक अशा या ट्रेलरमध्ये आयुष्यात जिवाभावाची मैत्री किती महत्वाची असते, हे दिसतेय. अशा जीव लावणाऱ्या मैत्रिणी असतील तर सगळया अडचणी क्षुल्लक वाटू लागतात. नात्यांची वीण घट्ट करणारा हा ट्रेलर मनाला स्पर्शून जाणारा आहे. कलर यल्लो प्रॉडक्शनच्या सहकार्याने, जिओ स्टुडिओज प्रस्तुत, चलचित्र मंडळी निर्मित, ज्योती देशपांडे, आनंद एल राय आणि क्षिती जोग निर्मित या चित्रपटात सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, रिंकू राजगुरू, शिवानी सुर्वे आणि सिद्धार्थ चांदेकर यांच्या प्रमुख भूमिका आहेत.

हेमंत ढोमे म्हणतात, ” यापूर्वीच आम्हाला प्रेक्षकांकडून भरभरून प्रेम मिळाले आहे. मुळात आता हा चित्रपट हा आमचा राहिला नसून हा तुम्हा सर्वांचा झाला आहे. आयुष्यात मैत्री असेल तर खूप गोष्टी सरळ, सोप्या होतात. मग ते नाते कोणतेही असो. आई मुलीचे, सासू सुनेचे अथवा नवरा बायकोचे. मैत्री असणे खूप महत्वाचे. कोणत्याही अडचणींवर मैत्रीची हळुवार फुंकर मारली की आपोआप सगळं सुरळीत होते. हा नवीन ट्रेलर पाहून तुम्हालाही तुमच्या घनिष्ट मैत्रीची आठवण आल्या वाचून राहणार नाही. आतापर्यंत प्रेक्षकांनी जे प्रेम दिले असेच प्रेम यापुढेही द्याल याची खात्री आहे. ज्यांनी ‘झिम्मा २’ पाहिला त्यांचे मनापासून आभार आणि ज्यांनी पाहिला नाही त्यांनी आवर्जून हा चित्रपट पाहावा.”

विंक म्‍युझिक या डाऊनलोड्स व दैनंदिन सक्रिय वापरकर्त्‍यांच्‍या आकडेवारीनुसार भारतातील पहिल्‍या क्रमांकाच्‍या म्‍युझिक स्‍ट्रीमिंग अॅपने नुकतेच विंक रिवाइण्‍ड २०२३चे अनावरण केले, ज्‍याअंतर्गत यंदा भारतीय संगीतक्षेत्रात प्रभुत्‍व गाजवलेले अव्‍वल कलाकार, अल्‍बम्‍स व गाण्‍यांची घोषणा करण्‍यात आली.

लोकप्रिय मराठी पार्श्‍वगायिका सोनाली सोनावणे विंक म्‍युझिकवर मराठी भाषेतील मोस्‍ट स्‍ट्रीम आर्टिस्‍ट ठरली आहे. मराठी चित्रपट ‘सरला एक कोटी’मधील गाणे ‘केवड्याचं पान तू’ प्‍लॅटफॉर्मच्‍या मोस्‍ट स्‍ट्रीम मराठी गाण्‍यांच्‍या यादीमध्‍ये अव्‍वलस्‍थानी आहे, ज्‍यानंतर संजू राठोड यांचे गाणे ‘नऊवारी’चा क्रमांक आहे. ‘रेडिओ टॉप २० मराठी’, ‘वाजती टाळ मृदुंग’ आणि ‘एव्‍हरग्रीन मराठी रोमँटिक हिट्स’ या २०२३ मधील मोस्‍ट-स्‍ट्रीम मराठी प्‍लेलिस्‍ट्स आहेत.

यंदाचे रिवाइण्‍ड अद्वितीय घटक देते, जसे म्‍युझिकल झोडेक, इंटरअॅक्टिव्‍ह अॅक्टिव्‍हीटी बॅज, जे चाहत्‍यांच्‍या सहभागावर देखरेख ठेवण्‍यासह अनेक चाहते असलेल्‍या कलाकारांना प्रकाशझोतात आणते. विंक श्रोत्यांना त्‍यांच्‍या टॉप गाण्‍यांच्‍या वैयक्तिकृत प्‍लेलिस्‍टचा आनंद मिळण्‍यासोबत त्‍यांच्‍या आवडत्‍या कलाकाराकडून स्‍पेशल व्हिडिओ मेसेज देखील मिळाला.

स्‍वावलंबी कलाकारांसाठी भारतातील सर्वात मोठी म्‍युझिक डिस्‍ट्रीब्‍युशन इकोसिस्‍टम विंक स्‍टुडिओचा १३०० हून अधिक प्रबळ आर्टिस्‍ट समुदाय आहे. यापैकी ५५ टक्‍के कलाकार ईशान्‍यकडील शहरांसह नॉन-मेट्रोपोलिटन भागांमधील आहेत. यामधून या क्रिएटर्सना सर्जनशील अभिव्‍यक्‍तीसाठी माध्‍यम प्रदान करत आणि उत्‍पन्‍न व दृ‍श्‍यमानतेसह त्‍यांच्‍या आव्‍हानांचे निराकरण करत सक्षम करण्‍यामधील व्‍यासपीठाची भूमिका दिसून येते.

विंक म्‍युझिक अनेक व्‍यासपीठांवर उपलब्‍ध आहे, जसे अँड्रॉईड ड्राइव्‍ह मोड, अँड्रॉईड ऑटो, सिरी, ॲपल कार प्‍ले, गुगल नेस्‍ट, ॲपल वॉच आणि गुगल असिस्‍टण्‍ट.
टॉप स्‍ट्रीम मराठी गाणी

गाणी आणि गायक/ गायिका
केवड्याचं पान तू – आर्या आंबेकर आणि अजय गोगावले
नऊवारी संजू राठोड
झुमका – संजू राठोड आणि सोनाली सोनावणे
भरला हा मधुमास – अजय गोगावले, अजय-अतुल आणि श्रेया घोषाल
ढगानं आभाळ – जावेदी अली, वैशाली म्‍हाडे, विनायक पवार, हर्षित अभिराज
पिरमाची लगन – रोहित राऊत आणि सोनाली सोनावणे
गाऊ नको किस्‍ना – अजय-अतुल, अजय गोगावले, जयेश खरे, मयुर सुकळे
बुलेटवाली – जी-स्‍पार्क, संजू राठोड आणि सोनाली सोनावणे
दिलावर नाव कोरलयं – राज इरमाळी आणि सोनाली सोनावणे
आले मराठे आले मराठे – देवदत्त बाजी आणि सुवर्णा राठोड

विंक म्‍युझिकची उल्लेखनीय कामगिरी

१. सप्‍टेंबर २०१४: भारतात लाँच; ४ दिवसांमध्‍ये १ लाख डाऊनलोड्सचा टप्‍पा पार
२. फेब्रुवारी २०१५: ५ दशलक्ष ॲप डाऊनलोड्सचा टप्‍पा पार
३. जून २०१५: डेटा सेव्‍ह मोड लाँच
४. नोव्‍हेंबर २०१५: १२ दशलक्ष इन्‍स्‍टॉल्‍सचा टप्‍पा पार
५. जानेवारी २०१६: एमपी३ प्‍लेअर फंक्‍शन-प्‍ले लोकल एमपी३ फाइल लाँच
६. मार्च २०१७: ५० दशलक्ष इन्‍स्‍टॉल्‍सचा टप्‍पा पार
७. जानेवारी २०१८: ७५ दशलक्ष इन्‍स्‍टॉल्‍सचा टप्‍पा पार
८. डिसेंबर २०१८: प्लेस्‍टोअरवर भारतातील सर्वात मनोरंजनपूर्ण ॲप ठरले
९. जानेवारी २०१९: १०० दशलक्ष इन्‍स्‍टॉल्‍सचा टप्‍पा पार
१०. ऑगस्‍ट २०२२: विंक स्‍टुडिओ लाँच
११. ऑगस्‍ट २०२३: विंकने डॉल्‍बीसोबत सहयोग केला
१२. सप्‍टेंबर २०२३: लव्‍ह ऑलसोबत वितरणामध्‍ये प्रवेश

‘मुलगी शिकली प्रगती झाली’ अशा पाट्या जागोजागी आपण पाहतो. हे आशादायी चित्रं कितपत खरंय हा मात्र संशोधनाचा विषय आहे. वरकरणी जरी स्त्रिया आज बंधमुक्त असल्या तरी कधी समाज-संस्कृती तर कधी घराण्याची मानमर्यादा-इभ्रत अशा बेगडी प्रतिष्ठांना सर्रास बळी पडताना दिसतात. त्यात शहरी-निमशहरी सगळ्याचजणी भरडल्या जातात. अशाच एका विषयाकडे मनोरंजनाच्या माध्यमातून अगदी हलक्या-फुलक्या पद्धतीने लक्ष वेधण्याचा निरामि फिल्म्सने प्रयत्न केला आहे. मिलिंद इनामदार दिग्दर्शित ‘सोंग्या’ हा चित्रपट १५ डिसेंबरपासून चित्रपटगृहात दाखल होत आहे.

दिपक यादव यांनी लिहिलेली ही संवेदनशील कथा शुभ्रा आणि यशराज या दोन प्रेमी युगुलांवर आधारित आहे. या दोघांच्या अनुषंगाने खुलत जाणारी ही प्रेमकथा जुनाट रूढी-परंपरांच्या विळख्यात अडकते. समाजाला शरण न जाणारी शुभ्रा आपल्यावरील अन्याय सहन तर करत नाहीच पण ती अशा रूढींविरोधात आवाज उठवते. आपल्या पारंपरिक भारुडांच्या माध्यमातून जनजागृती करणारी प्रातिनिधिक स्वरूपातील शुभ्रा हे पात्र असंख्य मुलींचे बळी जाण्यापासून वाचवू शकते अशी निर्माते-दिग्दर्शक मिलिंद इनामदार यांना आशा आहे. चित्रपटाच्या अनुषंगाने विविध गाण्यांची ‘सोंग्या’ मध्ये रेलचेल असून ‘दादा झाले अध्यक्ष, त्यांचं दिल्लीवर लक्ष’ हे गाणं सध्या सोशल मीडियावर धुमाकूळ घालतंय. मनोरंजनासोबतच मौलिक संदेश देणारा ‘सोंग्या’ सर्वांनी आवर्जून पहावा असाच झालाय.

‘सोंग्या’ चित्रपटातील मुख्य भूमिकेत ऋतुजा बागवे, अजिंक्य ननावरे, गणेश यादव, अनिल गवस, प्रदीप डोईफोडे आदि कलाकार दिसणार आहेत. निशांत काकिर्डे, राहुल पाटील, मिलिंद इनामदार ‘सोंग्या चित्रपटाचे निर्माते आहेत. चित्रपटाचे गीतलेखन गुरु ठाकूर यांनी केले आहे. संगीत विजय गवंडे यांचे आहे. आदर्श शिंदे, स्वप्नील बांदोडकर, मनिष राजगिरे, योगेश चिकटगावकर, स्वप्नजा लेले, अमिता घूगरी यांचा स्वरसाज चित्रपटातील गीतांना लाभला आहे. छायांकन अरविंद कुमार तर संकलन निलेश गावंड यांचे आहे.

स्त्रीशक्तीचा जागर करणारा ‘सोंग्या’ हा चित्रपट सामाजिक परिस्थितीवर भाष्य करीत जळजळीत अंजन घालतो असं म्हटलं तर वावगं ठरू नये.

डॉ. श्रीराम नेने आणि माधुरी दीक्षित नेने प्रस्तुत ‘पंचक’ या चित्रपटाचा उत्सुकता वाढवणारा ट्रेलर प्रेक्षकांच्या भेटीला आला असून आता या चित्रपटाच्या प्रदर्शनाची प्रेक्षक आतुरतेने वाट पाहाताना दिसत आहेत. नुकताच ‘पंचक’चा शानदार ट्रेलर लाँच सोहळा पार पडला. यावेळी अनेक मान्यवर उपस्थित होते. डॉ. श्रीराम नेने आणि माधुरी दीक्षित नेने या मराठमोळ्या जोडीने हा खास मराठी चित्रपट आपल्या मराठी प्रेक्षकांसाठी आणला आहे. जयंत जठार, राहुल आवटे दिग्दर्शित या चित्रपटात आदिनाथ कोठारे, दिलीप प्रभावळकर, भारती आचरेकर, आनंद इंगळे, तेजश्री प्रधान, सतीश आळेकर, नंदिता पाटकर, सागर तळाशीकर, संपदा कुलकर्णी, आशिष कुलकर्णी, दीप्ती देवी, विद्याधर जोशी, आरती वडगबाळकर, गणेश मयेकर अशी तगडी स्टारकास्ट आहे. राहुल आवटे यांचे लेखन असलेल्या या चित्रपटाचे नितीन प्रकाश वैद्य कार्यकारी निर्माते आहेत.

घरात पंचक लागल्याने आता कोणाचा नंबर लागणार, याची भीती घरातील सर्वांनाच भेडसावत असतानाच प्रत्येक जण आपापल्यापरीने यावर उपायही शोधत आहे. या सगळ्यात कोणाची सर्कस सुरू आहे तर कोणाचा ऑपेरा सुरु आहे. आता खोतांच्या घराला लागलेले ‘पंचक’ कसे सुटणार, हे बघताना मजा येणार आहे. हा चित्रपट नवीन वर्षाच्या सुरुवातीला म्हणजेच ५ जानेवारी रोजी प्रदर्शित होणार आहे.

या चित्रपटाबद्दल डॉ. श्रीराम नेने आणि माधुरी दीक्षित नेने म्हणतात, ” यापूर्वीही आम्ही एका चित्रपटाची निर्मिती केली होती, जो ओटीटीवर प्रदर्शित झाला होता. ‘पंचक’ हा आमचा पहिला चित्रपटगृहात प्रदर्शित होणार चित्रपट आहे. ‘पंचक’ खरंतर सर्वार्थानेच खास आहे. या चित्रपटात अनेक मात्तबर कलाकार आहेत. कथा उत्तम आहे. प्रेक्षकांना आपल्या आसपास घडणाऱ्या घटना चित्रपटरूपात पाहायला अधिक आवडतात. ‘पंचक’ हा त्यापैकीच एक आहे. ही एक विचित्र स्थिती आहे, परंतु अतिशय हलक्याफुलक्या पद्धतीने ती प्रेक्षकांसमोर मांडण्यात आली आहे. हा एक कौटुंबिक आणि विनोदी चित्रपट आहे, जो प्रत्येकाने एकत्र पाहावा असा आहे.’’चित्रपटाचे दिग्दर्शक राहुल आवटे म्हणतात, ‘’श्रद्धा आणि अंधश्रद्धा याविषयावर या चित्रपटातून ज्ञान देण्याचा आमचा अजिबात हेतू नाही. आम्ही फक्त एक निखळ मनोरंजन करणारी कथा प्रेक्षकांसमोर मांडत आहोत. एका घरात एखादी घटना घडते आणि त्यातून निर्माण झालेल्या भीतीमुळे आपोआपच होणारे विनोद, अशी ‘पंचक’ची संकल्पना आहे. चार्ली चॅप्लिनच्या म्हणण्यानुसार ‘लाईफ इज अ ट्रजिडी इन क्लोज अप, बट अ कॅामेडी इन लाँग शॅाट, हा चित्रपट अगदी तसाच आहे. जेव्हा आम्ही तो लिहिला तेव्हा त्या पात्रांसाठी ती भीती होती परंतु प्रेक्षकांसाठी ही धमाल आहे. तर दिग्दर्शक जयंत जठार म्हणतात, ‘’खरं सांगायचे तर ही कथा माझ्या आयुष्यात घडली होती. सुरूवातीला खूप भीती वाटायची. परंतु कालांतराने त्याची मी मजा घ्यायला लागलो आणि त्यातूनच मला हा विषय सुचला. आता हा कल्लोळ पाहाताना प्रेक्षकांनाही मजा येणार आहे. माझ्या दिग्दर्शनाच्या पदार्पणातच मला माधुरी दिक्षित नेने आणि डॅा, श्रीराम नेने यांच्यासारखे निर्माते लाभले, यातच सगळे आले. या चित्रपटात अतिशय नामवंत कलाकार आहेत. त्यामुळे कागदावरील हा ‘पंचक’ आता लवकरच पडद्यावर झळकणार आहे.’’

चित्रपटाचे दिग्दर्शक राहुल आवटे म्हणतात, ‘’श्रद्धा आणि अंधश्रद्धा याविषयावर या चित्रपटातून ज्ञान देण्याचा आमचा अजिबात हेतू नाही. आम्ही फक्त एक निखळ मनोरंजन करणारी कथा प्रेक्षकांसमोर मांडत आहोत. एका घरात एखादी घटना घडते आणि त्यातून निर्माण झालेल्या भीतीमुळे आपोआपच होणारे विनोद, अशी ‘पंचक’ची संकल्पना आहे. चार्ली चॅप्लिनच्या म्हणण्यानुसार ‘लाईफ इज अ ट्रजिडी इन क्लोज अप, बट अ कॅामेडी इन लाँग शॅाट, हा चित्रपट अगदी तसाच आहे. जेव्हा आम्ही तो लिहिला तेव्हा त्या पात्रांसाठी ती भीती होती परंतु प्रेक्षकांसाठी ही धमाल आहे. तर दिग्दर्शक जयंत जठार म्हणतात, ‘’खरं सांगायचे तर ही कथा माझ्या आयुष्यात घडली होती. सुरूवातीला खूप भीती वाटायची. परंतु कालांतराने त्याची मी मजा घ्यायला लागलो आणि त्यातूनच मला हा विषय सुचला. आता हा कल्लोळ पाहाताना प्रेक्षकांनाही मजा येणार आहे. माझ्या दिग्दर्शनाच्या पदार्पणातच मला माधुरी दिक्षित नेने आणि डॅा, श्रीराम नेने यांच्यासारखे निर्माते लाभले, यातच सगळे आले. या चित्रपटात अतिशय नामवंत कलाकार आहेत. त्यामुळे कागदावरील हा ‘पंचक’ आता लवकरच पडद्यावर झळकणार आहे.’’