Home

  • सासू-सुनेची खट्याळ जुगलबंदी!‘अगं अगं सूनबाई! काय म्हणताय सासूबाई?’ शीर्षक गीत प्रदर्शित

    हटके नाव आणि धमाकेदार टीझरनंतर शीर्षक गीताची धमाल एंट्री
    केदार शिंदे दिग्दर्शित आगामी मराठी चित्रपट ‘अगं अगं सूनबाई! काय म्हणताय सासूबाई?’ आपल्या हटके नावामुळे आणि धमाकेदार टीझरमुळे आधीपासूनच चर्चेत आहे. आता या चित्रपटाचे शीर्षक गीत प्रेक्षकांच्या भेटीला आले असून सासू-सुनेच्या नात्यातील टोमणे, नोकझोक, प्रेम आणि मस्तीची मजेशीर बाजू या गाण्यातून प्रभावीपणे मांडण्यात आली आहे.

    सासू-सुनेच्या नात्याचा संगीतमय खेळ
    हे शीर्षक गीत म्हणजे सासू-सुनेच्या रोजच्या नात्यातील गंमतीदार प्रसंगांचे संगीतमय रूप आहे. घराघरांत घडणाऱ्या मिश्किल टोमण्यांपासून खट्याळ तक्रारींपर्यंत आणि त्या मागील आपुलकीपर्यंत सगळ्या भावना या गाण्यात अचूक पकडल्या आहेत. त्यामुळे हे गाणे केवळ ऐकायला नाही, तर पाहायला आणि अनुभवायला देखील मजेदार ठरते.

    वैशाली सामंत–प्रियांका बर्वे यांचा दमदार आवाज
    या टायटल ट्रॅकला वैशाली सामंत आणि प्रियांका बर्वे यांचा उत्साही आणि दमदार आवाज लाभला असून त्यांच्या गायकीमुळे गाण्यातील नोकझोक आणि मस्ती अधिक जिवंत वाटते. कुणाल–करण यांचे संगीत हे गाण्याचे खास आकर्षण ठरते. पारंपरिक ढंग आणि आधुनिक ठेका यांचा सुंदर मिलाफ गाण्याला अधिक खुसखुशीत बनवतो.

    वलय मुलगुंड यांचे बोलके शब्द, कलाकारांची धमाल केमिस्ट्री
    गीतलेखन वलय मुलगुंड यांचे असून त्यांच्या शब्दांतून सासू-सुनेच्या नात्यातील खट्याळपणा आणि आपुलकी सहज उमटते. गाण्यात निर्मिती सावंत आणि प्रार्थना बेहेरे पारंपरिक नऊवारी साडीत कमाल दिसत असून त्यांची सहज अभिनयशैली आणि धमाल केमिस्ट्रीमुळे गाण्याची मजा द्विगुणित होते.

    केदार शिंदेंची भावना आणि चित्रपटाची टीम
    गाण्याबद्दल दिग्दर्शक केदार शिंदे म्हणतात की सासू-सुनेचे नाते कायमच रंजक, गंमतीशीर आणि भावनिक असते आणि या गाण्यात त्या नात्याची खट्याळ बाजू मजेशीर पद्धतीने मांडली आहे.
    झी स्टुडिओज आणि सनफ्लॉवर स्टुडियोज निर्मित या चित्रपटाचे दिग्दर्शन केदार शिंदे यांनी केले आहे. उमेश कुमार बन्सल, बवेश जानवलेकर आणि सना शिंदे हे चित्रपटाचे निर्माते आहेत. कथा व संवाद वैशाली नाईक आणि ओमकार मंगेश दत्त यांचे असून पटकथा वैशाली नाईक यांची आहे. छायाचित्रण आणि संकलन मयूर हरदास यांनी केले आहे.

    १६ जानेवारीपासून प्रेक्षकांच्या भेटीला
    सासू-सुनेच्या नात्याची खट्याळ, मस्तीपूर्ण आणि आपुलकीची बाजू दाखवणारा हा धमाल चित्रपट १६ जानेवारीपासून प्रेक्षकांच्या भेटीला येणार आहे.

  • “सुभेदार गेस्ट हाऊस” नाटकाचे २५ डिसेंबरपासून रंगभूमीवर पदार्पण

    धि गोवा हिंदु असोसिएशन पुन्हा रंगभूमीवर सक्रिय

    मराठी नाट्यसृष्टीत सातत्याने दर्जेदार नाटके आणि संगीत नाटके सादर करणारी अग्रगण्य संस्था धि गोवा हिंदु असोसिएशन काही काळाच्या विश्रांतीनंतर पुन्हा एकदा रंगभूमीची सेवा करण्यासाठी सज्ज झाली आहे. धि गोवा हिंदु असोसिएशन आणि सुकल्प चित्र यांच्या संयुक्त विद्यमाने “सुभेदार गेस्ट हाऊस” हे नवे मराठी नाटक येत्या २५ डिसेंबरपासून रसिक प्रेक्षकांच्या भेटीला येत आहे.

    पुणे आणि मुंबईतील पहिल्या प्रयोगांची माहिती

    या नाटकाचा पुण्यातील पहिला प्रयोग २५ डिसेंबर रोजी यशवंतराव चव्हाण नाट्यगृह, कोथरूड येथे होणार असून, मुंबईतील पहिला प्रयोग २६ डिसेंबर रोजी शिवाजी मंदिर येथे सादर केला जाणार आहे. धि गोवा हिंदु असोसिएशन, कल्पक सदानंद जोशी आणि अमरजा गोडबोले हे या नाटकाचे निर्माते आहेत.

    लेखन, दिग्दर्शन आणि कलाकारांची दमदार फळी

    “सुभेदार गेस्ट हाऊस” या नाटकाचे लेखन शिरीष देखणे यांनी केले असून दिग्दर्शनाची धुरा विजय केंकरे यांनी सांभाळली आहे. या नाटकात सौरभ गोखले, शंतनू मोघे, अंगद म्हसकर, मृण्मयी गोंधळेकर, विनिता दाते, सना कुलकर्णी, रोहित देशमुख आणि आनंद पाटील यांच्या महत्वपूर्ण भूमिका पाहायला मिळणार आहेत.

    तांत्रिक बाजू आणि रंगमंचीय मांडणी

    नाटकाचे नेपथ्य प्रदीप मुळ्ये, संगीत अजित परब, गीत वैभव जोशी, प्रकाश योजना शीतल तळपदे, रंगभूषा शरद विचारे आणि वेशभूषा मंगल केंकरे यांची आहे. सूत्रधार म्हणून श्रीकांत तटकरे आणि राजेंद्र पै काम पाहत आहेत.

    नाट्यरसिकांमध्ये उत्सुकता शिगेला

    धि गोवा हिंदु असोसिएशन पुन्हा एकदा रंगभूमीवर सक्रिय होत असल्याची बातमी समजताच नाट्यरसिकांमध्ये मोठ्या प्रमाणात उत्सुकता निर्माण झाली आहे. आशयघन कथा, कसदार दिग्दर्शन आणि अनुभवी कलाकार-तांत्रिक टीम यांच्या जोरावर “सुभेदार गेस्ट हाऊस” हे नाटक प्रेक्षकांसाठी एक खास रंगमंचीय अनुभव ठरणार असल्याची चिन्हे स्पष्टपणे दिसत आहेत.

  • मराठी चित्रपटांचा राखणदार ‘दशावतार’ आता झी मराठीवर

    झी मराठीवर ‘दशावतार’ चित्रपटाचा वर्ल्ड टेलिव्हिजन प्रीमियर होत असून, मराठी चित्रपटसृष्टीतील गाजलेला आणि प्रेक्षकांच्या मनात घर करून गेलेला ‘दशावतार’ आता छोट्या पडद्यावर प्रेक्षकांच्या भेटीला येत आहे. ज्येष्ठ अभिनेते दिलीप प्रभावळकर यांच्या दमदार अभिनयाने सजलेल्या या चित्रपटाचा २१ डिसेंबर २०२५ रोजी झी मराठीवर वर्ल्ड टेलिव्हिजन प्रीमियर होणार आहे. चित्रपटगृहात प्रचंड यश मिळवल्यानंतर आता घरबसल्या हा अनुभव घेण्याची संधी प्रेक्षकांना मिळणार आहे.

    कोकणातील दशावतारी परंपरेची थरारक कथा.

    ‘दशावतार’ची कथा कोकणातील पारंपरिक दशावतारी कलाकार बाबुली मेस्त्री यांच्याभोवती फिरते. वैयक्तिक दु:खामुळे हादरलेल्या मेस्त्रींच्या आयुष्यात खाण प्रकल्पामुळे गावावर आलेले संकट, अन्यायाविरुद्धचा संघर्ष आणि मुलाच्या मृत्यूमागील सत्याचा शोध असा बहुआयामी प्रवास उलगडत जातो. लोककला, श्रद्धा आणि आधुनिक वास्तव यांचा सुरेख संगम साधत, बाबुली मेस्त्रींची शेवटची दशावतारी कामगिरी चांगल्या आणि वाईटातील थरारक लढाई ठरते.

    दिग्गज कलाकारांची भक्कम फौज.

    या चित्रपटात दिलीप प्रभावळकर यांच्यासह महेश मांजरेकर, सिद्धार्थ मेनन, अभिनय बेर्डे, प्रियदर्शनी इंदलकर, सुनील तावडे, रवी काळे, लोकेश मित्तल यांसारख्या कलाकारांनी महत्त्वाच्या भूमिका साकारल्या आहेत. प्रत्येक कलाकाराने आपल्या भूमिकेतून कथेला अधिक खोल आणि प्रभावी बनवले आहे.

    झी मराठीचा अनोखा उपक्रम.

    या वर्ल्ड टेलिव्हिजन प्रीमियरच्या निमित्ताने झी मराठीने एक अनोखा उपक्रम राबवला आहे. झी मराठी मालिकांमधील कलाकार – ‘लक्ष्मी निवास’ मालिकेतील सिद्धू, जयंत, संतोष आणि वेंकी, ‘तारिणी’ मालिकेतील केदार, ‘वीण दोघातली ही तुटेना’ मधील रोहन, ‘सावळ्याची जणू सावली’ मधील सारंग तसेच ‘कमळी’ मालिकेतील हृषी – हे सर्व कलाकार *‘दशावतार’*मधील विविध अवतारांमध्ये दिसले. या उपक्रमातून चित्रपटाबद्दलचा आदर आणि उत्साह स्पष्टपणे जाणवतो.

    दशावतारी परंपरेचे खरे वारसदार.

    या सर्व कलाकारांची रंगभूषा केली ती म्हणजे खऱ्या आयुष्यातील दशावतारी नाटकांचे दिग्गज कलाकार आणि दिग्दर्शक दादा राणे कोनस्कर आणि उदय राणे कोनस्कर. गेली ३४ वर्षे दशावतारी रंगभूमीवर कार्यरत असलेल्या या दोघांनी आजवर ७००० पेक्षा अधिक प्रयोगांमध्ये भूमिका साकारल्या आहेत. त्यांची सेटवरील उपस्थिती हा क्षण अधिकच खास बनवणारी ठरली.

    परंपरा, संस्कृती आणि थराराचा उत्सव.

    परंपरा, संस्कृती आणि थरार यांचा सुरेख संगम असलेला ‘दशावतार’ पाहण्याची ही सुवर्णसंधी चुकवू नका. २१ डिसेंबर २०२५, संध्या ७ वाजता, सदैव तुमच्या झी मराठीवर.

  • २५ ते ३१ डिसेंबर रोजी एन.डी. स्टुडिओ येथे भव्य कार्निव्हलचे आयोजन

    कलेच्या क्षेत्रात उत्तुंग कर्तबगारी करत एका मराठी माणसाने उभं केलेलं भव्य साम्राज्य म्हणजे एन.डी. स्टुडिओ. त्यांनी पाहिलेलं स्वप्न पूर्ण करण्यासाठी शासनाने पुढाकार घेत एन.डी. स्टुडिओच्या जतन आणि संवर्धनाची जबाबदारी नम्रपणे स्वीकारली असून, या स्टुडिओला पुन्हा गतवैभव प्राप्त करून देण्यासाठी शासन सर्वतोपरी प्रयत्न करेल, असे प्रतिपादन सांस्कृतिक कार्य विभागाचे सचिव डॉ. किरण कुलकर्णी यांनी केले.

    पत्रकार आणि टूर ऑपरेटरसाठी विशेष भेट

    महाराष्ट्र चित्रपट, रंगभूमी आणि सांस्कृतिक विकास महामंडळाअंतर्गत एन.डी. आर्ट वर्ल्ड लिमिटेड येथे शुक्रवारी पत्रकार आणि टूर ऑपरेटर यांची विशेष भेट आयोजित करण्यात आली होती. यानिमित्ताने आयोजित करण्यात आलेल्या छोटेखानी सांस्कृतिक कार्यक्रमात डॉ. कुलकर्णी बोलत होते.

    मान्यवरांची उपस्थिती

    या कार्यक्रमाला दादासाहेब फाळके चित्रनगरीच्या व्यवस्थापकीय संचालक स्वाती म्हसे पाटील, सह-व्यवस्थापकीय संचालक प्रशांत साजणीकर, पु. ल. देशपांडे महाराष्ट्र कला अकादमीच्या संचालक तथा एन.डी.चे मुख्य कार्यकारी अधिकारी मीनल जोगळेकर, वित्तीय सल्लागार व मुख्य लेखा वित्ताधिकारी चित्रलेखा खातू-रावराणे, उप अभियंता (स्थापत्य) विजय बापट, एन.डी.चे प्रशासकीय अधिकारी सचिन निबाळकर आणि श्रीकांत देसाई उपस्थित होते.

    एन.डी. कार्निव्हल पोस्टरचे अनावरण

    यावेळी २५ ते ३१ डिसेंबर दरम्यान एन.डी. स्टुडिओ येथे होणाऱ्या भव्य कार्निव्हलच्या पोस्टरचे मान्यवरांच्या हस्ते अनावरण करण्यात आले.

    नितीन देसाई : आधुनिक विश्वकर्मा

    दादासाहेब फाळके चित्रनगरीच्या व्यवस्थापकीय संचालक स्वाती म्हसे पाटील यांनी आपल्या मनोगतात नितीन देसाई यांचा उल्लेख “आधुनिक विश्वकर्मा” असा करत, त्यांनी उभारलेलं कार्य सदैव स्मरणात राहील, असे सांगितले. एन.डी. स्टुडिओचे परिचलन आता गोरेगाव चित्रनगरीच्या माध्यमातून केले जात असून, स्टुडिओचे संकेतस्थळ आणि बुकिंग ॲप सुरू करण्यात आले आहे. आगामी काळात अधिक सुविधा उपलब्ध करून देण्याचे नियोजन असल्याची माहितीही त्यांनी दिली.

    भव्यतेची व्याख्या नितीन देसाईंनी घडवली

    प्रास्ताविक करताना मीनल जोगळेकर म्हणाल्या की, भव्यता म्हणजे काय हे नितीन देसाई या मराठी माणसाने प्रत्यक्ष कृतीतून दाखवून दिले. शासनाशी त्यांचे असलेले ऋणानुबंध आणि त्यांच्याशी संबंधित आठवणी त्यांनी यावेळी जागवल्या.

    २५ ते ३१ डिसेंबर : एन.डी. कार्निव्हलची सविस्तर माहिती

    दिनांक २५ ते ३१ डिसेंबर २०२५ दरम्यान, एन.डी. कर्जत येथे सकाळी १० ते सायंकाळी ५ या वेळेत भव्य कार्निव्हलचे आयोजन करण्यात आले आहे. या कार्निव्हलमध्ये खेळ, मनोरंजन यांसोबतच सेलिब्रिटींसोबत गप्पांचा विशेष कार्यक्रम दररोज होणार आहे.

    तिकीट दर आणि बुकिंग माहिती

    पाच वर्षांपासून पुढील सर्व वयोगटांसाठी कार्निव्हल तिकीट १४९९ रुपये असून, या दरामध्ये जेवण आणि नाश्त्याचा समावेश आहे. एकाच वेळी २५ किंवा त्याहून अधिक तिकिटांची बुकिंग केल्यास प्रति तिकीट १३९९ रुपये दर आकारण्यात येणार आहे. तिकीट बुकिंग ऑनलाईन आणि ऑफलाईन दोन्ही पद्धतीने उपलब्ध असून, ऑनलाईन तिकीट http://www.ndartworld या संकेतस्थळावर मिळणार आहे.

    कार्निव्हलमध्ये कलाकारांची विशेष उपस्थिती

    २५ डिसेंबर रोजी दुपारी ४ ते ६ – कविता लाड
    २६ डिसेंबर रोजी दुपारी ४ ते ६ – सुव्रत जोशी, सखी गोखले
    २७ डिसेंबर रोजी दुपारी ४ ते ६ – अदिती सारंगधर
    २८ डिसेंबर रोजी दुपारी १२ ते २ – विराजस कुलकर्णी, उर्मिला कोठारे, विक्रम गायकवाड
    २९ डिसेंबर रोजी दुपारी ४ ते ६ – आनंद इंगळे
    ३० डिसेंबर रोजी दुपारी ४ ते ६ – डॉ. गिरीश ओक
    ३१ डिसेंबर रोजी दुपारी ४ ते ६ – संजय मोनेकला, मनोरंजन आणि आठवणींचा अनोखा संगम असलेला हा एन.डी. कार्निव्हल प्रेक्षकांसाठी नक्कीच अविस्मरणीय ठरणार आहे.

    कला, मनोरंजन आणि आठवणींचा अनोखा संगम असलेला हा एन.डी. कार्निव्हल प्रेक्षकांसाठी नक्कीच अविस्मरणीय ठरणार आहे.

  • धमाल मनोरंजक ‘गोट्या गँगस्टर’चा ट्रेलर लाँच, २६ डिसेंबरला चित्रपट प्रेक्षकांच्या भेटीला

    राष्ट्रीय पुरस्कारप्राप्त दिग्दर्शक दिवंगत राजेश पिंजानी यांचा अखेरचा चित्रपट ‘गोट्या गँगस्टर’चा ट्रेलर नुकताच लाँच करण्यात आला आहे. ट्रेलरमधून या चित्रपटाची विनोदी, धमाल आणि थोडी गँगस्टर छटा असलेली रंजक दुनिया प्रेक्षकांसमोर आली असून, २६ डिसेंबर रोजी हा चित्रपट प्रदर्शित होणार आहे.

    चाळीतला गोट्या आणि गँग बनवण्याचं स्वप्न

    मुंबईतील एका चाळीत राहणारा गोट्या आणि त्याचे मित्र गँग बनवण्याचं स्वप्न पाहतात. मात्र, हे स्वप्न प्रत्यक्षात आणण्याच्या प्रयत्नात त्यांच्या आयुष्यात असे काही प्रसंग घडतात की सगळं चित्रच बदलून जातं. साध्या चाळीच्या जगण्यातून सुरू झालेली ही गोष्ट पुढे भन्नाट वळणं घेत जाते, हे ट्रेलरमधून स्पष्ट होतं.

    निर्मिती आणि प्रस्तुतीची भक्कम टीम

    ‘गोट्या गँगस्टर’ या चित्रपटाची निर्मिती अन्नपूर्णा प्रॉडक्शन्सच्या बॅनरखाली अन्नपूर्णा बिरादार, राजेश्री बिरादार आणि संदीप बिरादार यांनी केली आहे. चित्रपटाची प्रस्तुती ऋतुजा पाटील आणि शिव लोखंडे यांनी केली असून, लेखन आणि दिग्दर्शनाची जबाबदारी स्वतः राजेश पिंजानी यांनी सांभाळली आहे.

    दिग्गज आणि लोकप्रिय कलाकारांची फौज

    या चित्रपटात प्रवीण तरडे, प्रथमेश परब, डॉ. मोहन आगाशे, श्रीकांत यादव, अश्विनी गिरी, भूषण मंजुळे, विनोद वणवे, ऐश्वर्या शिंदे आणि मुकूंद वसुले अशा दमदार कलाकारांची फौज पाहायला मिळणार आहे. प्रत्येक कलाकाराची भूमिका कथानकाला अधिक रंगतदार बनवणारी असल्याचं ट्रेलरवरून जाणवतं.

    तीन मित्र, किडनॅपिंग आणि डॉनची एंट्री

    मायानगरी मुंबईतील एका चाळीत राहणाऱ्या तीन मित्रांची गोष्ट ‘गोट्या गँगस्टर’मध्ये उलगडते. आयुष्यात घडलेल्या काही अनपेक्षित घटनांमुळे या तिघांवर किडनॅपिंग करण्याची वेळ येते. त्याच दरम्यान, काही वर्षांपूर्वी मुंबई सोडून थेट दुबईला पळून गेलेला डॉन चिमण भाई अचानक मुंबईत परततो. यानंतर विनोदी प्रसंग, भन्नाट संवाद आणि न थांबणारी धमाल सुरू होते.

    खुसखुशीत कथा आणि ट्रेलरमुळे वाढलेली उत्सुकता

    अत्यंत खुसखुशीत कथा, ताकदीचे कलाकार आणि मनोरंजक मांडणी यामुळे ‘गोट्या गँगस्टर’ प्रेक्षकांना भरपूर हसवणार, याची झलक ट्रेलरमधून मिळते. ट्रेलरनेच चित्रपटाबद्दलची उत्सुकता अधिकच वाढवली आहे.

    राजेश पिंजानी यांचा अखेरचा चित्रपट

    ‘बाबू बँड बाजा’ या राष्ट्रीय पुरस्कारप्राप्त चित्रपटाचं दिग्दर्शन करून राजेश पिंजानी यांनी मराठी सिनेसृष्टीत आपली वेगळी ओळख निर्माण केली होती. पहिल्याच चित्रपटासाठी राष्ट्रीय पुरस्कार मिळाल्यानंतर त्यांच्याकडून आणखी उत्तमोत्तम चित्रपटांची अपेक्षा होती. मात्र, ‘गोट्या गँगस्टर’ प्रदर्शित होण्यापूर्वीच त्यांचं अकाली निधन झालं. त्यामुळे हा चित्रपट राजेश पिंजानी यांचा अखेरचा ठरला आहे.

    २६ डिसेंबरला चित्रपट प्रदर्शित होणार

    २६ डिसेंबर रोजी ‘गोट्या गँगस्टर’ प्रदर्शित करून दिवंगत दिग्दर्शक राजेश पिंजानी यांना श्रद्धांजली वाहण्यात येणार आहे. मनोरंजन, विनोद आणि आठवणींचं हे पॅकेज प्रेक्षकांसाठी नक्कीच खास ठरणार आहे.

  • Adivi Sesh Drops an Intense New Poster on His Birthday, Sparking Buzz Around the Much-Awaited Hindi Teaser of Dacoit

    Birthday Reveal Fuels Anticipation
    Adivi Sesh marked his birthday by unveiling a striking new poster of Dacoit, instantly igniting excitement among fans and film enthusiasts. The poster release has heightened anticipation for the film’s much-awaited Hindi teaser, which is set to drop tomorrow, making the celebration even more special for audiences eagerly tracking the project.

    A Powerful Pan-India Cast Takes Shape
    Starring Adivi Sesh and Mrunal Thakur in the lead roles, with Anurag Kashyap playing a pivotal character, Dacoit is already emerging as one of the most talked-about pan-India films. The combination of Sesh’s intense screen presence, Mrunal Thakur’s strong emotional depth, and Anurag Kashyap’s commanding aura promises a gripping cinematic experience.

    High-Octane Action Meets Raw Emotion
    Promising an electrifying blend of high-octane action, raw emotion, and gripping drama, Dacoit aims to deliver a powerful narrative driven by intensity and conflict. The fiery on-screen chemistry between Adivi Sesh and Mrunal Thakur adds another compelling layer to the film, enhancing its dramatic and emotional stakes.

    A Significant Directorial Debut
    The film marks the directorial debut of Shaneil Deo, adding a fresh creative voice to the project. Produced by Supriya Yarlagadda, co-produced by Suniel Narang, and presented by Annapurna Studios, Dacoit is being mounted on a grand scale. The story and screenplay have been jointly crafted by Adivi Sesh and Shaneil Deo, reflecting a collaborative vision at the heart of the film.

    Simultaneous Multilingual Production and Release Plans
    Shot simultaneously in Hindi and Telugu, Dacoit is designed as a true pan-India offering. The makers have locked 19th March 2026 for its theatrical release, strategically timed to coincide with the festive Gudi Padwa celebrations and the extended Eid weekend, positioning the film for a wide and enthusiastic audience response across regions.

  • Oppidan Golden Dragon Karate Academy Shines at Invitational State-Level Karate Championship

    State-Level Championship Witnesses Massive Participation
    An Invitational State-Level Karate Championship was successfully held on 13th and 14th December at Meena Tai Thakare Stadium, drawing participation from nearly 650 karate players representing various parts of the state. The two-day event showcased high levels of competition, discipline, and sporting spirit among young martial artists.

    Outstanding Performance by Oppidan Golden Dragon Karate Academy
    Athletes from Oppidan Golden Dragon Karate Academy delivered a commendable performance at the championship. Supported by the Oppidan India Group, the academy’s students demonstrated exceptional skill and determination, with 10 participants securing medals across different categories, bringing pride to the institution and the region.

    Medal Winners Across Kata and Kumite Categories
    The medal winners from the academy included Sanvi Sawant, who secured second place in Kata; Laweeza Sheikh, who won first place in Kata and second place in Kumite; Aliza Sheikh, who earned third place in both Kata and Kumite; Adiba Chaudhary, who claimed first place in Kata and third place in Kumite; Maira Chaudhary, Arsh Chaudhary, Zaith Chaudhary, and Sanvi Kalbhor, all of whom won third place in Kata; and Ayat Chaudhary, who secured third place in Kumite.

    Special Honour for Yuvraj Gawade
    A major highlight of the championship was the remarkable achievement of Yuvraj Gawade, who was awarded the prestigious “Best Player of the Championship” title in the Under-16 category. His performance stood out among hundreds of competitors and earned widespread appreciation.

    Coaching Excellence and Organisational Support
    The championship was organised by Vishwa Sports Academy, ensuring a well-managed and competitive sporting environment. The success of the Oppidan Golden Dragon Karate Academy athletes was credited to disciplined training and consistent guidance under Head Coach Om Ingole and Coach Omkar Munde, whose efforts played a crucial role in shaping the players’ performance.

    Congratulations and Future Aspirations
    The Oppidan India Group congratulated all the medal winners, coaches, and parents for their collective efforts and achievements. The organisation also extended best wishes to the young karatekas for continued success in upcoming competitions and future sporting endeavours.

  • ६ फेब्रुवारीला लागणार ‘लग्नाचा शॉट’!

    लग्न म्हणजे आनंद, उत्साह आणि लगबग… पण कधी कधी हाच आनंद जर गोंधळात बदलला, तर काय होईल? अशाच एका मजेशीर गोंधळावर आधारित ‘लग्नाचा शॉट’ हा नवा मराठी चित्रपट ६ फेब्रुवारी रोजी प्रेक्षकांच्या भेटीला येत आहे. नुकतेच या चित्रपटाचे मोशन पोस्टर प्रदर्शित झाले असून, त्यातून चित्रपटाचा हलकाफुलका आणि धमाल मूड स्पष्टपणे समोर येतो.

    लग्नातील गोंधळ आणि धमाल कथानक

    चित्रपटाच्या नावावरूनच ‘लग्नाचा शॉट’ हा काहीसा वेगळा आणि मजेशीर अनुभव देणारा सिनेमा असणार, याची कल्पना येते. लग्नाच्या धावपळीत घडणाऱ्या अनपेक्षित घटना, चुकीचे अंदाज, गैरसमज आणि त्यातून निर्माण होणारा गोंधळ याभोवती या चित्रपटाची गोष्ट फिरते. मात्र हा गोंधळ नेमका कोणता आहे आणि ‘लग्नाचा शॉट’ म्हणजे काय, हे चित्रपट पाहिल्यावरच उलगडणार आहे.

    कलाकारांची नावे अजूनही गुलदस्त्यात

    सध्या या चित्रपटात कोणते कलाकार झळकणार आहेत, हे अजूनही गुपित ठेवण्यात आले आहे. मात्र, कथानकाचा ढंग पाहता हा सिनेमा प्रेक्षकांचे भरपूर मनोरंजन करणार, हे नक्की.

    दिग्दर्शक अक्षय गोरे यांचे मत

    दिग्दर्शक अक्षय गोरे म्हणतात, ‘‘‘लग्नाचा शॉट’ हा चित्रपट म्हणजे लग्नाच्या गोंधळाकडे मजेशीर पद्धतीने पाहणारी गोष्ट आहे. कोणालाही कंटाळा न येता, संपूर्ण कुटुंबाला एकत्र बसून पाहता येईल असा हा निव्वळ मनोरंजनाचा अनुभव आहे. कुठलाही संदेश देण्याचा अट्टहास नाही, कुठलाही गंभीर सूर नाही, केवळ हलकंफुलकं, स्वच्छ आणि प्रामाणिक मनोरंजन हेच या चित्रपटाचं वैशिष्ट्य आहे.’’

    निर्मिती, दिग्दर्शन आणि संगीत

    महापर्व फिल्म्स निर्मित आणि जिजा फिल्म्स यांच्या सहयोगाने तयार झालेल्या ‘लग्नाचा शॉट’ या चित्रपटाचे लेखन आणि दिग्दर्शन अक्षय गोरे यांनी केले आहे. चित्रपटाला प्रवीण कोळी आणि योगिता कोळी यांचे संगीत लाभले असून, अक्षय महादेव गोरे, विजय महादेव गोरे, अभिषेक उत्कर्ष कोळी आणि सुरेश मंगललाल प्रजापती हे या चित्रपटाचे निर्माते आहेत.

    मनोरंजनाचा हलकाफुलका अनुभव

    एकूणच ‘लग्नाचा शॉट’ हा कोणताही बोजड संदेश न देता, फक्त हसवणारा आणि आनंद देणारा चित्रपट ठरणार असल्याचे संकेत मिळत आहेत. ६ फेब्रुवारी रोजी हा धमाल सिनेमा प्रेक्षकांच्या भेटीला येणार आहे.

  • जिओ स्टुडिओज् आणि मुंबई फिल्म कंपनी यांचा बहुप्रतिक्षित चित्रपट ‘राजा शिवाजी’चे चित्रीकरण यशस्वीरित्या संपूर्ण

    मुंबई, १६ डिसेंबर २०२५

    मराठी चित्रपटसृष्टीतील सर्वात भव्य आणि महत्त्वाकांक्षी चित्रपट **‘राजा शिवाजी’**चे चित्रीकरण यशस्वीरित्या पूर्ण झाले आहे. रितेश देशमुख दिग्दर्शित आणि जिओ स्टुडिओज व मुंबई फिल्म कंपनी यांच्या बॅनरखाली ज्योती देशपांडे आणि जिनिलीया देशमुख निर्मित हा चित्रपट छत्रपती शिवाजी महाराजांच्या असामान्य जीवनप्रवासावर आधारित आहे. हा ऐतिहासिक बहुभाषिक अ‍ॅक्शन ड्रामा १ मे २०२६ रोजी जागतिक स्तरावर प्रदर्शित होणार आहे.

    रितेश देशमुख यांची भावनिक सोशल मीडिया पोस्ट

    आज रितेश देशमुख यांनी सोशल मीडियावर चित्रपटाच्या सेटवरील एक छायाचित्र शेअर करत लिहिले आहे —
    “क्षणभर थांबलेला सूर्य..
    मावळतीचा मावळ..
    पण क्षणभरासाठीच…
    उद्याच्या तेजस्वी पहाटेसाठी.”

    १०० दिवसांची मेहनत, निष्ठा, समर्पण आणि अपार जिद्द यावर अखेर पडदा पडला आहे. असंख्य आठवणी, अनुभव आणि मनात कायम राहणारे क्षण घेऊन, महापराक्रमी राजाधिराज छत्रपती शिवाजी महाराजांना सिनेमारूपी अभिवादन घेऊन येत असल्याची भावना त्यांनी या पोस्टमधून व्यक्त केली आहे.

    ऐतिहासिक ठिकाणी भव्य चित्रीकरण

    गेल्या एका वर्षात सुमारे १०० दिवस ‘राजा शिवाजी’चे चित्रीकरण वाई, महाबळेश्वर, सातारा, मुंबई यांसह अनेक ऐतिहासिक ठिकाणी करण्यात आले. १६व्या शतकातील महाराष्ट्र जिवंत उभा करण्यासाठी किल्ल्यांचे सखोल संशोधन करून त्यांची पुनर्निर्मिती करण्यात आली असून, भव्य सेट्स उभारण्यात आले आहेत.

    तंत्रज्ञान, अ‍ॅक्शन आणि पोस्ट-प्रोडक्शन

    चित्रपटात आधुनिक VFX तंत्रज्ञानाचा आणि भव्य अ‍ॅक्शन दृश्यांचा प्रभावी वापर करण्यात आला आहे. सध्या चित्रपट पोस्ट-प्रोडक्शनच्या टप्प्यात असून, मराठी चित्रपटसृष्टीसाठी हा सिनेमा एक महत्त्वाचा टप्पा ठरणार असल्याचे स्पष्ट होत आहे.

    दिग्गज तांत्रिक आणि संगीत टीम

    या चित्रपटाचे संगीत अजय–अतुल यांनी दिले असून, सिनेमॅटोग्राफी संतोष सिवन यांनी केली आहे. विशेष म्हणजे, संतोष सिवन यांचे हे मराठी चित्रपटसृष्टीतील पदार्पण आहे, जे या प्रकल्पाला आणखी विशेष बनवते.

    दिग्गज कलाकारांची फौज

    ‘राजा शिवाजी’मध्ये संजय दत्त, अभिषेक बच्चन, विद्या बालन, महेश मांजरेकर, सचिन खेडेकर, भाग्यश्री, फरदीन खान, जितेंद्र जोशी, अमोल गुप्ते, जिनिलीया देशमुख आणि रितेश विलासराव देशमुख यांचा समावेश आहे. याशिवाय काही खास सरप्राइझेसही प्रेक्षकांना पाहायला मिळणार आहेत.

    स्वराज्य स्थापनेचा प्रेरणादायी प्रवास

    ‘राजा शिवाजी’ हा चित्रपट तरुण शिवाजी महाराजांच्या स्वराज्य स्थापनेच्या संघर्षमय, प्रेरणादायी आणि तेजस्वी प्रवासाची कथा मांडतो. भव्यतेसोबतच भावनिक खोली असलेला हा अनुभव प्रेक्षकांना वेगळ्याच पातळीवर घेऊन जाण्याचे आश्वासन देतो.

    प्रदर्शनाची तारीख निश्चित

    जिओ स्टुडिओज प्रस्तुत आणि मुंबई फिल्म कंपनी निर्मित, रितेश देशमुख दिग्दर्शित ‘राजा शिवाजी’ हा चित्रपट १ मे २०२६ रोजी जागतिक स्तरावर प्रदर्शित होणार आहे.

  • ‘रणपति शिवराय स्वारी आग्रा’ चित्रपटाचा दमदार टिझर

    शिवरायांचे बुद्धिचातुर्य आणि मुत्सद्देगिरीचा थरारक अध्याय

    छत्रपती शिवाजी महाराजांच्या स्वराज्य उभारणीत त्यांच्या पराक्रमाइतकेच त्यांचे बुद्धिचातुर्य हे केंद्रस्थानी राहिले आहे. महाराज हे केवळ रणांगणावरील योद्धे नव्हते, तर अत्यंत कुशल मुत्सद्दी होते, हे त्यांनी असंख्य मोहिमांतून सिद्ध केले. गनिमी कावा ही कूटनीती त्यांनी इतक्या प्रभावीपणे वापरली की शत्रू सावध होण्याआधीच त्याला पराभवाचा धक्का बसायचा.

    मुघल साम्राज्याला हादरा देणारी आग्रा स्वारी

    औरंगजेबाचे मुघल साम्राज्य त्या काळातील सर्वात बलाढ्य सत्ता मानली जात होती. अशा साम्राज्याला केवळ आव्हान देणेच नव्हे, तर आग्राला जाण्याचा निर्णय घेऊन भर दरबारात निडरपणे उभे राहणे हा स्वराज्याच्या इतिहासातील अत्यंत धाडसी अध्याय आहे. या प्रसंगात महाराजांची तल्लख बुद्धी, प्रसंगावधान, आखलेली रणनीती आणि रक्ताचा थेंबही न सांडता शत्रूला नामोहरम करण्याची क्षमता ठळकपणे दिसते.

    श्री शिवराज अष्टकातील सहावे चित्रपुष्प

    लेखक-दिग्दर्शक दिग्पाल लांजेकर यांच्या श्री शिवराज अष्टक संकल्पनेतील सहावे चित्रपुष्प ‘रणपति शिवराय स्वारी आग्रा’ या चित्रपटाच्या टिझरमधून प्रेक्षकांसमोर आले आहे. औरंगजेबाच्या पोलादी पहाऱ्याला भेदून घेतलेली मोठी जोखीम, मुघल दरबारातील बाणेदार क्षण आणि त्यामागील थरारक खेळी यांची रोमांचकारी झलक या टिझरमध्ये पाहायला मिळते.

    भव्य निर्मिती आणि दिग्गज टीम

    पॅनोरमा स्टुडिओज आणि मुगाफी निर्मित या चित्रपटाचे लेखन व दिग्दर्शन दिग्पाल लांजेकर यांनी केले आहे. कुमार मंगत पाठक, अभिषेक पाठक, विपुल अग्रवाल, जेनील परमार आणि मुरलीधर छतवानी हे चित्रपटाचे निर्माते असून रवींद्र औटी, तान्शा बत्रा आणि आलोक शर्मा सहनिर्माते आहेत. या भव्य चित्रपटाचे वर्ल्डवाइड वितरण पॅनोरमा स्टुडिओज करणार आहे.

    इतिहासातील प्रेरणादायी अध्याय भव्य पडद्यावर

    अत्यंत कठीण परिस्थितीतही हार न मानणाऱ्या छत्रपती शिवाजी महाराजांच्या शौर्याची आणि धैर्याची आठवण करून देणारा हा सुवर्णअध्याय ‘रणपति शिवराय स्वारी आग्रा’ या चित्रपटातून भव्य स्वरूपात साकारला जात आहे. शिवजयंतीदिनी १९ फेब्रुवारी रोजी हा थरारक इतिहास प्रेक्षकांच्या भेटीला येणार आहे.