शारदाश्रम विद्यामंदिर मराठी प्राथमिक शाळा, दादर आणि प्रवीण विनया राणे निर्मिती यांनी एकत्र येऊन शिवजयंती निमित्ताने छत्रपती शिवाजी महाराजांना मानवंदना अर्पण करण्यासाठी विशेष ऐतिहासिक नाटकाचे आयोजन केले आहे.

विनया एंटरटेनमेंट प्रस्तुत, प्रविण विनया विजय राणे निर्मित व दिग्दर्शित ऐतिहासिक ‘शिवप्रताप’ या भव्य नाट्यप्रयोगाचा साक्षीदार होण्याची सुवर्णसंधी!

📅 तारीख – गुरुवार, २० फेब्रुवारी २०२५
⏰ वेळ – सकाळी ११:०० वाजता
📍 स्थळ – श्री शिवाजी नाट्य मंदिर, दादर

शारदाश्रमचा मराठी भाषेसाठी महत्त्वपूर्ण उपक्रम

शारदाश्रम विद्यामंदिराचे मूळ उद्दिष्ट म्हणजे मराठी भाषा आणि संस्कृती अबाधित ठेवणे, मराठी शाळांचे भविष्य उज्ज्वल करणे, तसेच मराठी विद्यार्थ्यांना आपला इतिहास चालत्या-बोलत्या स्वरूपात दाखवणे आणि तो जगवणे.

याच उद्देशाने, १८ फेब्रुवारी २०२५ रोजी शाळेत आयोजित पत्रकार परिषदेत संस्थेचे मान्यवर आणि नाटकातील कलाकार उपस्थित होते:

संस्थेचे पदाधिकारी – चंद्रकांत रसाळ सर

मुख्याध्यापिका – दीप्ती इंदुलकर मॅडम

ज्येष्ठ शिक्षक – कांचन खरात, राजेंद्र घाडगे

शिक्षकवृंद – विकास धात्रक, संतोष पाटील

नाट्यकलाकार – विरमाता जिजाऊंची भूमिका साकारणाऱ्या आरती राजाध्यक्ष आणि अभिनेत्री श्रुती परब-लाड

या पत्रकार परिषदेत मराठी शाळांचे भवितव्य, विद्यार्थ्यांचा सहभाग, आणि पालकांनी मराठी शाळांना प्राधान्य द्यावे यावर भर देण्यात आला.

मराठी अभिमानाचा सोहळा – ‘शिवप्रताप’ नाटकाची खासियत

शिवप्रताप नाटकामध्ये तब्बल ४५ महिला विविध भूमिका साकारत आहेत, त्यामुळे या नाटकाविषयी शिक्षक आणि पालकांमध्ये विशेष कुतूहल आहे.

📌 नाट्य प्रयोगासोबतच, शिवराज्याभिषेक सोहळ्याचे देखील साक्षीदार होता येणार आहे!

📌 शारदाश्रम विद्यामंदिर ही केवळ एक शाळा नाही, तर महाराष्ट्राच्या मातीतून घडणाऱ्या महान व्यक्तिमत्त्वांची पाळणाघर आहे. या शाळेतून क्रिकेटचा देव सचिन तेंडुलकर, तसेच विजय निकम, सुशांत शेलार यांसारखे अनेक प्रतिभाशाली कलाकार घडले आहेत!

📌 शाळेचे शिक्षक, विद्यार्थी आणि पालक यांच्यात नाट्यप्रयोगाबाबत मोठी उत्सुकता आहे आणि या ऐतिहासिक नाटकाचा प्रत्यक्ष अनुभव घेण्यासाठी संपूर्ण महाराष्ट्रातील शिवप्रेमींनी याला हजेरी लावावी, असे आवाहन करण्यात येत आहे.