छत्रपती शिवाजी महाराज यांच्या अनेक शूर मावळ्यांनी जीवाची बाजी लावत इतिहास घडवला. शिवकाळातील नररत्नांपैकी एक, रणझुंजार मुरारबाजी देशपांडे. पुरंदरच्या वेढ्याप्रसंगी झालेल्या धुमश्चक्रीत महान पराक्रम गाजवून शेकडों गनिमांना यमसदनी धाडणाऱ्या स्वामीनिष्ठ मुरारबाजी देशपांडे यांचा पराक्रमी इतिहास आजही प्रत्येकाला  प्रेरणा देणारा आहे. स्वराज्याच्या इतिहासात पुरंदरचे ‘काळभैरव’ म्हणून ओळख असणारे मुरारबाजी देशपांडे यांची यशोगाथा १४ फेब्रुवारी २०२५ला ‘वीर मुरारबाजी…पुरंदरकी युद्धगाथा’ या चित्रपटातून रुपेरी पडदयावर  येण्यासाठी सज्ज होत आहे. हा चित्रपट हिंदी आणि मराठी या दोन्ही भाषांमध्ये प्रदर्शित होणार आहे. 

अभिनेते सौरभ राज जैन साकारणार छत्रपती शिवाजी महाराजांची भूमिकामालिका विश्वात ‘श्रीकृष्ण’ आणि ‘महादेव’ यांची तसेच ‘ओम नमो व्यंकटेशाय’ या दाक्षिणात्य  चित्रपटात ‘तिरुपती  बालाजी’ यांची भूमिका साकारत प्रचंड लोकप्रियता मिळवणारे अभिनेते सौरभ राज जैन या चित्रपटात छत्रपती  शिवाजी महाराजांची भूमिका साकारत आहे. त्यांचे विलोभनीय पोस्टर प्रदर्शित करत चित्रपटाच्या प्रदर्शनाची  तारीख  जाहीर करण्यात आली आहे. ‘फत्तेशिकस्त’ आणि ‘पावनखिंड’ चित्रपटाच्या घवघवीत यशानंतर आलमंड्स क्रिएशन्स व ए.ए.फिल्म्स यांनी ‘वीर मुरारबाजी…पुरंदरकी युद्धगाथा’ चित्रपटाची घोषणा केली आहे. या चित्रपटाची निर्मिती अजय आरेकर, अनिरूद्ध आरेकर, भाऊसाहेब आरेकर यांची आहे.

सगळ्या देवतांच्या भूमिका तसेच आपलं आराध्य दैवत असलेल्या छत्रपती शिवाजी महाराज यांची भूमिका करायला मिळणे हे मी भाग्यचं समजतो.‘छत्रपती शिवाजी महाराजांची भूमिका पडद्यावर साकारण्याची संधी मिळणे माझ्यासाठी अभिमानास्पद आहे. माझ्या आजवरच्या पौराणिक भूमिकांना प्रेक्षकांनी भरभरून प्रेम दिलं. आपलं आराध्य दैवत असलेल्या छत्रपती शिवाजी महाराजांची मी साकारत असलेल्या भूमिकेला ही  प्रेक्षकांचं  हेच प्रेम मिळेल, अशी आशा सौरभ राज जैन यांनी व्यक्त  केली.

१६६५ च्या आषाढात मिर्झाराजे जयसिंग आणि सरदार दिलेरखान यांनी पुरंदर किल्ल्याला वेढा घातला. त्यावेळी पुरंदरचे किल्लेदार मुरारबाजी देशपांडे निवडक सातशे मावळ्यांसह दिलेरखानाच्या फौजेवर चालून गेले. आणि ‘न भूतो न भविष्यती’ असा पराक्रम केला. पुरंदरच्या लढाईतल्या पराक्रमाने मुघलांना भयभीत करुन सोडणाऱ्या मुरारबाजी देशपांडे यांची ही यशोगाथा आजच्या पिढीला चित्रपटाच्या माध्यमातून समजावी यासाठी ‘वीर मुरारबाजी…पुरंदरकी युद्धगाथा’ हा चित्रपट आम्ही घेऊन येत असल्याचे निर्माते अजय आरेकर यांनी सांगितले. अधिकाधिक तरुणांपर्यंत स्वराज्याचा प्रेरणादायी इतिहास पोहचवायचा आहे’ त्यासाठी आम्ही प्रयत्नशील आहोत.

येत्या  १४  फेब्रुवारीला हिंदीत आणि मराठीत  हा चित्रपट देशभरात प्रदर्शित होणार आहे.

‘मराठी वाजलाचं पाहिजे’ असे उच्चार होतात तेव्हा आपसूकच एकच नाव डोळ्यासमोर येते ते म्हणजे आपला मराठमोळा क्रेटेक्स. सध्या सोशल मीडियावर व्हायरल झालेल्या क्रेटेक्स आणि श्रेयसचा ‘तांबडी चांबडी’ या गाण्याचा म्युझिक व्हिडीओ नुकताच प्रदर्शित झाला आहे. हे गाण आता जगभरात गाजणार आहे. जगभरातील लोक हे गाण आता बघू आणि ऐकू शकतात. स्पिनिंग रेकॉर्ड्स या आंतरराष्ट्रीय संगीत कंपनीच्या ऑफिशल चॅनेलवर क्रेटेक्सच ‘तांबडी चांबडी’ गाण प्रदर्शित झाल आहे. आणि त्या लेबलवरील हे पहिलच मराठी गाण आहे. संगीतकार क्रेटेक्स (कृणाल घोरपडे) याचे ‘तांबडी चांबडी’ या गाण्याद्वारे संगीतसृष्टीत पदार्पण होत आहे. त्याने या गाण्याच पार्श्वसंगीत केलं आहे तर श्रेयस सागवेकर याने हे गाण लिहिलं असून गायलं आहे. या गाण्याची निर्मिती वर्ल्ड ऑफ वाइब्ज आणि रॉक कच्ची यांनी केली आहे. तेजस शेट्ये, मनीष शेट्ये, वृशाली शेट्ये, निनाद सावंत, आकाश साळुंखे, माटिन शेख, मल्हार जाधव, यश माधव, रूपेश किंगरे, अवंतिका चौघुले, आशिष नेगी, धनंजय जाधव आणि अनिकेत सोंडे या कलाकारांनी या गाण्यात अभिनय केला आहे.

या गाण्याचा संगीत अनावरण सोहळा नुकताच ठाण्यातील आय लिफ बँक्वेट्स येथे पार पडला. या सोहळ्याला संगीतकार क्रेटेक्स, गायक श्रेयस, ‘तांबडी चांबडी’ गाण्याची संपूर्ण टीम तसेच हास्यजत्रा फेम पृथ्विक प्रताप, स्टँडप कॉमेडियन अनिश गोरेगांवकर, भाडिपा टीम आणि सागरिका म्युझिक चैनल हेड सागरिका दास असे नामवंत मान्यवर उपस्थित होते.

‘तांबडी चांबडी’ गाण्याविषयी संगीतकार क्रेटेक्स सांगतो, “माझा आनंद गगनात मावत नाही आहे. माझ स्वप्न होत की माझं गाण स्पिनिंग रेकॉर्डस वरती कधीतरी याव. ज्या रेकॉर्ड लेबलवरती जगभरातील डेव्हिड ग्वेट, मार्टिन गॅरिक्स, अफ्रोजॅक, डिमिट्री व्हेग्स एंड लाइक माइक, हार्डवेल, स्टीव्हओकी अश्या सुप्रसिद्ध कलाकारांची गाणी या आधी प्रदर्शित झाली आहेत. आणि  आता या विविध भाषेमधील गाण्यांमध्ये आपलं मराठी गाण प्रदर्शित होण. माझ्यासाठी ही स्वप्नपूर्ती आहे. या गाण्याच्या ऑडियोला भारतातच नव्हे तर जगभरात प्रेक्षकांचा चांगला प्रतिसाद मिळाला. त्यामुळे आम्ही व्हिडीओच्या स्वरूपात गाण तुमच्यासाठी घेवून आलो आहोत. आणि आता लवकरच मी परदेशात मराठी गाण्याचे शो करत आहे. प्रेक्षकांच प्रेम कायम असच राहो. आणि मराठी भाषा, मराठी गाणी देशात नव्हे तर परदेशातही वाजू दे हीच सदिच्छा. येत्या १ सप्टेंबरला पुण्यातील बॉलर येथे मराठीतील सर्वात मोठा शो होणार आहे. तेव्हा पुणेकर आणि सर्व प्रेक्षकांनी जरुर या शो ला या.”

                                        

नमस्कार 🙏 सर्वांना सस्नेह आमंत्रण , मी डॉ.किशु पाल संकल्पना,नृत्यदिग्दर्शन आणि प्रस्तुत वर्तुलम एक आंतरिक नृत्याविष्कार: दिनांक : २९ – ८ -२०२४ रोजी ,संध्याकाळी ७ वाजता , स्थळ : श्री शिवाजी नाटयमंदिर , पश्चिम, दादर, तिकीटमूल्य फक्त: १०० /- आहे , येथे या
नृत्यनाटिकेसाठी आपले मनापासून सस्नेह आमंत्रित करित आहे. थोडेसे या नृत्यशैली बद्दल सांगेन…

कै. उदय शंकर ज्यांना भारताचे नृत्याचे जनक मानले जाते तसेच त्यांचा १९४७ मध्ये भारताचा पहिला नृत्यावर आधारित  चित्रपट “कल्पना” (ब्लॅक अँड व्हाईट )मध्ये प्रदर्शित झाला होता त्याच
नृत्यशैलीला अनुसरून “वर्तुलम” सादर करित आहे. उदय शंकर जी नंतर ही शैली त्यांचे शिष्य कै. सचिन शंकर आणि त्या नंतर त्यांचे शिष्य कै.सुबल सरकार यांनी जपली.  सचिन शंकर यांनी महाराष्ट्रात अनेको सुंदर नृत्यनाटिका ज्याला इंडियन बॅले म्हंटले जात असे, सादर केल्या होत्या. इथे माझे बाबा यांनी सांगितलेली एक छोटीशी आठवण सांगते.
जेव्हा सचिन शंकर यांनी छत्रपती शिवाजी महाराज यांच्यावर पहिल्यांदा बॅले बसवला होता तेव्हा कै. आचार्य अत्रे खास पहिल्या रांगेत बसून कोण तो बंगाली माणूस आमच्या शिवाजी महाराज यांना नाचवतोय,जरा ही काही वेडवाकडं झालं तर याद राखा म्हणून खास आले होते मात्र प्रयोग झाल्यावर दुसऱ्या दिवशीच्या त्यांच्या वर्तमान पत्रात आज खऱ्या अर्थाने आम्हांला आपले महाराज कळले असा ठळक मथळा होता.    

सचिन शंकर यांचे “कथा ही राम जानकीची” बॅलेही खूप गाजला होता.त्यात बाबूजी कै. सुधीर फडके यांचे गायन होते. माझ्या लहानपणापासुन सचिन शंकर यांच्या कारकिर्दीतले खूप सुंदर सुंदर बॅले पाहण्याचे भाग्य मला लाभले. त्याकाळात  मीडियाचे व्हिडिओ ई. किंवा आजच्या काळात सारखी प्रसार माध्यमे नव्हती. जी काही  नृत्यशैली पाहिली ती माझ्या आठवणीप्रमाणे या बॅलेमधुन सादर करतेय.

“माणसाचा जन्म ते अंत ” हा एक कालचक्र असतो व आपण सर्वजण आयुष्याचं हे वर्तुळ पूर्ण करण्यासाठी या  पृथ्वीतलावर आलेले असतो , ही संकल्पना घेऊन हा बॅले सादर करित आहे.आपण अवश्य यावे ही विनंती…                                          

लेखन – सुचरिता ,संगीत – संदेश हाटे , गायन – पंडित श्री . अजय पोहनकर / पंडित श्री वेणूगोपाल पिल्ले , प्रकाश योजना – कार्तिक पाल , वेशभूषा – स्मिता – शक्ती , निर्मिती  व्यवस्था – शशांक बामनोलकर , प्रसिद्धी प्रमुख – गणेश तळेकर ,सादरकर्ते कलाकार – संतोष जाधव ,नितिन कांबळे ,सोबत
“नृत्यालिका ” चे २० यशस्वी…! पुनःश्च आभार 🙏