Home – Batamiwala News

September 9, 2025

लक्ष्मीचा संघर्ष, जान्हवीचं मातृत्व आणि भावनाचं राजकीय यश, याने बदलेल का त्यांचे आयुष्य ?

‘लक्ष्मी निवास’ मालिकेची प्रेक्षकांच्या मनातील छाप
‘लक्ष्मी निवास’ मालिकेने प्रेक्षकांच्या मनात आपली ठसठशीत छाप पाडली आहे. नातेसंबंधांची गुंतागुंत, पात्रांचा भावनिक प्रवास आणि प्रत्येकीची स्वतंत्र कहाणी यामुळे ही महामालिका सतत चर्चेत राहिली आहे. अलीकडील घडामोडींमुळे या प्रवासात आणखी रंग भरले जात आहेत.

शाळीग्राम विक्रीचं सत्य आणि लक्ष्मीचा निर्णय
घरातील देवघरात असलेले शाळीग्राम विकले गेल्याचे खळबळजनक सत्य लक्ष्मीच्या समोर आलं आहे. संतोषने शाळीग्राम विकण्याचा प्रयत्न केला होता. या विश्वासघाताने हादरलेली लक्ष्मी ते शाळीग्राम परत आणते आणि श्रीनिवाससह घर सोडण्याचा मोठा निर्णय घेते.

जान्हवीच्या आयुष्यात मातृत्वाचा टप्पा

दुसरीकडे, जान्हवीला तिच्या गरोदरपणाची बातमी कळते. नव्या बाळाच्या आगमनामुळे जयंतच्या वागणुकीत सकारात्मक बदल होईल, अशी आशा ती मनात धरते. मात्र, या प्रवासात जयंतसोबतचे संघर्ष कायम आहेत. लक्ष्मी आणि शांता आज्जी जान्हवीच्या घरी राहत असल्याने तिला थोडासा दिलासा मिळतो. परंतु त्यांची उपस्थिती जयंतला अजून भडकवेल का, याची भीती जान्हवीला सतावते.

राजकारणात भावनाचा उदय
भावनाचं राजकारणातील यश देखील कथानकात महत्वाचं वळण ठरत आहे. ती आता पक्षाचा नवा चेहरा म्हणून उभी राहत आहे. या यशामुळे तिच्यावर नवी जबाबदारी येणार असून, तिचं पुढचं पाऊल प्रेक्षकांच्या उत्सुकतेचा विषय ठरलं आहे.

संतोष, सिंचना आणि घरातील वाद
संतोष आणि सिंचना यांच्यातले वाद दिवसेंदिवस तीव्र होत आहेत. खर्चाची जबाबदारी आल्याने संतोष हरीशवर रागावतो. तर सिंचना हरीशला तिच्या वडिलांकडून पैसे घेऊन बिझनेस सुरू करण्याचा दबाव टाकते. यामुळे घरातील तणाव आणखी वाढतो.

रेणुकाचा आनंदीला नाकारण्याचा हट्ट
रेणुका अजूनही आनंदीला स्वीकारायला तयार नाही. ती आनंदीला पुन्हा बोर्डिंग स्कूलमध्ये पाठवण्याचा आग्रह धरते. यामुळे कुटुंबातील नातेसंबंध अधिकच गुंतागुंतीचे बनले आहेत.

आगामी प्रवास आणि प्रेक्षकांची उत्सुकता
या सर्व घडामोडी ‘लक्ष्मी निवास’च्या कथानकाला अधिक आकर्षक बनवत आहेत. श्रीनिवास आणि लक्ष्मीचे टोकाचं पाऊल कुटुंबासाठी नवीन संकट ठरेल का? भावनाचं राजकीय यश तिला कोणत्या नव्या जबाबदाऱ्या देईल? या प्रश्नांची उत्तरं जाणून घेण्यासाठी नक्की बघा ‘लक्ष्मी निवास’, दररोज रात्री ८:०० वा. फक्त आपल्या झी मराठीवर.
September 9, 2025

कला आणि भक्तीचा संगम

झी स्टुडिओज प्रस्तुत ‘दशावतार’ या बहुचर्चित आणि बहुप्रतीक्षित चित्रपटातील हृदयस्पर्शी ‘रंगपूजा’ ही भैरवी नुकतीच रसिकांच्या भेटीस आली आहे. महाराष्ट्राच्या सांस्कृतिक वारशातील दशावतार परंपरेला मोठ्या पडद्यावर भव्यतेने मांडणाऱ्या या चित्रपटातील हे गीत कलावंताच्या कलेवरील श्रद्धा, भक्ती आणि समर्पणाची भावना व्यक्त करतं. हे गाणं म्हणजे रंगभूमीवरील कलाप्रवासाला भावपूर्ण अभिवादन आहे.

भन्नाट त्रिकुटाची साथ

या गाण्यासाठी गीतकार गुरु ठाकूर, गायक अजय गोगावले आणि संगीतकार ए. व्ही. प्रफुल्लचंद्र हे तिघे प्रथमच एकत्र आले आहेत. गुरु ठाकूर यांची अर्थपूर्ण शब्दरचना, अजय गोगावले यांचा आर्त आवाज आणि ए. व्ही. प्रफुल्लचंद्र यांच्या सुरेल संगीतामुळे गाण्याला एक वेगळाच आयाम मिळाला आहे. हे गाणं चित्रपटातील नायक बाबुली मेस्त्रीच्या आयुष्याचं मर्म अधोरेखित करतं.

अजय गोगावले यांची भावना

गायक अजय गोगावले म्हणाले, “दशावतार नाटकांमध्ये जशी नांदी महत्त्वाची असते, तशीच रंगपूजा ही भैरवीही महत्त्वाची असते. ही भैरवी प्रत्येक कलाकाराचं मर्म आहे. गुरु ठाकूरचे शब्द आणि ए. व्ही. प्रफुल्लचंद्रचं संगीत गाताना मला वेगळं समाधान मिळालं. त्यामुळे या चित्रपटाचा भाग होऊ शकलो, याचा मला खूप आनंद आहे.”

संगीतकार आणि गीतकारांची प्रतिक्रिया

संगीतकार ए. व्ही. प्रफुल्लचंद्र यांनी सांगितलं की अजय गोगावले यांच्यासोबत काम करण्याची त्यांची इच्छा ‘दशावतार’मुळे पूर्ण झाली आणि हा त्यांच्या संगीतप्रवासातील एक आनंदाचा क्षण आहे. गीतकार गुरु ठाकूर म्हणाले की, “कलाकृतीसाठी निवड होणं हे भाग्य असतं. माझ्या गाण्यांना अजयचा आवाज मिळतो तेव्हा मी निश्चिंत असतो. या गाण्याचं रेकॉर्डिंग ऐकताना मी आणि दिग्दर्शक सुबोध खानोलकर हळवे झालो होतो.”

चित्रपटाची भव्यता

झी स्टुडिओज प्रस्तुत, ओशन फिल्म कंपनी आणि ओशन आर्ट हाऊस निर्मित या चित्रपटाचे लेखन-दिग्दर्शन सुबोध खानोलकर यांनी केले आहे. दिलीप प्रभावळकर, महेश मांजरेकर, भरत जाधव, सिद्धार्थ मेनन, अभिनय बेर्डे, प्रियदर्शिनी इंदलकर, विजय केंकरे आणि रवी काळे यांसारखे दिग्गज कलाकार चित्रपटात भूमिका साकारत आहेत. येत्या १२ सप्टेंबरला जगभर प्रदर्शित होणारा ‘दशावतार’ हा चित्रपट प्रेक्षकांसाठी एक भव्य अनुभव ठरणार असून अजय गोगावले यांच्या आवाजातील ‘रंगपूजा’ ही भैरवी या चित्रपटाचा कळसाध्याय ठरणार आहे.
September 8, 2025

वल्लरी मनोजला घटस्फोट देईल का?

कलर्स मराठीवरील लोकप्रिय मालिका ‘पिंगा गं पोरी पिंगा’ आता एका महत्त्वपूर्ण वळणावर आली आहे. घरामध्ये गणपतीची आरती सुरू असताना वल्लरी आणि मनोजमध्ये झालेला वाद एवढा तीव्र होतो की त्याने संपूर्ण घरच्यांच्या आयुष्याला वेगळं वळण दिलं आहे. भ्रष्टाचारातून मिळालेल्या पैशांचा तीव्र निषेध करत वल्लरी मनोजविरुद्ध केस दाखल करण्याचा धाडसी निर्णय घेते. यामुळे संपूर्ण घर तिच्या विरोधात उभं राहतं, पण तरीही न्यायासाठी एकटी उभी राहणारी वल्लरी निडर स्त्रीचं चित्र प्रेक्षकांसमोर आणते. मात्र इंदुमतीच्या सांगण्यावरून वल्लरी मनोजला घटस्फोट देणार का, हा प्रश्न सर्वांच्या मनात निर्माण झाला आहे.

घरातील मतभेद आणि वल्लरीचा ठामपणा

मनोजच्या बाजूने घरातील सगळे जण उभे राहतात, मात्र वल्लरी स्वतःच्या कर्तव्याला प्राधान्य देते. इंदु आणि वल्लरीमध्ये मनोजवरून मोठा वाद होतो. गुरूस्थानी असलेल्या नानावटी सरांनी वल्लरीला घरातील ऐक्य जपण्याचा सल्ला दिला; पण तिच्या ठाम भूमिकेमुळे ते तिच्यावर रागावण्याऐवजी अभिमान व्यक्त करतात. याच काळात वल्लरीला धक्का बसतो जेव्हा तिला समजतं की सानिकाकडून घरातल्या काही लोकांनी पैसे घेतले आहेत. “माझ्या अशिलकडून कोणीही पैसे घ्यायचे नाहीत!” या तिच्या ठाम विधानाने घरातील तणाव अधिकच वाढतो.

मनोजच्या आयुष्यातील कठोर वास्तव

दरम्यान, मनोजच्या आयुष्यात एक मोठं सत्य समोर येतं—त्याला असा आजार झाला आहे की जो कधीच बरा होऊ शकणार नाही. या परिस्थितीत तो प्रचंड खचतो आणि शेवटी घटस्फोटाच्या कागदपत्रांवर सही करतो. मात्र हा निर्णय त्याने स्वतःच्या इच्छेने घेतला का, की इंदुमतीच्या सांगण्यावरून घेतला, हा नवीन गोंधळ कथानकात निर्माण होतो.

समांतर प्रवाहातून निर्माण होणारा ताणतणाव

वल्लरीच्या आयुष्यात संकट, अश्रू आणि संघर्ष भरलेले आहेत, तर दुसरीकडे प्रेरणाच्या आयुष्यात आनंद, समाधान आणि सकारात्मकतेचं वातावरण आहे. या दोन समांतर प्रवाहांच्या संगमातून प्रेक्षकांसमोर नाट्यमय ताणतणाव उभा राहत आहे.

पुढील घडामोडींवर प्रेक्षकांचे लक्ष

हा खटला आणि कौटुंबिक संघर्ष आता कथानकाला कोणत्या टप्प्यावर नेईल, याची प्रेक्षकांमध्ये उत्सुकता आहे. त्यामुळे पुढे काय होणार हे जाणून घेण्यासाठी प्रेक्षक नक्कीच पाहतील ‘पिंगा गं पोरी पिंगा-Reunion’ संध्या. 7:30 वा. फक्त कलर्स मराठीवर.
September 8, 2025

ऐश्वर्य ठाकरेचा डबल डेब्यू – अभिनय आणि संगीत क्षेत्रात नवी इनिंग

दिग्दर्शक अनुराग कश्यप यांच्या आगामी ‘निशानची’ या चित्रपटात ऐश्वर्य ठाकरे पहिल्यांदाच प्रमुख भूमिकेत दिसणार असून त्याचबरोबर तो गीतकार आणि संगीतकार म्हणूनही पदार्पण करत आहे. झी म्युझिक कंपनीने नुकतंच रिलीज केलेलं ‘पिजन कबूतर’ हे गाणं त्याच्या संगीत कारकिर्दीची धमाकेदार सुरुवात ठरत आहे.

‘पिजन कबूतर’ गाण्याने सोशल मीडियावर धुमाकूळ

या गाण्याचे बोल आणि संगीत ऐश्वर्य ठाकरे यांनी स्वतः लिहून संगीतबद्ध केले आहेत, तर गायक भूपेश सिंग यांनी हे गाणं सादर केलं आहे. खास हिंग्लिश स्टाईलमधील हे गाणं मजेशीर लिरिक्स आणि जोशपूर्ण बीट्समुळे तरुणाईच्या ओठांवर झटपट रुळलं आहे. गाण्याची हुकलाइन – “पिजन कबूतर भइया, उड़न फ्लाई, लुक देखो आसमान इस्काई” – सोशल मीडियावर व्हायरल होत आहे.

चित्रपटातील डबल रोल आणि हटके साउंडट्रॅक

‘निशानची’ मध्ये ऐश्वर्य ठाकरे डबल रोलमध्ये झळकणार असून त्याचा अभिनय प्रेक्षकांसाठी नवा अनुभव ठरणार आहे. त्याच्यासोबत वेदिका पिंटो प्रमुख भूमिकेत दिसणार आहे. मोनिका पनवार, मोहम्मद झीशान अय्यूब आणि कुमुद मिश्रा यांच्या भूमिकाही कथेला बळकटी देणार आहेत. या चित्रपटाच्या संगीत अल्बममध्ये तब्बल १५ गाणी असून ‘पिजन कबूतर’ हे एक वेगळं आणि लक्षवेधी गाणं ठरत आहे.

ऐश्वर्य ठाकरेची भावनिक प्रतिक्रिया

या गाण्याविषयी ऐश्वर्य ठाकरे म्हणतो, “मी जेव्हा अभिनयाला सुरुवात केली तेव्हाच ठरवलं होतं की माझ्या पहिल्या चित्रपटात स्वतःचं गाणं आणायचं. एकदा रात्री उशिरा कीबोर्ड आणि गिटारवर प्रयोग करताना गाण्याची कल्पना सुचली. सकाळपर्यंत पूर्ण गाणं तयार झालं. मी अनुराग सरांना पाठवलं आणि त्यांनी पाच हार्ट इमोजीसह उत्तर दिलं – ‘हे माझं आवडतं गाणं आहे. पूर्ण कर आणि पाठव.’”

गायक भूपेश सिंग यांचा अनुभव

भूपेश सिंग यांनी सांगितलं, “हे गाणं गाताना मला खूप आनंद मिळाला. ऐश्वर्यच्या बोलांमध्ये वेगळी मजा आहे आणि संगीतही तितकंच धमाल आहे. या गाण्यामुळे माझ्या आवाजात नवा प्रयोग करता आला. हे गाणं ‘निशानची’च्या कथानकात अगदी फिट बसतं.”

‘निशानची’ – दोन भावांची गुंतागुंतीची कथा

हा चित्रपट दोन भावांवर आधारित आहे, जे एकमेकांपासून खूप भिन्न आहेत आणि त्यांच्या निर्णयांमुळे त्यांच्या आयुष्याची दिशा ठरते. ग्रामीण पार्श्वभूमीवर आधारित ही कथा रॉ, उर्जेने परिपूर्ण आणि देसी फ्लेवरने भरलेली आहे.

प्रदर्शनाची तारीख आणि निर्मिती

अ‍ॅमेझॉन MGM स्टुडिओज इंडिया सादर करत असलेला ‘निशानची’ हा चित्रपट जार पिक्चर्स आणि फ्लिप फिल्म्स यांच्या संयुक्त विद्यमाने तयार झाला आहे. प्रसून मिश्रा, रंजन चंदेल आणि अनुराग कश्यप यांनी मिळून कथा लिहिली आहे. अ‍ॅक्शन, ह्युमर आणि ड्रामाचा मिलाफ असलेला हा फुल मसाला एंटरटेनर चित्रपट येत्या १९ सप्टेंबर २०२५ रोजी संपूर्ण भारतात प्रदर्शित होणार आहे.
September 7, 2025

Rajat Kapoor Speaks at Jagran Film Festival 2025

The 13th edition of Rajnigandha presents Jagran Film Festival 2025, recognised as the world’s largest travelling film festival, continues to unite artists, audiences, and conversations that celebrate the evolving spirit of Indian cinema. On Day 3 in Delhi, acclaimed filmmaker and actor Rajat Kapoor, known for Ankhon Dekhi, Kapoor & Sons, and Dil Chahta Hai, took part in the session “In Conversation: Rajat Kapoor & Radheshyam Pipalwa” ahead of the premiere of his film Putul, which was screened immediately after the discussion.

On the Struggles of Filmmaking

Sharing his perspective on the realities of filmmaking, Kapoor admitted, “Most of my time is spent looking for money to make a film, and that’s the most tedious, exhausting part of it.” He contrasted this with the creative joy of writing, which he described as “great fun.”

The Joy of the Creative Process

Kapoor elaborated on the different stages of filmmaking, calling each one unique and fulfilling in its own way. “Writing is a solitary joy, shooting is a beautiful chaos with 120 people, and editing is a quiet, intimate process. There isn’t a part of filmmaking that I don’t love,” he said.

A Glimpse into the Artist’s Journey

The candid reflection provided audiences with an intimate look into Kapoor’s artistic journey, revealing both the challenges and the passion that drive his work in cinema.
September 6, 2025

जगदंबेच्या अवताराला द्यायला पूर्णविराम – नवा षड्रिपू ‘काम कामिनी’

कलर्स मराठीवरील ‘आई तुळजाभवानी’ मालिकेत नवा टप्पा
कलर्स मराठीवरील लोकप्रिय मालिका ‘आई तुळजाभवानी’ मध्ये षड्रिपूंचा प्रवास अधिकच रोमांचक होत चालला आहे. आधी मोह या षड्रिपूने प्रेक्षकांना थरारक अनुभव दिला होता. आता मालिकेत आणखी एक भयंकर, विध्वंसक रिपू काम कामिनीचे आगमन होणार आहे. या भूमिकेत बिग बॉस मराठी फेम अमृता धोंगडे दिसणार असून, प्रेक्षकांसाठी हा टप्पा एक वेगळाच अनुभव ठरणार आहे.

गूढ नृत्याविष्काराची रंगत
आगामी भागात रंगमंचावर गूढ लावणीचे सूर गुंजणार आहेत. ढोलकी, पेटी आणि तालाच्या ठेक्यावर अवतरलेली रहस्यमय नर्तिका आपल्या नृत्यातून एक आगळावेगळं तेज, गूढ शक्ती आणि भयंकर रहस्य प्रकट करणार आहे. या नाट्यमय अविष्कारातून मालिकेला एक नवा कलाटणी देणारा अध्याय सुरू होणार आहे.

काम कामिनीचे भयंकर रूप
हा नवा रिपू केवळ मोहक नाही, तर अत्यंत कपटीही आहे. तिच्या आगमनाने माया आणि जगदंबेच्या संघर्षाला नव्या परिमाणांची जोड मिळेल. महिषासुराने तिला पाठवण्यामागचा खरा हेतू काय, याचाही उलगडा होणार असून, प्रेक्षकांसाठी हा संघर्ष अधिक रंजक ठरणार आहे.

अमृता धोंगडेची भूमिका आणि अनुभव
या भूमिकेबद्दल अमृता धोंगडे म्हणाल्या – “मला बऱ्याच वर्षांनी पौराणिक मालिका करण्याची संधी मिळाली. कलर्स मराठीसारखी आध्यात्मिक आणि पौराणिक मालिकांना विशेष स्थान मिळवून देणारी वाहिनी ही मालिका सादर करत असल्याने ही भूमिका स्वीकारायचे ठरवले. ही भूमिका माझ्यासाठी खूप वेगळी आणि आव्हानात्मक आहे. सुरुवातीला दडपण होते, पण मला विश्वास आहे की या भूमिकेतील दोन कंगोरे साकारताना प्रेक्षकांना नक्कीच आगळावेगळा अनुभव मिळेल.”

प्रेक्षकांसाठी खास निमंत्रण
‘आई तुळजाभवानी’ मालिकेतील हा नवा अध्याय प्रेक्षकांना भक्ती, थरार आणि आध्यात्मिकतेचा अद्भुत संगम देणार आहे. तेव्हा पाहायला विसरू नका – ‘आई तुळजाभवानी’ दररोज रात्री ९ वाजता, फक्त कलर्स मराठीवर.
September 5, 2025

‘पुन्हा एकदा साडे माडे तीन’ १४ नोव्हेंबरला होणार प्रदर्शित

पहिल्या भागाच्या आठवणी ताज्या करणारा सिक्वेल
मराठी चित्रपटसृष्टीतील अविस्मरणीय ठरलेल्या ‘साडे माडे तीन’ या चित्रपटाचा पहिला भाग प्रेक्षकांच्या मनात आजही ताजा आहे. कुरळे ब्रदर्सची भन्नाट केमिस्ट्री, त्यांचे एकमेकांवरील प्रेम आणि पोट धरून हसायला लावणारे किस्से, या सगळ्यामुळे हा चित्रपट महाराष्ट्राला भावला. आता त्याच चित्रपटाचा दुसरा भाग ‘पुन्हा एकदा साडे माडे तीन’ लवकरच प्रेक्षकांसमोर येणार आहे. येत्या १४ नोव्हेंबर रोजी हा चित्रपट प्रदर्शित होणार असून प्रेक्षकांची उत्सुकता प्रचंड शिगेला पोहोचली आहे.

नव्या पोस्टरची धमाल झलक
नुकत्याच झळकलेल्या नवीन पोस्टरमध्ये अशोक सराफ, भरत जाधव, मकरंद अनासपुरे हे कुरळे ब्रदर्स त्यांच्या नेहमीच्या अवखळ अंदाजात दिसत आहेत. त्यांच्यासोबत सिद्धार्थ जाधवही आहे. या सगळ्यांच्या चेहऱ्यावरचे खट्याळ भाव, त्यांचा भन्नाट लूक पाहून पुन्हा एकदा हास्याचा महापूर येणार हे स्पष्ट जाणवतं. या धमाल चौकडीत रिंकू राजगुरूचाही ताजातवाना अंदाज प्रेक्षकांना पाहायला मिळणार आहे.

दिग्दर्शक अंकुश चौधरींची प्रतिक्रिया
दिग्दर्शक अंकुश चौधरी म्हणाले, “या वेळची जबाबदारी जास्त मोठी होती. पहिल्या भागामुळे प्रेक्षकांच्या अपेक्षा उंचावल्या आहेत. मात्र कलाकार, निर्माते, पटकथा आणि संवाद लेखक संदीप दंडवते आणि तंत्रज्ञ यांच्या प्रचंड मेहनतीमुळे आम्ही त्या अपेक्षांना न्याय देऊ शकलो आहोत. हा चित्रपट एक कौटुंबिक मनोरंजनाचे परिपूर्ण पॅकेज आहे.”

निर्मात्यांचा अनुभव
निर्मात्या उषा काकडे म्हणाल्या, “‘पुन्हा एकदा साडे माडे तीन’ ही माझ्यासाठी खास संधी आहे. पहिल्या भागाने प्रेक्षकांच्या मनात घर केलेल्या या फ्रँचायझीचा पुढचा भाग आणताना आम्हाला खूप आनंद होत आहे. अमेय खोपकर, निनाद बत्तीन यांच्यासोबत काम करणं हा नवा आणि कमाल अनुभव होता. कलाकारांची भन्नाट केमिस्ट्रीच या सिनेमाची खरी ताकद आहे.”

निर्माते अमेय खोपकर म्हणाले, “‘साडे माडे तीन’ या चित्रपटाचा पहिला भाग लोकप्रिय ठरला होता. त्यामुळे प्रेक्षकांना कुरळे ब्रदर्सना पुन्हा भेटण्याची प्रचंड इच्छा होती. आम्ही तो क्षण घेऊन आलो आहोत. उत्कृष्ट कलाकार, मेहनती दिग्दर्शक आणि ताकदीची तांत्रिक टीम यांच्या सहकार्याने या दुसऱ्या भागात हास्याचा डबल डोस मिळणार आहे. प्रेक्षक पुन्हा एकदा पोट धरून हसतील याची खात्री आहे.”

निर्माते पुष्कर यावलकर म्हणाले, “हा माझ्या निर्मितीतील पहिला चित्रपट आहे. आधीच सुपरहिट ठरलेल्या या फ्रँचायझीचा भाग होणं हा माझ्यासाठी सन्मान आहे. दिग्गजांसोबत काम करण्याची संधी लाभली, ही माझ्यासाठी अविस्मरणीय आहे. प्रेक्षकांना भरपूर हशा आणि धमाल देणारा हा सिनेमा ठरेल याची खात्री आहे.”

कलाकार आणि तांत्रिक टीम
झी स्टुडिओज प्रस्तुत, उषा काकडे प्रॉडक्शन्स, ईओडी मीडिया, उदाहरणार्थ निर्मित आणि अमेय विनोद खोपकर पिक्चर्स यांच्या सहकार्याने प्रदर्शित होणाऱ्या या चित्रपटाचे निर्माते उषा काकडे, पुष्कर यावलकर, सुधीर कोलते, स्वाती खोपकर आणि निनाद नंदकुमार बत्तीन आहेत. यशराज टिळेकर आणि सौरभ लालवानी सहनिर्माते तर स्मिथ पीटर तेलगोटे सहयोगी निर्माते आहेत.

अंकुश चौधरी यांची कथा, संदीप दंडवते यांची पटकथा आणि संवाद लाभलेल्या या चित्रपटात अशोक सराफ, भरत जाधव, मकरंद अनासपुरे, सिद्धार्थ जाधव, रिंकू राजगुरू, संकेत पाठक, संजय नार्वेकर, समृद्धी केळकर यांच्या प्रमुख भूमिका आहेत. या चित्रपटाचे छायाचित्रण प्रसिद्ध छायाचित्रकार संजय जाधव यांनी केले असून ‘पुन्हा एकदा साडे माडे तीन’ हा चित्रपट येत्या १४ नोव्हेंबर रोजी प्रेक्षकांच्या भेटीला येणार आहे.
September 5, 2025

झोया ज्वेल्सच्या व्हिस्पर्स फ्रॉम द वैली कलेक्शनमध्ये सोनम कपूर झळकली

हैदराबादमध्ये टाटा ग्रुपचा लक्झरी ब्रँड झोयाचा भव्य सोहळा
टाटा ग्रुपच्या लक्झरी ब्रँड झोया ने हैदराबादमध्ये आपला प्रतिष्ठित व्हिस्पर्स फ्रॉम द वैली कलेक्शन सादर केला. या कार्यक्रमाला ब्रँड अॅम्बेसेडर आणि बॉलिवूड स्टार सोनम कपूर यांच्यासोबत टायटन कंपनी लिमिटेडच्या ज्वेलरी डिव्हिजनचे सीईओ अजॉय चावला उपस्थित होते.

ग्लोबल फॅशन आयकॉन सोनम कपूरचा मोहक लूक

ग्लोबल फॅशन आयकॉन सोनम कपूरने या कार्यक्रमात पुन्हा एकदा सर्वांचे लक्ष वेधले. त्यांनी राहुल मिश्रा कूचरचा अप्रतिम गाऊन परिधान केला होता. त्यासोबत झोयाच्या नव्या कलेक्शनमधील स्प्रिंग सांग चोकर आणि इयररिंग्स घालून त्यांनी आपला लूक अधिक उठावदार केला.

निसर्गाच्या सौंदर्याची झलक दागिन्यांतून
या दागिन्यांमध्ये बर्फातील शांतता आणि सफरचंदांच्या हिरवाईची झलक सुंदरपणे दर्शवली होती. ह्या विशेष दागिन्यांनी सोनमच्या ग्लॅमरस व्यक्तिमत्त्वाला अधिक खुलवून तिचा लूक कार्यक्रमात उठावदार ठरवला.
September 5, 2025

गणेश विसर्जन रिअल लोकेशनवर शुट करणं खूपच आव्हानात्मक होतं – शिवानी सोनार

तारिणीसमोर नवी जबाबदारी
आतापर्यंत हुशारी आणि धाडसाने अनेक अंडरकव्हर ऑपरेशन्स यशस्वी पार पाडणाऱ्या तारिणीसमोर या गणेशोत्सवात नवी आणि अत्यंत महत्त्वाची केस आली आहे. न्यायप्रिय, निर्भीड आणि नियमांच्या बाबतीत कडक म्हणून ओळखले जाणारे न्यायमूर्ती चारुदत्त देसाई यांच्या जीवाला धोका असल्याची माहिती पोलिसांना मिळते. त्यांनी पोलिस संरक्षण नाकारल्याने परिस्थिती अधिक धोकादायक ठरते. गणेशोत्सवाच्या काळात त्यांच्या घरी मोठ्या प्रमाणावर भाविक दर्शनासाठी येत असल्याने धोका अधिकच वाढतो. ही जबाबदारी तारिणी आणि तिच्या टीमवर सोपवली जाते.

विसर्जन मिरवणुकीतील थरारक मिशन
गणेश विसर्जनाच्या दिवशी तारिणीला मिळालेली एक टीप प्रकरण अधिक गंभीर बनवते. त्यानुसार, विसर्जन मिरवणुकीदरम्यानच न्यायमूर्तींची हत्या करण्याचा कट रचला गेला आहे. अशा वेळी, सामान्य नागरिकांना दुखापत होऊ न देता न्यायमूर्तींचा जीव वाचवण्याची जबाबदारी तारिणीवर येते. भक्तीच्या जल्लोषात कर्तव्य पार पाडताना होणारी ही धडपड प्रेक्षकांसाठीही थरारक ठरणार आहे.

शिवानी सोनारचा खास अनुभव

तारिणीची भूमिका साकारणारी अभिनेत्री शिवानी सोनार या विशेष एपिसोडसाठी गायमुख, मुंबई येथे प्रत्यक्ष विसर्जन मिरवणुकीदरम्यान शूटिंगसाठी सहभागी झाली. त्या अनुभवाबद्दल शिवानी म्हणाली, “रिअल लोकेशनवर शूट करणं खूपच आव्हानात्मक होतं. गर्दीत शूट करताना वेळ आणि सुरक्षा या दोन्ही गोष्टींचं भान ठेवणं अत्यंत आवश्यक होतं. हा सीन अवघड होता, पण आमच्या संपूर्ण टीमचं आणि दिग्दर्शक भीमराव मुडे सरांच्या मार्गदर्शनाचं उत्तम नियोजन असल्यामुळे तो यशस्वी झाला. सिनेमात पाहिलेले ऍक्शन सीन्स आता टीव्हीवर अनुभवायला मिळणार आहेत.”

तिने पुढे सांगितले, “वैयक्तिकरित्या मला गणेश विसर्जन पाहायला आवडत नाही, कारण मला त्यावेळी त्रास होतो आणि रडू येतं. पण शूटिंगदरम्यानचा अनुभव मात्र खास होता. प्रेक्षक मला ‘तारिणी’ म्हणून हाक मारत होते, प्रेम व्यक्त करत होते. त्यांच्या चेहऱ्यावरचा आनंद, दिलेली दाद – हे सगळं माझ्यासाठी अविस्मरणीय आहे.”

उमेश जगताप विशेष भूमिकेत

या स्पेशल एपिसोडमध्ये अभिनेता उमेश जगताप न्यायमूर्ती चारुदत्त देसाई यांच्या भूमिकेत झळकणार असून त्यांच्या अभिनयामुळे या कथेला आणखी वजन मिळणार आहे.

भक्ती आणि कर्तव्याचा संगम
हा गणेशोत्सव स्पेशल एपिसोड प्रेक्षकांना भावनिक, थरारक आणि प्रेरणादायी अनुभव देणार आहे. भक्तीच्या सागरात कर्तव्याचा मार्ग कसा सांभाळला जातो, हे *‘तारिणी’*च्या माध्यमातून पाहायला मिळेल.

तेव्हा बघायला विसरू नका ‘तारिणी’, सोम-शुक्र, रात्री ९:०० वा., फक्त झी मराठीवर.
September 5, 2025

ब्राम्हण सेवा मंडळाच्या शतकोत्सवी गणेशोत्सवात ह.भ.प. श्री. जगन्नाथ महाराज पाटील यांचे ‘वारकरी कीर्तन’

भक्तिमय वातावरणात साजरा होतोय शतकोत्सवी उत्सव
मुंबईतील दादर परिसरातील ख्यातनाम ब्राह्मण सेवा मंडळाचा शतकोत्सवी गणेशोत्सव २०२५ यंदा मोठ्या उत्साहात आणि भक्तिभावाने साजरा होत आहे. या सोहळ्यात विविधतेने नटलेले सांस्कृतिक, ज्ञानप्रद आणि मनोरंजनपर कार्यक्रम सादर होत असून, रसिक गणेशभक्तांना एक आगळावेगळा अनुभव मिळत आहे.

कीर्तनाने होणार कार्यक्रममालेचा समारोप
या कार्यक्रममालेचा समारोप भक्तिरसाने ओथंबून वाहणाऱ्या कीर्तनाने होणार असून, लोकप्रिय कीर्तनकार ह.भ.प. श्री. जगन्नाथ महाराज पाटील यांच्या वाणीतून रसिक गणेशभक्तांना ते ऐकायला मिळणार आहे. शुक्रवार, ५ सप्टेंबर रोजी रात्री ८ वाजता ब्राह्मण सेवा मंडळ, भवानी शंकर रोड, दादर (प) येथे हे कीर्तन पार पडणार आहे. हा कार्यक्रम सर्वांसाठी विनामूल्य असून अधिकाधिक भक्तांनी उपस्थित राहावे, असे आवाहन आयोजक मंडळाने केले आहे.

श्री. पाटील यांचे कार्य आणि वारकरी परंपरेसाठी योगदान
श्री. जगन्नाथ महाराज पाटील सध्या सोनी मराठीवरील ‘कोण होणार महाराष्ट्राचा लाडका कीर्तनकार’ या लोकप्रिय कार्यक्रमाचे मुख्य परीक्षक म्हणून कार्यरत आहेत. त्यांनी मुंबईजवळील सरलांबे येथे श्री संत नामदेव महाराज कीर्तन विद्यालय सुरू करून वारकरी परंपरेच्या प्रसारासाठी महत्त्वाचे कार्य केले आहे.

मंडळाच्या परंपरेचा ऐतिहासिक मागोवा
ब्राह्मण सेवा मंडळाचा पहिला श्री गणेशोत्सव ११ ते २० सप्टेंबर १९२६ रोजी ‘मुकुंद मॅन्शन’ येथे संपन्न झाला होता. स्थापनेपासून मंडळाने अनेक वैशिष्ट्यपूर्ण कार्यक्रम, स्पर्धा आणि सांस्कृतिक उपक्रम आयोजित केले आहेत. अनेक दिग्गज कलाकार, नामवंत व्याख्याते आणि मान्यवरांनी या मंचावर आपली कला आणि विचार मांडले आहेत.

शतकोत्सवी उत्सवात मान्यवरांची उपस्थिती
यंदाच्या शतकोत्सवी उत्सवात लोकप्रिय अभिनेत्री मुक्ता बर्वे, स्पृहा जोशी, संकर्षण कऱ्हाडे, अमित वझे, मानसी वझे, निनाद सोलापूरकर, जयदीप वैद्य, अंजली मराठे, विनय चौलकऱे, गंधार जोग, प्रद्योत पेंढारकर आणि सर्वेश देशपांडे यांसारख्या कलाकारांनी आपली कला सादर केली. तसेच माजी लष्कर अधिकारी ले. ज. विनायक पाटणकर (नि.) व ले. ज. एस. एस. हसबनीस (नि.) यांची ‘ऑपरेशन सिंदूर – नव्या भारताचा सामर्थ्याविष्कार’ या विषयावर ज्येष्ठ पत्रकार उदय निरगुडकर यांनी विशेष मुलाखत घेतली.

राजकीय, सांस्कृतिक आणि कलाक्षेत्रातील मान्यवरांचा सहभाग
प्रख्यात गायिका राणी वर्मा, संगीतकार कौशल इनामदार तसेच अनेक राजकीय व सांस्कृतिक क्षेत्रातील मान्यवरांनी या मंडळाच्या श्री गणेशाचे दर्शन घेतले व शतकोत्सवी उत्सवाला आपली उपस्थिती लावली. यामुळे शतकभराच्या या परंपरेत यंदाचा उत्सव अधिकच ऐतिहासिक आणि संस्मरणीय ठरला आहे.