‘तीन तिघाडा काम बिघाडा’ ही म्हण धुडकावून लावत तीन मित्रांच्या धमाल मैत्रीची झलक घेऊन येणारा ‘ऑल इज वेल’ हा मराठी चित्रपट येत्या २७ जून रोजी प्रेक्षकांच्या भेटीला येणार आहे. नुकत्याच झालेल्या भव्य समारंभात या चित्रपटाचा धमाकेदार ट्रेलर सादर करण्यात आला, आणि तो पाहताच प्रेक्षकांच्या उत्सुकतेला नवे पंख मिळाले आहेत.

धमाल मैत्री, वेगळा विषय आणि मजेशीर सादरीकरण

चित्रपटात प्रियदर्शन जाधव, अभिनय बेर्डे आणि रोहित हळदीकर या त्रिकुटाच्या केमिस्ट्रीची झलक ट्रेलरमध्ये झळकते. या तिघांबरोबरच सयाजी शिंदे, अभिजीत चव्हाण, नक्षत्रा मेढेकर, सायली फाटक, माधव वझे, आणि अजय जाधव यांसारख्या अनुभवी कलाकारांचीही धमाकेदार उपस्थिती या चित्रपटात आहे. प्रत्येक पात्र वेगळं, उत्साही आणि भन्नाट विनोदी रंगत घेऊन येणार आहे.

निर्मात्यांचा वेगळ्या कथानकाचा प्रयत्न

या प्रसंगी निर्माते अमोद मुचंडीकर आणि वाणी हालप्पनवर, तसेच सहनिर्माते मल्लेश सोमनाथ मरुचे आणि विनायक पट्टणशेट्टी यांनी सांगितलं की, “प्रेक्षकांसाठी वेगळं आणि हलकं-फुलकं हास्य नाट्य सादर करण्याची इच्छा होती. त्यासाठी लेखक प्रियदर्शन जाधव आणि दिग्दर्शक योगेश जाधव यांची कल्पक साथ लाभली.” हा चित्रपट कुटुंबासह पाहण्यासाठी परिपूर्ण असल्याचा विश्वास त्यांनी व्यक्त केला.

दिग्दर्शक योगेश जाधव यांची विशेष भावना

“इतक्या उत्साही कलाकारांसह वेगळ्या विषयावर काम करता आलं, हे माझं भाग्य आहे,” असं दिग्दर्शक योगेश जाधव म्हणाले. “‘ऑल इज वेल’ हा फक्त विनोदी चित्रपट नाही, तर तो प्रेक्षकांच्या चेहऱ्यावर हास्य फुलवणारा, मनामध्ये आनंद निर्माण करणारा अनुभव आहे,” असा विश्वास त्यांनी व्यक्त केला.

संगीत, छायांकन आणि कलात्मक बाजूची भक्कम मांडणी

चित्रपटाचं संगीत चिनार-महेश आणि अर्जुन जन्या यांनी दिलं असून गाणी रोहित राऊत आणि अपेक्षा दांडेकर यांच्या आवाजात सजली आहेत. छायांकन मयुरेश जोशी यांचं असून संकलन अथश्री ठुबे यांनी केलं आहे. नृत्यदिग्दर्शन राजेश बिडवे, साहसदृश्ये अजय ठाकूर पठाणीया, तर कलादिग्दर्शन नितीन बोरकर यांचं आहे. गीतकार मंदार चोळकर यांनी शब्दांनी गाण्यांना अर्थपूर्ण स्पर्श दिला आहे.

सोशल मीडियावर चर्चेत आलेलं पोस्टर आणि ट्रेलर

या चित्रपटाचं पोस्टर काही दिवसांपूर्वीच प्रेक्षकांच्या भेटीला आलं होतं आणि त्याचं अनोखं सादरीकरण पाहून त्याच्याविषयीची उत्सुकता वाढली होती. आता ट्रेलरने तीच उत्सुकता अधिक गडद केली आहे. अशोक फळदेसाई, अमायरा गोस्वामी, दिशा काटकर यांसारख्या नव्या चेहऱ्यांचाही या चित्रपटात समावेश आहे.

२७ जूनपासून थिएटरमध्ये ‘ऑल इज वेल’

निखळ हास्य, रिफ्रेशिंग अभिनय आणि धमाल गोष्टींसह ‘ऑल इज वेल’ प्रेक्षकांसाठी एक अफलातून मनोरंजनाची मेजवानी ठरणार आहे. २७ जूनपासून आपल्या जवळच्या चित्रपटगृहात, ऑल इज वेल – फुल्ल टु मनोरंजन!

मराठी भाषेचा गोडवा जितका शब्दांत, तितकाच स्वभावात

मराठी ही भाषा वळवावी तशी वळते, असं म्हणतात. या भाषेचा गोडवा केवळ शब्दांपुरता मर्यादित न राहता तो माणसाच्या स्वभावातूनही व्यक्त होतो. अशाच मराठमोळ्या गोडव्याचा अनुभव देण्यासाठी अभिनेता सयाजी शिंदे प्रेक्षकांसमोर येणार आहेत एका हटके भूमिकेतून – ‘आप्पा’ या भाईच्या व्यक्तिरेखेतून.

शुद्ध मराठीत भाईगिरी – ‘आप्पा’ उर्फ सयाजी शिंदे यांचा झणझणीत अंदाज

वाणीश्री फिल्म प्रॉडक्शन्सच्या आगामी ‘ऑल इज वेल’ या मराठी चित्रपटात सयाजी शिंदे एका भाईच्या म्हणजेच डॉनच्या भूमिकेत झळकणार आहेत. पण ही भाईगिरी साचलेल्या हिंदी गल्लीतली नसून शुद्ध प्राकृत मराठीतील असेल. एकेकाळच्या ‘बोल बच्चन’ शैलीतील पात्रासारखा हा भाई स्वच्छ, प्रांजल मराठीत संवाद साधणार आहे आणि अनेकांची विकेट काढणार आहे.

दिग्दर्शक आणि लेखक जोडीचा हटके प्रयोग

चित्रपटाचे दिग्दर्शन योगेश जाधव यांचे असून लेखन प्रियदर्शन जाधव यांनी केले आहे. दोघांची ही जोडी ‘आप्पा’ या व्यक्तिरेखेला वेगळा टोन देण्यासाठी शुद्ध मराठीचा वापर करून ती अधिक लक्षवेधी बनवत आहे. या निवडीबद्दल सयाजी शिंदे म्हणतात, “डॉनची भूमिका जरी आहे, तरी त्यात काहीतरी वेगळं हवं होतं. शुद्ध मराठीमुळे तिचं वेगळेपण अधिक ठसतं.”

अमर-अकबर-अँथनीच्या मैत्रीचा धमाल प्रवास

चित्रपटाची मध्यवर्ती कथा आहे अमर, अकबर आणि अँथनी या तीन मित्रांभोवती फिरणारी. या तिघांची अतूट मैत्री, गोंधळ, भावनिक गुंतवणूक आणि त्यातले हळवे क्षण ‘ऑल इज वेल’मध्ये रंगवले आहेत. या भूमिकांमध्ये प्रियदर्शन जाधव, अभिनय बेर्डे, रोहित हळदीकर हे कलाकार झळकणार आहेत.

तगड्या कलाकारांची मांदियाळी

या चित्रपटात अभिजीत चव्हाण, नक्षत्रा मेढेकर, सायली फाटक, माधव वझे, अजय जाधव, अमायरा गोस्वामी, दिशा काटकर यांच्यासह अनेक अनुभवी व नवोदित कलाकार आपली छाप पाडतील.

संकल्पनेपासून तांत्रिक बाजूपर्यंत ठसठशीत हाताळणी

‘ऑल इज वेल’चे कार्यकारी निर्माते संजय ठुबे आहेत. संगीत क्षेत्रात चिनार-महेश आणि अर्जुन जन्या यांचं योगदान असून छायांकन मयुरेश जोशी यांचं आहे. संकलन अथश्री ठुबे यांनी केलं आहे.

नृत्यदिग्दर्शन राजेश बिडवे यांचे, साहस दृश्यांची मांडणी अजय ठाकूर पठाणीया यांनी केली आहे. गीतकार मंदार चोळकर यांच्या लेखणीतून उतरलेली गाणी रोहित राऊत आणि अपेक्षा दांडेकर यांनी स्वरबद्ध केली आहेत.

२७ जूनला प्रेक्षकांच्या भेटीला येणार धमाल

‘ऑल इज वेल’ हा चित्रपट २७ जून २०२५ रोजी प्रदर्शित होत आहे. भाईगिरीच्या मराठमोळ्या रंगांनी आणि मैत्रीच्या धम्माल प्रवासाने नटलेला हा चित्रपट प्रेक्षकांना किती ‘वेल’ वाटतो, हे पाहणं उत्सुकतेचं ठरेल.