Home – Batamiwala News

August 22, 2025

अनुराग कश्यप दिग्दर्शित ‘निशानची’ चित्रपटातील हृदयस्पर्शी गाणं प्रदर्शित

जार पिक्चर्स आणि फ्लिप फिल्म्सच्या बॅनरखाली बनलेल्या ‘निशानची’ या चित्रपटाचे निर्माते अजय राय आणि रंजन सिंग आहेत, तर दिग्दर्शन सुप्रसिद्ध अनुराग कश्यप यांनी केलं आहे. या चित्रपटामधून अभिनेता ऐश्वर्य ठाकरे आपल्या अभिनय कारकिर्दीची सुरुवात करत असून ते एका दमदार डबल रोलमध्ये झळकणार आहेत. त्यांच्यासोबत वेदिका पिंटो, मोनिका पंवार, मोहम्मद झिशान अय्यूब आणि कुमुद मिश्रा यांच्याही भूमिका महत्त्वाच्या ठरणार आहेत. संपूर्ण देशभरात हा चित्रपट 19 सप्टेंबर रोजी प्रदर्शित होणार आहे.

रोमँटिक गाणं ‘नींद भी तेरी’ प्रदर्शित

अमेझॉन MGM स्टुडिओ इंडिया आणि झी म्युझिकने आज ‘निशानची’ मधील एक हृदयस्पर्शी रोमँटिक गाणं ‘नींद भी तेरी’ प्रदर्शित केलं आहे. हे गाणं संगीतकार मनन भारद्वाज यांनी संगीतबद्ध केलं असून त्यांनीच हे लिहिलं आणि गायलेलं आहे. त्यांच्या खास शैलीत बनवलेलं हे गाणं अत्यंत सुकून देणारं, भावनिक आणि संस्मरणीय ठरलं आहे.

प्रेम आणि भावनांचा प्रवास

‘नींद भी तेरी’ या गाण्यात प्रेमाच्या नाजूक भावना, मनातील अनकथ तडफड आणि नात्यांमधील सूक्ष्म बदलांचा वेध घेतला आहे. हे गाणं एका लव्ह ट्रायंगलवर आधारित असून त्याचे सुंदर बोल आणि मधुर धून श्रोत्यांच्या मनात घर करतात. संगीतामध्ये देशी रंग आणि आधुनिकतेचं अप्रतिम मिश्रण दिसून येतं.

ऐश्वर्य ठाकरे यांचा खास सहभाग

या गाण्याचं दुसरं व्हर्जन देखील चित्रपटात समाविष्ट करण्यात आलं आहे, जे स्वतः मुख्य अभिनेता ऐश्वर्य ठाकरे यांनी गायलेलं आहे. डबल रोलमधून अभिनय करणाऱ्या ऐश्वर्यचा हा संगीतकार म्हणूनही पहिला अनुभव प्रेक्षकांसाठी आकर्षण ठरणार आहे.

संगीतकार मनन भारद्वाज यांची भावना

या गाण्याबद्दल बोलताना संगीतकार मनन भारद्वाज म्हणाले, “नींद भी तेरी हे गाणं अशा भावना व्यक्त करतं जे शब्द नेहमी सांगू शकत नाहीत — शांतता, तडफड आणि संकोच. हे गाणं फक्त ऐकावं म्हणून नाही, तर चित्रपटाच्या भावनिक प्रवासाचा भाग बनून अनुभवावं म्हणून बनवलं आहे.”

चित्रपटाची कथा आणि दिग्दर्शन

‘निशानची’ची कथा प्रसून मिश्रा, रंजन चंदेल आणि अनुराग कश्यप यांनी एकत्र लिहिली आहे. दोन भावांची गुंतागुंतीची कहाणी, त्यांच्या निवडी आणि त्यातून आकार घेणारं भविष्य हे कथानक प्रेक्षकांसमोर येणार आहे. अनुराग कश्यप यांच्या दिग्दर्शनाखाली साकारलेला हा चित्रपट एक अफलातून सिनेमॅटिक अनुभव देईल, असा विश्वास निर्मात्यांनी व्यक्त केला आहे.

प्रदर्शनाची तारीख निश्चित

‘निशानची’ चित्रपट 19 सप्टेंबर रोजी संपूर्ण भारतातील सिनेमागृहांमध्ये प्रदर्शित होणार आहे. दमदार कथा, भावस्पर्शी संगीत आणि नवीन चेहऱ्यांचा ताजा अंदाज यामुळे हा चित्रपट प्रेक्षकांसाठी विशेष ठरण्याची चिन्हं दिसत आहेत.
August 22, 2025

मराठी रुपेरी पडद्यावर ‘जब्राट’

आयुष्याच्या प्रवासात अनेक मित्रमैत्रिणी भेटत असतात. त्यापैकी काही जण आजन्म मैत्री टिकवून ठेवतात, तर काही नातेसंबंध अर्धवट तुटून जातात. अशा खरीखुरी मैत्रीची कहाणी सांगणारा तारा करमणूक निर्मित, प्रगती कोळगे दिग्दर्शित ‘जब्राट’ हा नवीन मराठी चित्रपट नववर्षारंभी प्रेक्षकांच्या भेटीला येणार आहे. नुकतेच या चित्रपटाचे दमदार पोस्टर प्रदर्शित करण्यात आले असून त्याने रसिकांची उत्सुकता शिगेला पोहोचवली आहे.

लव्ह, म्युझिक, मस्ती आणि डान्सचा मसाला

‘जब्राट’ हा एक संगीतमय मनोरंजनपट असून त्यात लव्ह, म्युझिक, मस्ती आणि डान्सचा जबरदस्त मसाला आहे. या चित्रपटात तरुणाईसोबत अनुभवसंपन्न कलाकारांचा सुंदर संगम दिसणार आहे. आयुष संजीव, अनुष्का सरकटे, वनिता खरात, श्रेया शंकर, राहुल चव्हाण, पुण्यकर उपाध्याय, आयली घिया, हिंदवी पाटील, मंदार मोकाशी, डॉ. ऋषभ गायकवाड, सोहम कांबळे, विक्रम आल्हाट, प्रगती कोळगे ही तरुण मंडळी प्रमुख भूमिकेत झळकणार आहेत. त्यांना साथ देण्यासाठी ज्येष्ठ कलाकार संजय मोने, सुरेखा कुडची, जयवंत वाडकर आणि गणेश यादव यांचाही प्रभावी सहभाग आहे.

निर्मिती आणि तांत्रिक बाजू

‘जब्राट’चे निर्माते अनिल अरोड़ा, गोविंद मोदी आणि प्रगती कोळगे असून छायांकन अनिकेत खंडागळे यांनी केले आहे. सहाय्यक असोशीएट म्हणून चार्लेस गोम्स कार्यरत आहेत. ‘लावणी किंग’ म्हणून ओळखले जाणारे आशिष पाटील यांनी नृत्यदिग्दर्शनाची जबाबदारी सांभाळली आहे. वेशभूषा युगेशा ओमकार यांनी केली असून प्रत्येक फ्रेम अधिक रंगतदार करण्यावर भर दिला आहे.

संगीत आणि गायकांचा मेळावा

या चित्रपटाचे संगीत दिग्दर्शन डॉ. जयभीम शिंदे यांनी केले आहे. प्रेमगीते, प्रेरणादायी गीते आणि लोकगीते अशा विविधतेने सजलेल्या या चित्रपटात पार्श्वगायनाचा समृद्ध मेळ दिसून येतो. बेला शेंडे, आर्या आंबेकर, वैशाली माडे, नंदेश उमाप, डॉ. जयभीम शिंदे, अनुराग जगदाळे, स्वराज्य भोसले, राजनंदिनी मगर आणि स्वाती शिंदे या दिग्गज गायक-गायिकांनी आपल्या आवाजाची जादू पेरली आहे.

उत्सुकतेचा शिगेला पोहोचलेला प्रवास

नववर्षारंभी प्रदर्शित होणारा ‘जब्राट’ हा चित्रपट मैत्री, प्रेम, संगीत आणि नृत्य यांच्या मेळाव्याने सजलेला असल्यामुळे प्रेक्षकांसाठी हा खऱ्या अर्थाने मनोरंजनाचा सोहळा ठरणार आहे. दमदार स्टारकास्ट, रंगतदार संगीत आणि तरुणाईसाठी प्रेरणादायी कथानक यामुळे ‘जब्राट’कडे आता सर्वांचे लक्ष लागले आहे.
August 21, 2025

भवानी शंकर रोड, दादर येथील ‘ब्राह्मण सेवा मंडळा’चे शतकमहोत्सवी वर्ष

मुंबई : भवानी शंकर रोड, दादर येथील ब्राह्मण सेवा मंडळाने यंदा शतकमहोत्सवी वर्षात प्रवेश केला आहे. शंभर वर्षांचा प्रवास, धार्मिक आणि सांस्कृतिक परंपरांचा वारसा आणि समाजासाठी केलेली सेवा या सगळ्यांचा उत्सव म्हणून हा गणेशोत्सव साजरा होणार आहे.

इतिहासाची परंपरा

ब्राह्मण सेवा मंडळाची स्थापना दि. १० डिसेंबर १९१६ रोजी झाली. तथापि पहिला श्री गणेशोत्सव ११ ते २० सप्टेंबर १९२६ रोजी ‘मुकुंद मॅन्शन’ मध्ये साजरा झाला. त्या काळात व्याख्याने, प्रवचने, कीर्तन, भजनी मंडळाचे कार्यक्रम, मंत्रपुष्प, मंत्रजागर आणि सहस्त्रावर्तन असे धार्मिक व सांस्कृतिक उपक्रम राबविण्यात आले.

१९५० साली रौप्यमहोत्सवी गणेशोत्सव मोठ्या थाटामाटात साजरा झाला. स्वयंसेवकांनी वर्गणी गोळा करून भव्य आयोजन केले. श्री. राम मराठे, श्रीमती. जयमाला शिलेदार यांसारख्या मान्यवर कलाकारांच्या उपस्थितीने कार्यक्रम संस्मरणीय ठरले. विसर्जन मिरवणुकीत पुढे भगवा ध्वज आणि त्याच्या मागे शिस्तबद्ध स्वयंसेवकांची तुकडी पाहून दादरकरांची मने भरून आली होती.

सुवर्ण, अमृत आणि शतकाचा प्रवास

१९७५ साली सुवर्णमहोत्सवी गणेशोत्सवाचे उद्घाटन तर्कतीर्थ श्री. लक्ष्मणशास्त्री जोशी यांच्या हस्ते झाले. त्या वेळी डॉ. प्रभा अत्रे, प्रा. वसंत बापट, वि. दा. करंदीकर, मंगेश पाडगावकर यांसारख्या दिग्गजांनी सांस्कृतिक कार्यक्रमांची शोभा वाढवली.

अमृतमहोत्सवी २००० साली श्री. सच्चिदानंद शेवडे यांच्या प्रवचनाने गणेशोत्सवाचा शुभारंभ झाला. या वर्षी श्री. रामदास कामत, श्रीमती. आशा खाडिलकर, श्री. चारुदत्त आफळे, श्री. दिलीप प्रभावळकर, श्री. प्रशांत दामले, श्री. राहुल देशपांडे, श्री. कौशल इनामदार यांसारख्या कलाकारांनी आपल्या कलेने प्रेक्षकांची मने जिंकली. विविध स्पर्धांचे आयोजनही झाले.

शतकमहोत्सवी वर्षाची वैशिष्ट्ये

यंदाचा गणेशोत्सव हा शतकमहोत्सवी असल्यामुळे तो अधिकच संस्मरणीय ठरणार आहे. धार्मिक आणि सामाजिक उपक्रमांसह भव्य सांस्कृतिक कार्यक्रमांचे आयोजन करण्यात आले आहे. श्रींच्या आगमनाचा सोहळा, गणेशयाग, अथर्वशीर्ष सहस्त्रावर्तन, महाप्रसाद आणि विसर्जनाची पारंपरिक मिरवणूक या सर्वांचे आयोजन खास पद्धतीने होणार आहे.

सांस्कृतिक कार्यक्रमांची रेलचेल

२९ ऑगस्ट २०२५, रात्री ८ वा. – प्रिय भाई… एक कविता हवी आहे, सादरकर्त्या : मुक्ता बर्वे व सहकलाकार.

३० ऑगस्ट २०२५, रात्री ८ वा. – ऑपरेशन सिंदूर – नव्या भारताचा सामर्थ्याविष्कार, वक्ते : मा. ले. ज. विनायक पाटणकर (नि.) व मा. ले. ज. एस. एस. हसबनीस (नि.), मुलाखतकार : उदय निरगुडकर.

३१ ऑगस्ट २०२५, रात्री ८ वा. – उकलुया हस्तरेखांचे गूढ, वक्ते : प्रद्योत पेंढारकर, मुलाखतकार : सर्वेश देशपांडे.

१ सप्टेंबर २०२५, रात्री ८ वा. – संकर्षण व्हाया स्पृहा, सादरकर्ते : संकर्षण कऱ्हाडे व स्पृहा जोशी.

३ सप्टेंबर २०२५, रात्री ८ वा. – हसले मनी चांदणे – पद्मश्री माणिक वर्मा जन्मशताब्दीनिमित्त गीतांचा कार्यक्रम.

५ सप्टेंबर २०२५, रात्री ८ वा. – वारकरी कीर्तन, ह.भ.प. श्री. जगन्नाथ महाराज पाटील.

गणेशभक्तांसाठी पर्वणी

दररोज धार्मिक, सांस्कृतिक, सामाजिक आणि मनोरंजनात्मक असे विविध कार्यक्रम होणार आहेत. त्यामुळे या शतकमहोत्सवी वर्षात ब्राह्मण सेवा मंडळाचा गणेशोत्सव हा मुंबईकर गणेशभक्तांसाठी एक अविस्मरणीय सोहळा ठरणार आहे.
August 21, 2025

‘घरत गणपती’ पुन्हा चित्रपटगृहात झळकणार

लोकप्रिय मराठी चित्रपट ‘घरत गणपती’ पुन्हा एकदा चित्रपटगृहात प्रेक्षकांच्या भेटीला येत आहे. गणेशोत्सवाच्या उत्साहात प्रेक्षकांना स्मरणरंजनाची मेजवानी देण्यासाठी हा चित्रपट खास लोकाग्रहास्तव २९ ऑगस्टपासून मोठ्या पडद्यावर झळकणार आहे. कौटुंबिक कथानक आणि भारतीय संस्कृतीचं दर्शन घडवणारा हा चित्रपट एकदा पाहिल्यावर पुन्हा पुन्हा पाहावासा वाटणारा ठरला होता.

दिग्दर्शक नवज्योत बांदिवडेकर यांचा आनंद

चित्रपटाचे दिग्दर्शक नवज्योत बांदिवडेकर म्हणाले, “अनेकदा प्रेक्षक ‘घरत गणपती’ मोठ्या पडद्यावर कधी पाहायला मिळणार असा प्रश्न विचारत होते. गणरायाच्या कृपेने त्यांची ही इच्छा पूर्ण करता येतेय याचा आम्हाला खूप आनंद आहे. हा चित्रपट मोठ्या पडद्यावर पाहण्याची वेगळी मजा आहे.” त्यांनी सांगितलं की, कौटुंबिक नात्यांची हळवी गोष्ट आणि संस्कृतीचं दर्शन दाखवणाऱ्या या चित्रपटाला आजही विविध स्तरावर भरभरून कौतुक मिळत आहे.

प्रेक्षकांच्या प्रतिसादाबद्दल निर्मात्यांचे आभार

पॅनोरमा स्टुडिओजचे सीईओ (डिस्ट्रीब्युशन आणि सिंडिकेशन) मुरलीधर छतवानी म्हणाले, “चित्रपटाच्या टीमने खूप मेहनत घेऊन हा चित्रपट बनवला. प्रेक्षकांनीही त्याला भरभरून प्रतिसाद दिला, त्यामुळे आम्ही सर्वप्रथम प्रेक्षकांचे आभार मानतो.”

निर्मिती आणि दिग्दर्शन टीम

पॅनोरमा स्टुडिओज आणि नॅविअन्स स्टुडिओ यांच्या विद्यमाने साकारलेल्या या चित्रपटाचे दिग्दर्शन नवज्योत नरेंद्र बांदिवडेकर यांनी केले आहे. निर्मिती कुमार मंगत पाठक, अभिषेक पाठक, नम्रता बांदिवडेकर, नवज्योत नरेंद्र बांदिवडेकर आणि गौरी कालेलकर-चौधरी यांनी केली आहे.

अभिनयाची ताकदवान फळी

निकिता दत्ता, भूषण प्रधान, अश्विनी भावे, अजिंक्य देव, संजय मोने, शुभांगी लाटकर, शुभांगी गोखले, डॉ. शरद भुताडिया, सुषमा देशपांडे, परी तेलंग, आशिष पाथोडे, रूपेश बने, राजसी भावे, समीर खांडेकर आणि दिव्यलक्ष्मी मैस्नाम आदी कलाकारांच्या दमदार अभिनयाने ‘घरत गणपती’ला वेगळीच रंगत प्राप्त झाली. लेखन-दिग्दर्शन, संवाद, अभिनय, सादरीकरण, गीत-संगीत या सर्व घटकांमुळे प्रेक्षक अक्षरश: या चित्रपटावर फिदा झाले होते.

गणेशोत्सवात खास भेट

२९ ऑगस्टपासून पुन्हा मोठ्या पडद्यावर झळकणारा ‘घरत गणपती’ गणेशोत्सवाचा आनंद द्विगुणीत करणार आहे. नात्यांचे बंध जपत आणि उत्सवाच्या आनंदात भर घालत हा चित्रपट प्रेक्षकांना पुन्हा एकदा एकत्र आणणार आहे.
August 21, 2025

Who is the Real ‘Chatur’? Teaser of Ek Chatur Naar Unveiled

The much-anticipated comedy thriller Ek Chatur Naar has dropped its teaser, giving audiences a hilarious yet intriguing glimpse into the film. Starring Divya Khossla and Neil Nitin Mukesh, the teaser is every bit as chaotic, clever, and ‘chatur’ as promised.

A Teaser Full of Madness and Wit

The teaser introduces viewers to a world of charm, mind games, and comical misadventures. With Ravi Kishan’s playful voiceover adding to the fun, the teaser cleverly balances humour with suspense. Director Umesh Shukla’s vibrant storytelling sets the stage for a high-stakes game of wits, where nothing is what it seems and every character has secrets of their own.

Humour Meets Suspense

Packed with sharp humour, unexpected twists, and visually striking sequences, the first look keeps the audience entertained while building curiosity for what lies ahead. It promises a rollercoaster experience of laughter and surprises, perfectly blending comedy with thrilling elements.

Production and Release Details

Ek Chatur Naar is presented by T-Series and produced by Umesh Shukla, Ashish Wagh, and Zeeshan Ahmad under the Merry Go Round Studios banner. Directed by Umesh Shukla, the film stars Divya Khossla and Neil Nitin Mukesh in lead roles. The comedy thriller is all set to release in cinemas on 12th September 2025.
August 21, 2025

‘फकिरीयत’चा ट्रेलर आणि संगीत प्रकाशन सोहळा दिमाखात संपन्न

निष्ठावान शिष्या आणि सक्षम गुरुची गोष्ट सांगणाऱ्या ‘फकिरीयत’ या हिंदी चित्रपटाचा ट्रेलर आणि संगीत प्रकाशन सोहळा नुकताच मुंबईतील प्रभादेवी येथील रवींद्र नाट्य मंदिरात मोठ्या उत्साहात पार पडला. या सोहळ्याला सुप्रसिद्ध गायिका अनुराधा पौडवाल आणि अभिनेत्री-निर्मात्या मेधा मांजरेकर प्रमुख पाहुण्या म्हणून उपस्थित होत्या. कलाकार-तंत्रज्ञ आणि मान्यवरांनीही या कार्यक्रमाला हजेरी लावली.

चित्रपटाची कथा आणि आध्यात्मिक आधार

‘फकिरीयत’ हा चित्रपट गुरूमाई माँ रुद्रात्मिका यांच्या आध्यात्मिक प्रवासावर आधारित आहे. महावतार बाबाजींच्या आदेशानुसार २०२४ मध्ये या चित्रपटाची निर्मिती सुरू झाली. या चित्रपटात महावतार बाबाजींसह श्री रामकृष्ण परमहंस, स्वामी समर्थ, शंकर महाराज, बाबा श्री कालभैरव, बाबा श्री भद्रबाहू, हेडाखान बाबा आणि माँ काली यांचे दर्शन घडणार आहे. क्रियायोग, मुद्रायोग, प्राणायाम आणि गुरु-शिष्य परंपरेची महती या चित्रपटाच्या कथेतून प्रकट होणार आहे.

निर्मिती आणि दिग्दर्शन टीम

भद्रबाहू डिव्हाइन क्रिएशन्स एलएलपीच्या बॅनरखाली या चित्रपटाची निर्मिती करण्यात आली आहे. दिग्दर्शनाची जबाबदारी संतोष मांजरेकर यांनी सांभाळली असून, या चित्रपटाद्वारे त्यांनी हिंदी सिनेसृष्टीत पाऊल ठेवले आहे. ‘चिरुट जलती है’ आणि ‘अध्यात्म एक विद्रोह, एक क्रांती’ या अनुजा जानवलेकर लिखित पुस्तकांवर कथा आधारित आहे. पटकथा अनिल पवार यांनी लिहिली असून संवाद अनुजा जानवलेकर आणि अनिल पवार यांनी एकत्रित लिहिले आहेत.

कलाकार आणि व्यक्तिरेखा

या चित्रपटात दीपा परब यांनी गुरूमाता साकारली आहे, तर इतर प्रमुख भूमिकांमध्ये उदय टिकेकर, संदेश जाधव, विनीत शर्मा, अक्षय वर्तक, नयन जाधव, अनीषा सबनीस आदींचा समावेश आहे. अभिनेता संतोष जुवेकर पाहुण्या भूमिकेत दिसणार आहे. दीपा परब यांनी साकारलेली भूमिका क्रियायोग आणि प्राणायामाबाबत जनजागृती करणारी आहे.

संगीत आणि तांत्रिक बाजू

संगीतकार प्रवीण कुंवर यांच्या सुरेल धूनांना गीतकार समृद्धी पवार यांच्या शब्दांची जोड मिळाली आहे. मनीष राजगिरे, मनोज मिश्रा, जसराज जोशी आणि नेहा राजपाल यांनी गायलेली गीते प्रेक्षकांना भावस्पर्शी ठरणार आहेत. संकलन निलेश गावंड यांनी केले असून, छायाचित्रण अजित रेड्डी यांनी केले आहे.

चित्रीकरण आणि विशेष ठिकाणं

‘फकिरीयत’चे काही चित्रीकरण काशी मणिकर्णिका आणि उत्तराखंड येथे करण्यात आले आहे. कुंभमेळ्याच्या काळात मणिकर्णिकावर चित्रीकरण करणे आव्हानात्मक होते, परंतु बाबाजींच्या कृपेने ते शक्य झाले. उत्तराखंडमधील दुर्गम स्थळांवरही चित्रीकरण झाले असून, तेथील निसर्गसौंदर्य चित्रपटात आकर्षण ठरणार आहे.

प्रदर्शनाची तारीख

‘फकिरीयत’ हा आध्यात्मिकता, भक्तीभाव आणि त्यागाची महती सांगणारा चित्रपट १९ सप्टेंबर २०२५ रोजी संपूर्ण भारतभर प्रदर्शित होणार आहे. या चित्रपटाद्वारे क्रियायोगाचा दैवी संदेश आणि गुरु-शिष्य परंपरेची ओळख प्रेक्षकांपर्यंत पोहोचवली जाणार आहे.
August 21, 2025

‘बिन लग्नाची गोष्ट’ने उलगडली नात्यांची नवीन परिभाषा

रंगतदार ट्रेलर प्रदर्शित

नात्यांचा गुंता, प्रेमाची गोडी आणि थोडीशी नोकझोक… हे सगळं सांगणारी ‘बिन लग्नाची गोष्ट’ ही गोड कथा आता प्रेक्षकांच्या भेटीला येणार आहे. नुकताच या चित्रपटाचा ट्रेलर प्रदर्शित झाला असून प्रेक्षकांच्या उत्सुकतेला अधिकच उधाण आले आहे. या चित्रपटात रिअल लाईफ कपल प्रिया बापट आणि उमेश कामत परत एकदा रील लाईफमधून प्रेक्षकांना मोहवणार आहेत. दोघांची पडद्यावरची केमिस्ट्री यापूर्वीही प्रेक्षकांना भावली होती आणि त्यामुळेच आता या चित्रपटाबद्दलची उत्कंठा अधिक वाढलेली आहे.

कथेचा गाभा आणि ट्रेलरमधील झलक

ट्रेलरमध्ये कथा प्रिया, उमेश, निवेदिता सराफ आणि गिरीश ओक यांच्याभोवती फिरताना दिसते. प्रिया प्रेग्नन्ट असून, छोट्या-मोठ्या गोष्टींमुळे आणि कामाच्या व्यापामुळे तिच्या-उमेशमध्ये नोकझोक दाखवली आहे. अशा वेळी घरात मदतनीस म्हणून गिरीश ओक आणि निवेदिता सराफ दाखल होतात आणि खरी कथा रंग घेऊ लागते. प्रिया नाराज असल्याचे दाखवले आहे, तिच्या नाराजीमागचे कारण काय? गिरीश-निवेदिता कोणत्या अटी घालतात? आणि या चौघांच्या नात्यांचा हा प्रवास नेमका कुठे नेणार, याची उत्तरं प्रेक्षकांना चित्रपटगृहात मिळणार आहेत.

कलाकारांची रसायनशास्त्र आणि संवादांची ताकद

ट्रेलरमध्ये निवेदिता सराफ यांच्या पात्राच्या भूतकाळाची चाहूल दिली आहे. त्यात गिरीश ओक यांच्यासोबतची त्यांची अनोखी केमिस्ट्री, प्रिया-उमेश यांचा गोड संसार आणि या चौघांमधले संवाद, नात्यांतील गोड-तिखट प्रसंग प्रेक्षकांना भरपूर मनोरंजन देतील, हे ट्रेलरमधून स्पष्ट होतं.

दिग्दर्शक आदित्य इंगळे यांची दृष्टी

चित्रपटाबद्दल दिग्दर्शक आदित्य इंगळे म्हणाले, “एकदा प्रिया-उमेशच्या घरी गेलो असताना त्यांच्या वागण्यातली नैसर्गिकता आणि संवादातील सहजता बघून वाटलं, ही कथा त्यांच्याशिवाय दुसरं कोणी करू शकत नाही. त्यांनाही ही कल्पना आवडली आणि त्यांनी होकार दिला. तसेच निवेदिता ताई आणि गिरीश सरांची जोडी प्रेक्षकांना याआधीही आवडली आहे. त्यामुळे ही चौकडी एकदम परफेक्ट होती.”

ते पुढे म्हणाले, “हा चित्रपट फक्त नात्यांवर भाष्य करणारा नसून तो प्रत्येक प्रेक्षकाला स्वतःच्या आयुष्याशी जोडणारा आहे. नातं टिकवण्यासाठी परस्परांवरील विश्वास, मोकळेपणा आणि जिव्हाळा हाच पाया आहे. या कथेत प्रेक्षकांना हे सगळं अनुभवता येईल.”

निर्मात्यांचे मत

निर्माते नितीन वैद्य म्हणाले, *”हा चित्रपट मनोरंजनासोबतच नात्यांच्या बदलत्या परिभाषेवर विचार करायला लावणारा आहे. आजच्या पिढीचं राहणीमान, नात्यांची व्याख्या, त्यातील संघर्ष आणि गोडवा हे सगळं *‘बिन लग्नाची गोष्ट’मध्ये पाहायला मिळणार आहे. प्रेक्षकांनी हा चित्रपट नक्की पाहावा कारण तो हसवतो, विचार करायला लावतो आणि नात्यांची सुंदरता नव्याने दाखवतो.”

चित्रपटाची टीम आणि चित्रपट प्रदर्शित तारीख

गॉडगिफ्ट एंटरटेनमेंट प्रा. लि. आणि एस. एन. प्रॉडक्शन्स निर्मित ‘बिन लग्नाची गोष्ट’ १२ सप्टेंबर रोजी प्रेक्षकांच्या भेटीला येत आहे. कथा समीर कुलकर्णी यांची असून दिग्दर्शन आदित्य इंगळे यांनी केलं आहे. प्रिया बापट, उमेश कामत, निवेदिता सराफ, गिरीश ओक, सुकन्या मोने आणि संजय मोने यांच्या दमदार अभिनयाने सजलेला हा चित्रपट प्रेक्षकांसाठी नात्यांची नवी सफर ठरणार आहे.
August 20, 2025

‘समर्थयोगी’ चित्रपटाचा भव्य मुहूर्त सोहळा संपन्न

१५ ऑगस्ट २०२५ रोजी सकाळी ९ वाजता वसई येथील भुईगावातील स्वामी समर्थ मठात स्वयंभू प्रॉडक्शन निर्मित ‘समर्थयोगी’ या मराठी चित्रपटाचा मुहूर्त पार पडला. या सोहळ्याला मठाचे अधिपती श्री संदीप म्हात्रे, नितीन परुळेकर आणि अनंत नाईक यांच्या शुभहस्ते मुहूर्त क्लॅप देण्यात आला. या प्रसंगी उपस्थितांनी चित्रपटाला शुभेच्छा दिल्या आणि स्वामी समर्थ तसेच रसिक प्रेक्षकांचे आशीर्वाद कायम लाभोत अशी अपेक्षा व्यक्त करण्यात आली.

निर्मिती व दिग्दर्शनाची टीम

या चित्रपटाची निर्मिती आणि दिग्दर्शन चंद्रशेखर छबूबाई व्यंकटराव सांडवे यांनी केली असून, क्रिएटिव्ह दिग्दर्शनाची धुरा सुनील खेडेकर यांच्यावर आहे. प्रॉडक्शन कंट्रोलर म्हणून तन्मय सांडवे आणि सर्वेश सांडवे कार्यरत आहेत. सहनिर्मात्यांमध्ये प्रकाश राणे आणि विवेक पर्वते यांचा समावेश आहे. कथा प्रकाश राणे यांनी लिहिली असून पटकथा आणि संवाद कय्युम काझी यांनी दिले आहेत.

तांत्रिक चमू आणि कलावंत

सिनेमॅटोग्राफी रितेश पाटील यांची असून संकलन विघ्नेश वाळुंज यांचे आहे. लाईन प्रोड्युसर म्हणून सुधीर सोमवंशी काम पाहत आहेत. या चित्रपटात नामवंत कलाकारांचा सहभाग असून स्वामी समर्थांच्या भूमिकेत ज्येष्ठ अभिनेते अशोक कुलकर्णी झळकणार आहेत.

शूटिंगचे वेळापत्रक

चित्रपटाच्या पहिल्या शेड्युलमधील दोन दिवसांचे शूटिंग यशस्वीरित्या पूर्ण झाले असून पुढील शेड्युल सप्टेंबर महिन्यात पार पडणार आहे. या चित्रपटाची कथा अध्यात्म, श्रद्धा आणि समाजाला दिशा देणाऱ्या विचारांवर आधारित असून मराठी प्रेक्षकांसाठी एक आगळीवेगळी भेट ठरणार आहे.
August 19, 2025

‘शंकराचा बाळ आला’ – सूर, श्रद्धा आणि भावनांचा सुंदर संगम

वैशाली माडे यांच्या सुरेल आवाजातील भक्तीगीत

लवकरच श्री गणेशाचे आगमन होणार आहे आणि त्याआधीच गणेशभक्तांसाठी एक खास गाणं प्रदर्शित झालं आहे. पीसफुल बिट्स प्रॉडक्शन्स निर्मित आणि वैशाली माडे प्रस्तुत ‘शंकराचा बाळ आला’ या गाण्याला मंदार चोळकर यांनी काव्यरचना केली असून, वरुण लिखाते यांचे संगीत लाभले आहे. वैशाली माडे यांच्या भावपूर्ण गायकीतून या गाण्यात भक्तीभावाची झलक अनुभवायला मिळते.

गाण्यामागची कथा आणि भावविश्व

या गीतात फक्त सणाचा उत्साह नाही, तर एक हृदयस्पर्शी कथा आहे – सैनिक असलेल्या एका आईची. गणेशोत्सवासाठी घरी परतलेली ही आई बाप्पाची सेवा करून पुन्हा देशसेवेसाठी निघते. या कथेत भक्ती, कुटुंब आणि देशभक्ती यांचा अनोखा संगम दिसतो. गणेशोत्सवाच्या चैतन्यमय वातावरणासोबत देशसेवेचा संदेश देणारं हे गीत प्रेक्षकांच्या मनाला भिडणारं ठरतं.

कलाकारांची भावपूर्ण सादरीकरणं

गीतामध्ये योगिता चव्हाण यांच्या चेहऱ्यावरचे भाव, अभिजीत केळकर यांची उत्सवी ऊर्जा आणि आरव आयेरचा निरागस आनंद प्रेक्षकांना आपल्या घरच्या गणेशोत्सवाची आठवण करून देतो. ढोल-ताशांचा गजर, आरत्या, प्रसादाचा सुवास आणि फुलांची सजावट या सगळ्याचा मिलाफ गाण्यातून सजीव होतो.

दिग्दर्शक आणि गायिकेचे अनुभव

गायिका वैशाली माडे यांनी सांगितलं की, “गणेशभक्तीचा स्वर माझ्या गायकीचा नेहमीच महत्त्वाचा भाग राहिला आहे. हे गीत भक्तीभाव जागवणारं असून ऐकणाऱ्याला थेट गणेशोत्सवाच्या वातावरणात नेणारं आहे.”

दिग्दर्शक पराग सावंत यांनी सांगितलं की, “प्रत्येक फ्रेममध्ये आम्ही भक्तीभावाचा आत्मा पकडण्याचा प्रयत्न केला असून दृश्य, संगीत आणि भावना यांचा संगम प्रेक्षकांच्या मनाला भिडेल.” गायिका वैशाली माडे यांनीही सांगितलं की, “गणेशभक्तीचा स्वर माझ्या गायकीचा नेहमीच महत्त्वाचा भाग राहिला आहे. हे गीत भक्तीभाव जागवणारं असून ऐकणाऱ्याला थेट गणेशोत्सवाच्या वातावरणात नेणारं आहे.”

गणेशभक्तांसाठी भावनांची नवी भेट

‘शंकराचा बाळ आला’ हे गीत केवळ मनोरंजनासाठी नाही, तर भक्तीभाव जागवण्यासाठी आहे. यातून गणेशोत्सवाचा उत्साह, भक्तीची गोडी आणि देशभक्तीचा संदेश एकत्रितपणे प्रकट होतो. हे गीत गणेशोत्सवात भक्तांच्या मनात दीर्घकाळ गुंजत राहील.
August 18, 2025

अभिनेत्री नक्षत्रा मेढेकरला १२व्या गोवा राज्य चित्रपट महोत्सवात विशेष सन्मान

‘मोग’ चित्रपटासाठी बेस्ट अॅक्ट्रेस ज्युरी पुरस्कार
मराठी मालिकांमधून घराघरात पोहोचलेली आणि काही काळ ब्रेक घेतल्यानंतर पुनरागमन केलेली अभिनेत्री नक्षत्रा मेढेकर पुन्हा चर्चेत आली आहे. नुकत्याच पार पडलेल्या १२व्या गोवा राज्य चित्रपट महोत्सवात (२०२२–२३) तिच्या मोग या कोंकणी चित्रपटासाठी तिला ‘बेस्ट अॅक्ट्रेस’चा विशेष ज्युरी पुरस्कार जाहीर झाला.

चित्रपटातील व्यक्तिरेखा आणि तयारी
जोजो डिसुझा दिग्दर्शित मोग हा प्रेम, संघर्ष आणि मानवी नात्यांचा वेध घेणारा चित्रपट आहे. यात नक्षत्राने साकारलेली सेलिना ही साधी पण भावनिक गुंतागुंतीत अडकलेली व्यक्तिरेखा प्रेक्षकांच्या मनात घर करून गेली. या भूमिकेसाठी नक्षत्राने शून्यापासून कोंकणी भाषा शिकली, स्थानिक बोली आत्मसात केली आणि उच्चारांवर मेहनत घेतली. तिच्या या प्रामाणिक तयारीमुळे व्यक्तिरेखेला वास्तवाचा स्पर्श मिळाला आणि ज्युरींनी तिच्या अभिनयाला विशेष दाद दिली.

चित्रपटाला मिळालेला सन्मान
मोग चित्रपटाला या महोत्सवात एकूण ८ पुरस्कार मिळाले, ज्यात सर्वोत्कृष्ट कोंकणी चित्रपट हा मानाचाही समावेश आहे. पणजीतील कला अकादमी येथे मुख्यमंत्री डॉ. प्रमोद सावंत यांच्या उपस्थितीत या सोहळ्याचा समारोप झाला. गोवा राज्य चित्रपट महोत्सव हा स्थानिक चित्रपटसृष्टीतील सर्वोच्च सन्मान मानला जातो.

नक्षत्राचा अभिनय प्रवास
नक्षत्राचा प्रवास मालिकांपासून मोठ्या पडद्यापर्यंत गेला आहे. माझीया माहेरामधील पल्लवी, लेक माझी लाडकीमधील सानिका, सुर राहू देमधील आरोही, चंद्र आहे साक्षीलामधील सुमन काळे या भूमिका प्रेक्षकांच्या लक्षात राहिल्या. तर फत्तेशिकस्तमधील बहू बेगम, प्रीतममधील सुवर्ण, तसेच सापळा, मुक्ताई आणि अलीकडील ऑल इज वेलमधील भूमिकांनी तिच्या कारकिर्दीला वेगळं स्थान मिळवलं.

नक्षत्राची भावना
पुरस्कार स्वीकारताना नक्षत्रा म्हणाली :
“हा सन्मान माझ्यासाठी फक्त पुरस्कार नाही, तर नव्या प्रवासाची सुरुवात आहे. मोगसाठी घेतलेली मेहनत आणि प्रामाणिक प्रयत्न यांची दखल मिळणं हा मोठा आनंद आहे. हा पुरस्कार मला आणखी जबाबदारी देतो — दर्जेदार, प्रेक्षकांच्या मनात ठसतील अशा भूमिका साकारत राहण्याची. मग ते टीव्ही, वेब सिरीज किंवा चित्रपट असो — मी प्रत्येक माध्यमासाठी तयार आहे.”

पुढील कामाविषयी उत्सुकता
या सन्मानामुळे नक्षत्रा मेढेकरचं पुनरागमन अधिक प्रभावी झालं असून प्रेक्षक तिच्या आगामी प्रकल्पांची आतुरतेने वाट पाहत आहेत.