Home

  • आंतरराष्ट्रीय दर्जाच्या मराठी चित्रपट महोत्सवात ४१ चित्रपटांची मेजवानी- सांस्कृतिक कार्य मंत्री ॲड. आशिष शेलार यांची अधिकृत घोषणा

    मुंबई, १५ एप्रिल २०२५ : महाराष्ट्र शासनाच्या सांस्कृतिक कार्य विभाग, महाराष्ट्र चित्रपट, रंगभूमी आणि सांस्कृतिक विकास महामंडळ तसेच पु. ल. देशपांडे महाराष्ट्र कला अकादमी यांच्या संयुक्त विद्यमाने आंतरराष्ट्रीय दर्जाचा पहिला मराठी चित्रपट महोत्सव २१ ते २४ एप्रिल २०२५ दरम्यान पु. ल. देशपांडे कला अकादमी, प्रभादेवी, मुंबई येथे भव्य स्वरूपात आयोजित करण्यात येत आहे.

    या महोत्सवात ४१ निवडक चित्रपट दाखवण्यात येणार असून यामध्ये सामाजिक, ऐतिहासिक, ग्रामीण, स्त्रीजीवन, पर्यावरण, बालविषयक, विनोदी, व्यावसायिक आणि ॲक्शन चित्रपटांचा समावेश आहे. हे सर्व चित्रपट विनामूल्य पाहता येणार असून प्रेक्षकांना ऑनलाईन आणि ऑफलाइन नोंदणीची सुविधा उपलब्ध आहे.

    उद्घाटन आणि समारोप सोहळा :
    २१ एप्रिल रोजी सायंकाळी ६ वाजता महोत्सवाचे उद्घाटन होणार असून त्यानंतर ‘एप्रिल मे ९९’ हा चित्रपट ओपनिंग फिल्म म्हणून दाखवण्यात येणार आहे.
    २४ एप्रिल रोजी ‘संत ज्ञानेश्वरांची मुक्ताई’ या चित्रपटाने महोत्सवाचा समारोप होईल.

    ठिकाण :
    रविंद्र नाट्य मंदिर, मिनी थिएटर आणि प्रायोगिक रंगमंच, पु. ल. देशपांडे कला अकादमी, प्रभादेवी, मुंबई.

    ठळक चित्रपट (निवडक वेळापत्रकानुसार) :

    • २२ एप्रिल: बाईपण भारी देवा, गोदाकाठ, पाणी, झॉलिवूड, पॉंडीचेरी, चोरीचा मामला
    • २३ एप्रिल: तेरव, बार्डे, पोटरा, जयंती, फनरल, गोदावरी, मी वसंतराव
    • २४ एप्रिल: वाळवी, पावनखिंड, जुन फर्निचर, वाय, मदार, कारखानिसांची वारी

    परिसंवाद, कार्यशाळा आणि मुलाखती :

    • २२ एप्रिल: कौशल इनामदार यांची संगीत कार्यशाळा, हंसल मेहता यांची मुलाखत, चित्रपट तंत्रावर परिसंवाद
    • २३ एप्रिल: चित्रपट पत्रकार कार्यशाळा, आंतरराष्ट्रीय स्तरावरील मराठी चित्रपटांचे स्थान, चित्रपट वितरण प्रणाली
    • २४ एप्रिल: मराठी चित्रपटांचे व्यावसायिक गणित, ओटीटी आणि मराठी चित्रपटांचे भविष्य

    या महोत्सवामध्ये चर्चासत्रांपासून ते दर्जेदार चित्रपटांचं दर्शन घेता येणार आहे. हे एक सांस्कृतिक पर्व असून मराठी चित्रपट रसिकांसाठी एक सुवर्णसंधी आहे.

    नोंदणी लिंक : https://evnts.info/chitrapatakafest2025
    प्रवेश विनामूल्य | नोंदणी अनिवार्य

  • High Stakes, Higher Thrills: Netflix’s ‘Jewel Thief – The Heist Begins’ Trailer Sets Heart Racing

    A Heist Full of Danger, Drama and Deception
    Netflix has dropped the adrenaline-charged trailer for Jewel Thief – The Heist Begins, a high-stakes action thriller that promises to keep viewers on the edge of their seats. Streaming from April 25, the film blends fast-paced storytelling with cinematic flair.

    Saif Ali Khan Leads an Ensemble Cast
    Saif Ali Khan takes center stage as Rehan Roy, a sharp, charismatic thief. Jaideep Ahlawat plays his rival, Rajan Aulakh — a powerful mafia boss with icy resolve. Supporting them are Kunal Kapoor as a dogged detective and Nikita Dutta as Farah, whose heart Rehan steals along with jewels.

    The Chase for the African Red Sun Begins
    As personal loyalties blur and motives twist, the hunt intensifies for the priceless African Red Sun jewel. This action-packed caper weaves together power, passion, and pride in a slick game of cat and mouse.

    Streaming Debut for Marflix Productions
    Produced by Siddharth Anand and Mamta Anand’s Marflix Productions, and directed by Kookie Gulati and Robbie Grewal, Jewel Thief – The Heist Begins marks the production house’s first foray into the streaming world.

    Bold Vision Meets Blockbuster Execution
    The makers say the film combines classic heist elements with modern emotional storytelling. Ruchikaa Kapoor Sheikh of Netflix India calls it “an ode to the classic Bollywood heist” and praises the star-studded cast and cinematic execution.

    All Eyes on April 25
    With its fast-paced narrative, strong performances, and glossy visuals, Jewel Thief – The Heist Begins promises to be one of the most exciting releases of the year.

    Streaming exclusively on Netflix from April 25, 2025.

  • अलका कुबल यांचे रंगभूमीवर ‘वजनदार’ भूमिकेतून पुनरागमन

    लठ्ठपणावर हलक्याफुलक्या शैलीत भाष्य करणाऱ्या ‘वजनदार’ या नव्या नाटकातून अलका कुबल तब्बल २७ वर्षांनी रंगभूमीवर पुनरागमन करणार आहेत. ‘अष्टविनायक’ आणि ‘विप्रा क्रिएशन्स’ निर्मित या नाटकाच्या माध्यमातून अलका कुबल यांनी पुन्हा एकदा थेट प्रेक्षकांशी रंगभूमीवरून संवाद साधण्याचा निर्णय घेतला आहे.

    सशक्त विषय, वजनदार भूमिका

    ‘वजनदार’ नाटक हे फक्त एका लठ्ठ स्त्रीची कथा नाही, तर समाजाच्या सौंदर्यदृष्टीच्या चश्म्यावर एक खुसखुशीत टीका आहे. रोजच्या धावपळीत, वजन कमी करण्याच्या चढाओढीत हरवलेली ओळख आणि त्यातून उभं राहणाऱ्या एका स्त्रीची ही कथा आहे. आणि ही भूमिका साकारताना अलका कुबल प्रेक्षकांना पुन्हा एकदा आपल्या सहज, सशक्त अभिनयाने भिडणार हे निश्चित!

    कमबॅकबद्दल अलका कुबल काय म्हणाल्या?

    “२७ वर्षांपूर्वी सुधीर भट यांच्या ‘साष्टांग नमस्कार’ नंतर रंगभूमीपासून दूर होते. पण मनात नाटक कायम होतं. ‘वजनदार’च्या निमित्ताने ही संधी मिळाली आणि मी ती लगेच स्वीकारली,” असं सांगत त्यांनी आपल्या रंगभूमीविषयीच्या प्रेमाची कबुली दिली.

    नाट्यरसिकांसाठी मनोरंजनाची मेजवानी

    ‘वजनदार’ या नाटकाचा शुभारंभ २४ एप्रिल २०२५ रोजी दुपारी ४ वाजता यशवंत नाट्यमंदिर, माटुंगा येथे होणार आहे. अलका कुबल यांच्यासोबत अभिषेक देशमुख, साक्षी पाटील, अभय जोशी आणि पूनम सरोदे या कलाकारांची चमकदार फळीही प्रेक्षकांच्या भेटीला येणार आहे.

    नाटकाची निर्मिती व तांत्रिक बाजू

    • लेखन: संपदा कुलकर्णी-जोगळेकर
    • दिग्दर्शन: संतोष वेरूळकर
    • निर्मिती: संध्या रोठे, प्रांजली मते, दिलीप जाधव
    • संगीत: मंदार देशपांडे
    • नेपथ्य: सचिन गावकर
    • प्रकाश योजना: अमोघ फडके
    • वेशभूषा: हर्षदा बोरकर
    • रंगभूषा: कमलेश बिचे

    एकत्र आलेल्या दोन गुणी अभिनेत्री

    या नाटकाच्या निमित्ताने अलका कुबल आणि संपदा कुलकर्णी-जोगळेकर ही दोन अनुभवी अभिनेत्री एकत्र आल्या आहेत. त्यांच्या अभिनयाच्या जाणिवा, संवादफेक आणि अनुभवातून ‘वजनदार’ नाटक नक्कीच मराठी रंगभूमीवर एक वजनदार ठसा उमटवेल.

    रंगभूमीवर परतणाऱ्या अलकाजींचं मनापासून स्वागत करायला विसरू नका – येताय ना ‘वजनदार’ पाहायला?

  • लव फिल्म्सच्या ‘देवमाणूस’मध्ये ‘आलेच मी’ म्हणत सई ताम्हणकरचा लावणीवर पहिलावहिला धमाका!

    मराठी सिनेसृष्टीत सौंदर्य, उत्साह आणि पारंपरिक ठसका घेऊन ‘देवमाणूस’ चित्रपटात सई ताम्हणकर पहिल्यांदाच लावणीवर थिरकताना दिसणार आहे. ‘आलेच मी’ या धमाकेदार गाण्याच्या माध्यमातून सईने प्रेक्षकांना एक नवंच, आकर्षक रूप दाखवण्याचा निर्णय घेतला असून हे गाणं तिच्या करिअरमधील एक खास टप्पा ठरणार आहे.

    सईचा झगमगता लावणी लूक आणि दमदार सराव

    सईने या लावणीसाठी तब्बल ३३ तास सराव करत प्रत्येक हालचालीत नजाकत आणि ठसका आणला आहे. रंगीबेरंगी पोशाख, पारंपरिक साजशृंगार आणि सईच्या आत्मविश्वासपूर्ण हावभावांनी हे गाणं मंत्रमुग्ध करतं. तिच्या लावणी डेब्यूबद्दल सई म्हणते, “हा अनुभव माझ्यासाठी नवीन पण अतिशय मजेशीर आणि संस्मरणीय ठरला. आशीष पाटील यांचं मार्गदर्शन खूप मोलाचं होतं.“

    गीत, संगीत आणि नृत्यरचनेचा परिपूर्ण संगम

    ‘आलेच मी’ हे गाणं बेला शेंडे यांच्या आवाजात साकारलं असून रोहन प्रधान यांनी साथ दिली आहे. रोहन-रोहन यांचे संगीत, तेजस देऊस्कर आणि रोहन गोखले यांचे गीतलेखन, आणि आशीष पाटील यांची उत्स्फूर्त नृत्यरचना यांचा परिपूर्ण संगम या गाण्यात अनुभवता येतो.

    चित्रपटाची दमदार टीम

    ‘देवमाणूस’मध्ये महेश मांजरेकर, रेणुका शहाणे, सुबोध भावे आणि सिद्धार्थ बोडके यांच्यासारखे कसलेले कलाकार झळकणार आहेत. दिग्दर्शक तेजस प्रभा विजय देऊस्कर यांचे दिग्दर्शन आणि लव रंजन व अंकुर गर्ग यांची निर्मिती यामुळे या चित्रपटाकडून अपेक्षा अधिकच वाढल्या आहेत.

    २५ एप्रिल २०२५ रोजी ‘देवमाणूस’ सिनेमा चित्रपटगृहात येतोय!

    ‘आलेच मी’ हे गाणं आणि सई ताम्हणकरचा नव्या अविष्कारातला लावणी परफॉर्मन्स पाहण्यासाठी रसिक प्रेक्षक नक्कीच आतुर आहेत. तर विसरू नका — लव फिल्म्स प्रस्तुत ‘देवमाणूस’ हा चित्रपट २५ एप्रिलपासून तुमच्या जवळच्या चित्रपटगृहात.

  • “पोराचा बाजार उठला रं” – ‘झापुक झुपूक’ सिनेमाचं रोमँटिक गाणं रसिकांच्या मनावर करतंय राज्य!

    जिओ स्टुडिओज् आणि केदार शिंदे यांचा धमाकेदार चित्रपट २५ एप्रिलपासून थिएटरमध्ये

    जिओ स्टुडिओज् प्रस्तुत आणि केदार शिंदे दिग्दर्शित ‘झापुक झुपूक’ या बहुप्रतिक्षित चित्रपटातील रोमँटिक गाणं ‘पोराचा बाजार उठला रं’ नुकतंच प्रदर्शित झालं असून, ते प्रेक्षकांच्या मनावर झपाटून राज्य करतंय.

    प्रेमाचा त्रिकोण आणि जुईचं आकर्षक रूप

    या गाण्यात सूरज चव्हाण, जुई भागवत आणि इंद्रनील कामत यांच्यातील एक रंगतदार प्रेमत्रिकोण रंगवण्यात आला आहे. अभिनेत्री जुई भागवतचा शिफॉन साडीतील लूक आणि तिची दोघांशीही अफलातून केमिस्ट्री हे गाण्याचं खास आकर्षण ठरत आहे. संगीत, नृत्य आणि लूक – सगळ्याच बाबतीत हे गाणं ‘हिट’ ठरतंय.

    संगीत आणि शब्दांतली झिंग

    करण सावंत यांच्या आवाजात सादर झालेलं हे गाणं कुणाल-करण यांच्या संगीत आणि शब्दलेखनामुळे विशेष लक्ष वेधून घेत आहे. यातील हुक स्टेप प्रेक्षकांना थिरकायला लावतोय आणि सोशल मीडियावर गाण्याचे रील्स आणि क्लिप्स व्हायरल होत आहेत.

    ‘झापुक झुपूक’ सिनेमाबद्दल उत्सुकता शिगेला

    गाण्याच्या यशामुळे ‘झापुक झुपूक’ सिनेमाबद्दलची उत्सुकता आणखी वाढली आहे. या सिनेमात सूरज, जुई आणि इंद्रनील सोबतच हेमंत फरांदे, पायल जाधव, दीपाली पानसरे, पुष्कराज चिरपुटकर आणि मिलिंद गवळी हे लोकप्रिय कलाकार झळकणार आहेत.

    २५ एप्रिलपासून संपूर्ण महाराष्ट्रात धमाका

    जिओ स्टुडिओज् प्रस्तुत, केदार शिंदे प्रोडक्शन्स निर्मित आणि ज्योती देशपांडे, सौ. बेला केदार शिंदे यांच्या निर्मितीत बनलेला आणि केदार शिंदे दिग्दर्शित “झापुक झुपूक” हा सिनेमा २५ एप्रिल २०२५ रोजी प्रेक्षकांच्या भेटीला येणार आहे.

    ‘नादच नाय करायचा!’ – कारण ‘झापुक झुपूक’चा बाजार उठलाय रं!

  • चित्रपताका मराठी चित्रपट महोत्सवासाठी नावनोंदणी सुरू – ऑनलाइन आणि ऑफलाइन दोन्ही पद्धती उपलब्ध

    मुंबई, १२ एप्रिल २०२५ :
    महाराष्ट्र शासनाच्या सांस्कृतिक कार्य विभागातर्फे आयोजित “चित्रपताका” या आंतरराष्ट्रीय दर्जाच्या पहिल्या मराठी चित्रपट महोत्सवासाठी नोंदणी प्रक्रिया सुरू झाली आहे. प्रेक्षकांसाठी ही सुवर्णसंधी असून, हा महोत्सव विनामूल्य आहे.

    नोंदणीसाठी दोन पर्याय

    चित्रपताका महोत्सवासाठी प्रेक्षकांना https://evnts.info/chitrapatakafest2025 या लिंकवर जाऊन ऑनलाइन नावनोंदणी करता येणार आहे.
    याशिवाय, पु. ल. देशपांडे महाराष्ट्र कला अकादमी, प्रभादेवी येथील चौथ्या मजल्यावरील नॉनो सभागृहात ऑफलाइन नावनोंदणी करण्याचीही सुविधा उपलब्ध आहे.

    चित्रपताका महोत्सवाची वैशिष्ट्ये

    • महोत्सव कालावधी : २१ ते २४ एप्रिल २०२५
    • स्थळ : पु. ल. देशपांडे महाराष्ट्र कला अकादमी, प्रभादेवी, मुंबई
    • प्रदर्शन : ४१ आशयघन मराठी चित्रपट – ड्रामा, विनोदी, सामाजिक अशा विविध प्रकारांमध्ये
    • अतिरिक्त उपक्रम : ५ परिसंवाद, २ मुलाखती आणि २ कार्यशाळा

    संयुक्त आयोजन

    हा महोत्सव महाराष्ट्र चित्रपट, रंगभूमी आणि सांस्कृतिक विकास महामंडळ आणि पु. ल. देशपांडे महाराष्ट्र कला अकादमी यांच्या संयुक्त विद्यमाने आयोजित करण्यात आला आहे. मराठी चित्रपटसृष्टीचा दर्जा, विविधता आणि सामाजिक भान साजरे करणारा हा महोत्सव सिने रसिकांना एक अनुभवसंपन्न व्यासपीठ देणार आहे.

    नोंदणी करा आणि मराठी चित्रपटांचा जल्लोष अनुभवा!

  • महाराष्ट्र चित्रपट, रंगभूमी, सांस्कृतिक विकास महामंडळाच्या सह व्यवस्थापकीय संचालक पदी प्रशांत साजणीकर यांची नियुक्ती

    प्रशांत साजणीकर यांची महाराष्ट्र चित्रपट, रंगभूमी, सांस्कृतिक विकास महामंडळाच्या सह व्यवस्थापकीय संचालकपदी शासनाने नियुक्ती केली असून, त्यांनी सोमवारी पदभार स्वीकारला. यापूर्वी ते सामान्य प्रशासन विभागात सह सचिव म्हणून कार्यरत होते.

    प्रशासन, कायदे आणि धोरणनिर्मितीचा प्रदीर्घ अनुभव

    साजणीकर यांना प्रशासनाचा सखोल अभ्यास असून, ‘महाराष्ट्र लोकायुक्त कायदा २०२४’ आणि ‘महाराष्ट्र स्पर्धा परीक्षा कायदा २०२४’ तयार करण्यात त्यांचे मोलाचे योगदान राहिले आहे. गट क श्रेणीतील पदभरतीच्या स्पर्धा परीक्षांचे धोरण ठरवणे, तसेच लिपिक संवर्गाच्या परीक्षा आयोगाकडे वर्ग करण्याचा निर्णय यामध्येही त्यांची भूमिका निर्णायक ठरली आहे. विभागीय चौकशीसाठी डी-पोर्टल तयार करण्यामध्येही त्यांनी मोलाचा सहभाग दिला आहे.

    प्रशासकीय अनुभवासह सांस्कृतिक जाणिवा असलेल्या साजणीकरांची नियुक्ती महामंडळाच्या नव्या पर्वाची नांदी ठरणार

    प्रशासकीय अनुभवाचे व्यापक क्षेत्र

    त्यांनी जलसंपदा विभागात उपसचिव, सार्वजनिक बांधकाम विभागात अव्वरसचिव, तसेच २००६ ते २०१४ या काळात उपमुख्यमंत्री कार्यालयात विशेष कार्य अधिकारी म्हणून जबाबदारी पार पाडली आहे. उपसचिव व वरिष्ठ पदांच्या पदोन्नती समितीचे सदस्य सचिव म्हणूनही त्यांनी काम पाहिले आहे.

    सांस्कृतिक संवेदनशीलतेचा वारसा

    साजणीकर यांना संत साहित्याचा विशेष अभ्यास असून, त्यांनी प्रवास, चित्रपट, साहित्य यांसारख्या विषयांवर विपुल लेखन केलं आहे. त्यांचे लेख वर्तमानपत्रे आणि समाजमाध्यमांवर लोकप्रिय ठरले आहेत. त्यांना वाचन, पर्यटन, छायाचित्रण यांची आवड असून, बासरी वादनाचा छंद ते जोपासतात.

    दादासाहेब फाळके चित्रनगरीतून उपक्रमशीलतेला चालना

    नव्या भूमिकेत ते चित्रपटप्रेमी प्रेक्षक घडवण्यासाठी विविध कार्यशाळा, उपक्रम आणि अभियान राबविण्याचा मनोदय व्यक्त करतात. मराठी चित्रपटांकडे वळणाऱ्या नव्या कलाकारांसाठी विशेष योजना राबवण्याचं ते उद्दिष्ट ठेवत आहेत. तसेच, महामंडळाच्या व्यावसायिक वाढीसाठी विशेष प्रयत्न करण्याचे संकेत त्यांनी दिले आहेत.

    साजणीकर यांच्या प्रशासकीय कौशल्य आणि सांस्कृतिक जाणिवांचा मिलाफ महामंडळासाठी एक नवीन ऊर्जा आणि दिशा निर्माण करणारा ठरणार आहे.

  • सानिकाच्या नाराजीचं खरं कारण शोधणार सरकार – “लय आवडतेस तू मला” मालिकेत नवं नाट्य

    मुंबई, १५ एप्रिल २०२५ :
    कलर्स मराठीवरील लोकप्रिय मालिका “लय आवडतेस तू मला” सध्या एक भावनिक वळण घेत आहे. धुमाळ कुटुंबात सईच्या मदतीमुळे वातावरण पुन्हा सौहार्दपूर्ण होत असताना, सरकारच्या वैयक्तिक आयुष्यात एक नवी अडचण निर्माण झाली आहे – ती म्हणजे सानिकाची अनपेक्षित नाराजी.

    सईचं योगदान आणि बदललेलं वातावरण
    कमलच्या खऱ्या अपहरणकर्त्याला पकडण्यासाठी सईने दिलेली मदत धुमाळ कुटुंबाच्या मनात तिच्याबद्दलचा राग कमी करत आहे. आता सगळेजण तिच्या कामगिरीने खूश आहेत. सरकारही आप्पांसाठी घेतलेल्या प्लॉटवर घर बांधण्याचं स्वप्न आता साकार करायचं ठरवतो.

    सानिकाच्या मनात काय चाललंय?

    याच वेळी सानिका एका अडचणीत सापडलेल्या जोडप्याचा वाद शांतीने मिटवते, तर आप्पा सरकारकडून वचन घेतात की तो कधीच भांडण किंवा मारामारी करणार नाही. पण सरकारसमोर खरी अडचण सानिकाच्या अबोलतेच्या रूपात उभी राहते. ती रागावलेली आहे, पण रागाचं कारण मात्र सांगत नाही.

    सरकारला न समजणाऱ्या बायकोच्या मनाचा उलगडा हे नेहमीप्रमाणेच एक कोडं ठरतं. सानिका ठामपणे म्हणते – “जोवर तुला तुझी चूक समजत नाही, तोवर मी बोलणार नाही!” – यामुळे सरकार अधिकच गोंधळतो, चिडतो आणि तिची नाराजी संपवण्यासाठी वेगवेगळे प्रयत्न करतो. पण हे प्रयत्न यशस्वी ठरतात का?

    सरप्राइज संध्याकाळ आणि नव्या वळणाची चाहूल
    या सगळ्या गोंधळात शेवटी सरकारला सानिकाच्या नाराजीचं खरं कारण समजतं आणि तो तिच्यासाठी एक खास संध्याकाळ साजरी करण्याचं ठरवतो. त्याचं हे सरप्राइज काय आहे? आणि त्यातून त्यांच्या नात्यात नवा गोडवा निर्माण होईल का?

    आप्पा आणि सरकार – बापलेकाच्या नात्यात नवं वळण

    एकीकडे सानिका-सरकारच्या प्रेमाची परीक्षा, तर दुसरीकडे सरकारच्या आप्पांसाठी घर बांधण्याच्या स्वप्नाची पूर्तता – या दोन्ही गोष्टींना नवे आव्हानं येणार आहेत. बाप-लेकाच्या नात्यातील बदल, सानिकाच्या भूमिका, आणि सरकारचा पुढचा निर्णय यामुळे मालिकेच्या आगामी भागांमध्ये उत्कंठा वाढणार आहे.

    या सगळ्याचा शेवट सुखांत होणार का? की आणखी एक भावनिक ट्विस्ट प्रेक्षकांची वाट पाहतोय? जाणून घ्या “लय आवडतेस तू मला” मालिकेत – सोमवार ते शनिवार, रात्री ९.३० वा. आपल्या कलर्स मराठीवर!

  • चंद्रशेखर सांडवे प्रतिष्ठान प्रस्तुत २७ वा सांस्कृतिक कलादर्पण गौरव रजनी पुरस्कार सोहळा २०२५ साठी नामांकने जाहीर

    ज्येष्ठ अभिनेते सतीश पुळेकर आणि ज्येष्ठ अभिनेत्री सविता प्रभुणे यांना सर्वश्रेष्ठ कला गौरव पुरस्काराने सन्मानित करण्यात येणार

    महाराष्ट्राच्या सांस्कृतिक आणि कलाक्षेत्रात मानाचा समजला जाणारा सोहळा – चंद्रशेखर सांडवे प्रतिष्ठान प्रस्तुत सांस्कृतिक कलादर्पण गौरव रजनी पुरस्कार यंदा आपल्या २७व्या वर्षात पदार्पण करतो आहे. हा दैदीप्यमान पुरस्कार सोहळा ८ मे २०२५ रोजी सायंकाळी ६ वाजता रवींद्र नाट्यमंदिर, प्रभादेवी, मुंबई येथे पार पडणार आहे.

    कला, नाट्य, चित्रपट आणि समाजसेवेचा संगम

    सांस्कृतिक क्षेत्रातील भरीव कामगिरी करणाऱ्या कलाकारांना आणि संस्थांना गौरवण्यासाठी चंद्रशेखर सांडवे यांनी २७ वर्षांपूर्वी सुरू केलेली ही परंपरा आज वटवृक्षासारखी बहरलेली आहे. हजारो कलावंतांना आणि सामाजिक कार्यकर्त्यांना सन्मान देण्याचं हे व्यासपीठ रसिकांमध्ये विशेष स्थान राखून आहे.

    चार विभागातील नामांकने जाहीर

    या वर्षीच्या पुरस्कार सोहळ्यासाठी नाटक, टीव्ही मालिका, चित्रपट आणि पत्रकारिता या चार विभागांतून नामांकने जाहीर करण्यात आली आहेत. यामध्ये अनेक नावाजलेल्या कलाकारांपासून नवोदितांपर्यंत सर्वांची छाननी सन्माननीय परीक्षक समितींनी रसिक प्रेक्षकांच्या सहभागासह केली आहे.

    कलाक्षेत्रातील ज्येष्ठांना सन्मान

    या वर्षीचा सर्वश्रेष्ठ कला गौरव पुरस्कार ज्येष्ठ अभिनेते सतीश पुळेकर आणि ज्येष्ठ अभिनेत्री सविता प्रभुणे यांना देण्यात येणार असून, हा निर्णय समितीने एकमताने घेतला आहे.

    विशेष विभाग – पत्रकारिता आणि सामाजिक भान

    पत्रकारिता विभागात विविध वृत्तवाहिन्यांसोबत उत्कृष्ट पत्रकार, निवेदक आणि रिपोर्टर यांची नामांकने जाहीर करण्यात आली आहेत. छबीला, मोऱ्या आणि मंगला या चित्रपटांना विशेष सामाजिक चित्रपट म्हणून मान्यता देण्यात आली आहे.

    प्रेक्षकांचा सहभाग, पारदर्शक प्रक्रिया

    सर्व विभागातील नामांकने परीक्षक समितीच्या परीक्षणासह रसिक प्रेक्षकांच्या ऑनलाईन मतांवर आधारित जाहीर करण्यात आली आहेत. त्यामुळे या पुरस्कार सोहळ्याची पारदर्शकता आणि लोकसहभाग टिकून आहे.

    सोहळ्यात विविध क्षेत्रांतील मान्यवरांची उपस्थिती

    या पुरस्कार सोहळ्यासाठी राज्यातील कला, नाट्य, चित्रपट, साहित्य आणि प्रशासन क्षेत्रातील अनेक नामवंत मंडळी उपस्थित राहणार आहेत. या सोहळ्यात रंगभूमी, चित्रपट, दूरदर्शन, संगीत आणि पत्रकारिता या क्षेत्रांतील सर्वोत्तम कलावंतांचा सन्मान करण्यात येणार आहे.

    चंद्रशेखर सांडवे यांचे आवाहन

    ८ मे २०२५, रवींद्र नाट्यमंदिर – हा दिवस ठेवा लक्षात, कारण कला, अभिव्यक्ती आणि गौरवाचा एक महत्त्वपूर्ण क्षण तिथं उभा आहे.

    या पुरस्कार सोहळ्याची यावर्षीची भव्यता अधिक मोठी आणि संस्मरणीय असणार आहे. “हा पुरस्कार सोहळा याची देही याची डोळा अनुभवण्याची संधी प्रत्येक रसिकाने घ्यावी,” असे आवाहन प्रतिष्ठानचे संस्थापक अध्यक्ष चंद्रशेखर सांडवे यांनी केले आहे.

  • शेलार मामा फाउंडेशनचा चैत्र नवरात्रौत्सव दिमाखात संपन्न

    सुप्रसिद्ध अभिनेते सुशांत शेलार यांच्या संकल्पनेतून पार पडला भक्तिभाव, संस्कृती आणि सामाजिक योगदानाचा अद्वितीय संगम

    माननीय उपमुख्यमंत्री एकनाथ शिंदे यांच्या प्रेरणेतून आणि खासदार श्रीकांत शिंदे यांच्या मार्गदर्शनाखाली, शेलार मामा फाउंडेशनच्या अध्यक्षपदी असलेले अभिनेता सुशांत अरुण शेलार यांच्या संकल्पनेतून कुलस्वामिनी श्री. भैरी भवानी चैत्र नवरात्रौत्सव ३० मार्च ते ७ एप्रिल २०२५ या कालावधीत लोअर परळ, मुंबई येथे मोठ्या उत्साहात पार पडला.

    नवचंडी यज्ञ व कलाकारांचा सहभाग

    या नऊ दिवसांच्या उत्सवात सकाळी नवचंडी यज्ञ तर संध्याकाळी सांस्कृतिक कार्यक्रमांचे आयोजन करण्यात आले. यज्ञाच्या प्राणप्रतिष्ठापनेपासून पूर्णाहुतीपर्यंत अनेक लोकप्रिय कलाकारांनी सहभागी होऊन देवीची उपासना केली. प्राणप्रतिष्ठा सुशांत शेलार आणि भार्गवी चिरमुले यांनी सपत्नीक केली. उर्वरित आठ दिवसांत मानसी साळवी, अभिजित व सुखदा खांडकेकर, अर्चना नेवरेकर, प्रसाद व मंजिरी ओक, स्वप्नील व लीना जोशी, रुपाली भोसले, अंकिता वालावलकर, दिव्या पुगावकर आणि हर्षदा खानविलकर यांच्या हस्ते यज्ञ पार पडला.

    राजकीय व प्रशासकीय मान्यवरांची उपस्थिती

    या उत्सवाला अनेक मान्यवरांनी मनोभावे हजेरी लावली. माहिती तंत्रज्ञान आणि सांस्कृतिक मंत्री आशिष शेलार, आमदार मंगेश कुडाळकर, प्रकाश सुर्वे, मीना कांबळी, मनीषा कायंदे, शीतल म्हात्रे, कला शिंदे, संजय मोरे, राहुल शेवाळे, अभिजित अडसूळ, सुनील शिंदे, तसेच पोलीस आयुक्त विवेक फणसळकर आणि वरिष्ठ पोलीस निरीक्षक चंदनशिवे हेही या भक्तिमय वातावरणाचा भाग झाले.

    सांस्कृतिक कार्यक्रमांची झलक

    सांस्कृतिक विभागाच्या सहकार्याने दररोज संध्याकाळी नवरात्रीस प्रेरणा देणारे संगीत, नृत्य आणि भक्तिपर कार्यक्रम झाले. मयूर सुकाळे, पद्मनाभ गायकवाड, स्वप्नील गोडबोले, आदिश तेलंग आणि मुग्धा कऱ्हाडे यांच्यासह ‘दि वुमनियाझ’ या बँडने रसिकांची मने जिंकली. देवीचा गोंधळ, कन्यापूजन, कुंकुमार्चन, महिलांसाठी क्रीडा स्पर्धा, होम मिनिस्टर हे कार्यक्रम विशेष उत्साहात पार पडले.

    नृत्य महोत्सव व शक्तिरंग

    देवेंद्र शेलार यांच्या परीक्षणाखाली नृत्य स्पर्धा पार पडली. कलार्पण अकादमीच्या ‘शक्तिरंग’ या विशेष नृत्य सादरीकरणाने उपस्थितांची वाहवा मिळवली. शेवटच्या दिवशी भव्य रास गरबा आयोजित करण्यात आला, ज्यात सहभागी झालेल्या गरबा प्रेमींना पारितोषिके देऊन सन्मानित करण्यात आले.

    आरोग्य शिबिर व सोशल मीडिया स्पर्धा

    शेलार मामा फाउंडेशन आणि डॉ. श्रीकांत शिंदे फाउंडेशन यांच्या संयुक्त विद्यमाने मोफत महाआरोग्य शिबिराचे आयोजन करण्यात आले होते. याशिवाय, फोटोग्राफी, व्हिडिओ आणि रील्स स्पर्धेला उदंड प्रतिसाद लाभला. विजेत्यांना रोख रक्कम व सन्मान चिन्हे देण्यात आली.

    शेवटी एक सुसंस्कृत, भक्तिपूर्ण आणि लोकसहभागाने परिपूर्ण सोहळा

    या नवरात्रौत्सवाच्या यशस्वी आयोजनासाठी विकास खरगे (अपर मुख्य सचिव, सांस्कृतिक विभाग) आणि विभीषण चवरे (संचालक, सांस्कृतिक कार्य संचालनालय) यांच्या सहकार्याबद्दल शेलार मामा फाउंडेशनने मनापासून आभार व्यक्त केले. हवन, सांस्कृतिक उत्सव, मान्यवरांची उपस्थिती आणि भाविकांची श्रद्धा या सर्वांनी मिळून २०२५ चा चैत्र नवरात्रोत्सव एक अविस्मरणीय सोहळा ठरवला.