Home

January 1, 2025

अमृता खानविलकरच्या नृत्याने रंगला ‘संगीत मानापमान’, “वंदन हो” गाण्यातील सादरीकरणाने रसिक मंत्रमुग्ध

मराठी चित्रपटसृष्टीतील हरहुन्नरी अभिनेत्री आणि नृत्यकलेने प्रसिद्ध असलेल्या अमृता खानविलकरने पुन्हा एकदा आपल्या नृत्याने प्रेक्षकांना भुरळ घातली आहे. आगामी ‘संगीत मानापमान’ या चित्रपटातील “वंदन हो” या गाण्यात तिच्या मोहक अदांनी आणि अप्रतिम नृत्याने सर्वांचे लक्ष वेधून घेतले आहे. अमृता खानविलकर ही फक्त एक अभिनेत्री नसून एक कुशल नृत्यांगना सुद्धा आहे. तिच्या लावण्यांपासून ते रिऍलिटी शोमध्ये सादर केलेल्या नृत्यांपर्यंत, प्रत्येक सादरीकरणाने तिने चाहत्यांच्या हृदयात स्थान मिळवलं आहे.

“वंदन हो” गाण्यातील खास वैशिष्ट्ये

“वंदन हो” हे गाणे अमृतासाठी खास असून तिच्या नृत्यात शास्त्रीय आणि सेमी-क्लासिकल नृत्यशैलीचे अप्रतिम मिश्रण पाहायला मिळते. प्रसिद्ध कोरिओग्राफर दीपाली विचारे यांच्या मार्गदर्शनाखाली साकारलेल्या या गाण्यात अमृताने आपल्या अदा आणि नृत्य कौशल्याने गाण्याला वेगळ्याच उंचीवर नेले आहे. मध्य प्रदेशातील ओरछा या ऐतिहासिक स्थळी चित्रित करण्यात आलेल्या या गाण्याचा भव्य सेट, पारंपरिक पोशाख, आणि अप्रतिम छायाचित्रण प्रेक्षकांसाठी एक “व्हिज्युअल ट्रीट” ठरते.

गाण्याबद्दल बोलताना अमृता म्हणते, “‘वंदन हो’ हे गाणे माझ्या करिअरमधील एक महत्वाचा क्षण आहे. दीपाली विचारे यांच्यासोबत काम करणे हा नेहमीच एक अविस्मरणीय अनुभव असतो. त्यांनी ‘चंद्रमुखी’मधील ‘चंद्रा’ गाण्यालाही कोरिओग्राफ केले होते, आणि आता ‘वंदन हो’साठी त्यांच्या मार्गदर्शनाखाली पुन्हा काम करणे ही खूप मोठी गोष्ट होती.”

‘संगीत मानापमान’चा प्रवास

‘संगीत मानापमान’ हा चित्रपट केवळ एका कलात्मक प्रकल्पापेक्षा अधिक आहे. सुबोध भावे यांच्या दिग्दर्शनाखाली आणि शंकर-एहसान-लॉय यांच्या संगीताने सजलेला हा सिनेमा प्रेक्षकांना संगीतमय अनुभव देईल. चित्रपटातील कलाकारांचा ताफा देखील तितकाच मजबूत आहे – सुबोध भावे, सुमित राघवन, वैदेही परशुरामी, नीना कुलकर्णी, निवेदिता सराफ यांच्यासारख्या दिग्गज कलाकारांची उपस्थिती चित्रपटाला अधिक भव्य बनवते.

सुबोध भावे यांच्या चित्रपटांमध्ये काम करण्याचा अनुभव शेअर करताना अमृता सांगते, “सुबोधसोबत काम करणे हा नेहमीच एक आनंददायी अनुभव असतो. त्याने मला ‘कट्यार काळजात घुसली’सारख्या चित्रपटात काम करण्याची संधी दिली होती, ज्याने माझ्या करिअरला वेगळी दिशा दिली. आता ‘संगीत मानापमान’साठी पुन्हा त्याच्या दिग्दर्शनाखाली काम करताना खूप समाधान वाटते.”

भव्यता आणि कलात्मकता

‘वंदन हो’ गाण्यातील अमृताचे पोशाख प्रसिद्ध डिझायनर नचिकेत बर्वे यांनी तयार केले असून, हे पोशाख त्या काळातील पारंपरिकतेला साजेसे आहेत. छायाचित्रकार सुधीर भालानी यांनी गाण्याला एक भव्य आणि मनमोहक दृश्यात्मक अनुभव प्रदान केला आहे. गाण्यातील प्रत्येक फ्रेम आणि अमृताचे हावभाव प्रेक्षकांच्या स्मरणात कायम राहतील.

प्रेक्षकांची उत्सुकता वाढली

‘संगीत मानापमान’ चित्रपटाच्या ट्रेलरमुळे प्रेक्षकांच्या अपेक्षा अधिक वाढल्या आहेत. मराठी सिनेमा आणि संगीतप्रेमींना १० जानेवारी २०२५ पासून हा चित्रपट नजिकच्या चित्रपटगृहांमध्ये अनुभवायला मिळेल.

मराठी इंडस्ट्रीतील अशा भव्य आणि संगीतप्रधान चित्रपटांची वाट पाहणाऱ्या प्रेक्षकांसाठी हा चित्रपट एक मेजवानी ठरेल, याची खात्री आहे!
December 31, 2024

नव्या वर्षात ‘चिकी चिकी बुबूम बुम’ चित्रपटाची धमाल ट्रीट

सगळीकडे नववर्षाच्या उत्साहाचे वातावरण असताना स्वप्नील जोशी, प्रार्थना बेहरे, प्राजक्ता माळी, प्रसाद महादेव खांडेकर, रोहित माने, प्रथमेश शिवलकर, वनिता खरात ही नामवंत कलाकार मंडळी ‘चिकी चिकी बुबूम बुम’ म्हणत आपल्याला हसवायला सज्ज झाले आहेत. या चित्रपटाचे गमतीशीर पोस्टर प्रदर्शित झाले असून यात स्वप्नीलचा हटके लूक दिसतोय तर बाकीचे कलाकार घाबरलेल्या आणि गोंधळलेल्या अवस्थेत दिसतायेत. त्यामुळे ही भानगड काय आहे? हे समजायला मार्ग नाही. चित्रपटसृष्टीतील कसलेल्या कलाकारांची भली मोठी फौज आणि धमाल मनोरंजनाची ट्रीट देणारा ‘चिकी चिकी बुबूम बुम’ चित्रपट येत्या २८ फेब्रुवारीला प्रेक्षकांच्या मनोरंजनासाठी सज्ज होणार आहे.

चित्रपटाची कथा अजून गुलदस्त्यात असली तरी, भन्नाट कलाकार मंडळींच्या एकत्र येण्याने हास्याचे जबरदस्त स्फोट घडतील हे नक्की. नारकर फिल्म्स अँड एंटरटेनमेंट निर्मित, आयडियाज द एंटरटेनमेंट कंपनी प्रस्तुत आणि स्वर्ण पट कथा आणि प्रजाकार प्रोडक्शन्स यांच्या सहयोगाने येणाऱ्या ‘चिकी चिकी बुबूम बुम’ चित्रपटाचे दिग्दर्शन प्रसाद महादेव खांडेकर यांचे आहे.

‘चिकी चिकी बुबूम बुम’ चित्रपटाचे निर्माते सुनील नारकर असून सहनिर्माते सेजल दिपक पेंटर आणि प्रसाद महादेव खांडेकर आहेत. चित्रपटाचे लेखन प्रथमेश शिवलकर, प्रसाद महादेव खांडेकर यांचे आहे. छायांकन गणेश उतेकर यांचे तर संगीत रोहन रोहन यांचे आहे.
December 30, 2024

वीणा आणि वनिता झाल्या शेजारी

‘नातेवाईंकापेक्षा हाकेच्या अंतरावर असलेला शेजारी अधिक जवळचा असतो. सुखाच्या क्षणी ते आपल्यासोबत कायम असतात, दु:खात खंबीरपणे आपली साथ देतात आणि म्हणूनच हे शेजारी आपल्याला आपले सख्खे वाटतात. गुणी अभिनेत्री वीणा जामकर आणि विनोदाचं जबरदस्त टायमिंग असलेली अभिनेत्री वनिता खरात या दोघी अभिनेत्री आता सख्ख्या शेजारी झाल्या आहेत. आगामी ‘इलू इलू’ या चित्रपटात त्या शेजारधर्म निभावताना दिसतील. फाळके फिल्म्स एण्टरटेन्मेंट प्रॉडक्शन आणि अजिंक्य बापू फाळके दिग्दर्शित ‘इलू इलू’ ही मनोरंजक लव्हस्टोरी ३१ जानेवारीला आपल्या भेटीला येत आहे.

पूर्वीच्या चाळ संस्कृतीमध्ये शेजारी हे अगदी आप्त स्वकियांसारखे असायचे. सगळ्या सुख दुःखा मध्ये त्यांचा सहभाग असायचा. त्यातून अनेक गमतीदार किस्से घडायचे, या चित्रपटातही त्या सगळ्या जुन्या आठवणींना उजाळा मिळणार आहे.

या चित्रपटाच्या निमिताने या दोघी पहिल्यांदाच एकत्र दिसणार आहेत. संगीता सुर्वे आणि जाधव बाई या व्यक्तिरेखेत त्या दिसणार आहेत. ‘आम्ही दोघींनी पहिल्यांदाच एकत्र स्क्रीन शेअर केली असून एकत्र काम करताना खूप मजा आल्याचं या दोघी सांगतात. धमाल अनुभव असणारा ‘इलू इलू’ चित्रपट प्रेक्षक नक्कीच एन्जॉय करतील, असा विश्वास दोघी व्यक्त करतात’.

‘इलू इलू’ चित्रपटाची कथा, पटकथा, संवाद नितीन विजय सुपेकर यांचे आहेत. निर्माते बाळासाहेब फाळके आणि हिंदवी फाळके तर सहनिर्माते यश मनोहर सणस आहेत. छायांकन योगेश कोळी तर संकलन नितेश राठोड यांचे आहे. वैभव जोशी, वैभव देशमुख, प्रशांत मडपुवार यांच्या गीतांना अवधूत गुप्ते, ऋषिकेश रानडे, आर्या आंबेकर, रोहित राऊत, जनार्दन खंडाळकर यांचा स्वरसाज लाभला आहे. संगीत रोहित नागभिडे, विजय गवंडे यांचे आहे. कलादिग्दर्शक योगेश इंगळे आहेत.
December 30, 2024

मिशन अयोध्या’चे मंत्रमुग्ध करणाऱ्या संगीताचे भव्य प्रदर्शन!

मुंबई, (संगीत प्रतिनिधी): अत्यंत वेगळा विषय घेऊन मुंबई, महाराष्ट्र ते अयोध्या अशी अत्यंत मनोवेधक व तितकीच रोमहर्षक कथा घेऊन येत्या २४ जानेवारी २०२५ रोजी चित्रपटगृहात अवतारणाऱ्या ‘आर के योगिनी फिल्म्स प्रॉडक्शन प्रा. लि.’ निर्मित ‘मिशन अयोध्या’ या चित्रपटाचा संगीत प्रदर्शन सोहळा अतिशय ग्लॅमरस आणि भव्य कॅनव्हासवर आज थाटामाटात संपन्न झाला. या सोहळ्यासाठी विशेष अतिथी म्हणून अयोध्यातील लोकप्रिय ‘साधो बँड’ला आमंत्रित करण्यात आले होते. त्यांनी सादर केलेल्या रामलल्लाच्या भक्तीगीतांनी सारा परिसर प्रसन्न झाला होता. या मंगल प्रसंगी अयोध्या मंदिरातील रामलल्लाच्या मूर्तीचे, प्रख्यात आर्टिस्ट विनय गावडे यांनी काढलेले अप्रतिम स्केच निर्माते कृष्णा दादाराव शिंदे व योगिता कृष्णा शिंदे यांच्याकडे सुपूर्द केले. दिग्दर्शक समीर रमेश सुर्वे यांनी या चित्रपटाच्या निर्मितीची प्रेरणा व अनुभव कथन केले.

‘रामराया’ आणि ‘श्रीराम अँथम’ची जादू!
या सोहळ्यात भव्य एलईडी वॉल आणि अत्याधुनिक तंत्रज्ञानाच्या साहाय्याने सादर झालेल्या रामलल्लाच्या सूरमयी मोहक रूपाने संपूर्ण उपस्थितांना राममय करून टाकले. या अद्वितीय सादरीकरणाने ऑडिटोरियम मधील रसिक प्रेक्षक भक्तिरसाने भारावून गेला, आणि ‘मिशन अयोध्या’च्या संगीत प्रकाशन सोहळ्याबद्दल सर्वांच्या मनात अपार कुतूहल व उत्कंठा निर्माण झाली. लोकप्रिय गायक जावेद अली यांच्या सुमधुर आवाजातील ‘रामराया रामराया’ या अप्रतिम गीताला संगीतकार एस. डी. सदगुरु यांनी तितक्याच खुबीने सादर केले, ज्यामुळे वन्स मोअरचा गजर झाला. प्रेक्षकांनी गीताच्या ठेक्यावर ताल धरत ऑडिटोरियम अक्षरशः दणाणून सोडले. यानंतर सादर केलेल्या ‘श्रीराम अँथम’ने वातावरणात भारान सोडले. प्रभू श्रीरामांवर आधारित हे अत्यंत प्रेरणादायी अँथम सॉंग प्रेक्षकांच्या हृदयाला भिडले, आणि संपूर्ण सभागृहात मंगलमयतेची अनुभूती निर्माण झाली.

सुरेल योगायोग!
दिवंगत लोकप्रिय गायक मोहम्मद रफी यांचे जन्मशताब्दी वर्षे देशात मोठ्या उत्साहात साजरे होत असताना, ‘मिशन अयोध्या’च्या निमित्ताने एक खास आणि सुरेल योग जुळून आला आहे. रफी साहेबांच्या दिव्य स्वरांनी अजरामर झालेल्या ‘सरगम’ चित्रपटातील ‘रामजी की निकली सवारी’ या प्रभू श्रीरामांच्या भक्तिपूर्ण गीताची आठवण होईल, अश्या स्वरांची जादू निर्माण करणारे ‘रामराया रामराया’ हे भावमधुर गीत ‘मिशन अयोध्या’ चित्रपटात आहे. हा सुमधुर गीतसंगीताचा योगायोग आणखी एका वेगळ्या कारणाने विशेष म्हणता येईल आणि ते म्हणजे या ही गाण्याला मुस्लिम धर्मीय गायकाचा आवाज. लोकप्रिय गायक जावेद अली यांच्या भावपूर्ण आवाजात ‘रामराया रामराया’ ध्वनिमुद्रित झाले आहे, ज्यामुळे हा क्षण सांप्रदायिक ऐक्य आणि कलात्मकतेचा अनोखा संगम म्हणता येईल.

कलाकारांची भव्य एंट्री आणि प्रेक्षकांचा कडकडाट
‘आर के योगिनी फिल्म्स प्रॉडक्शन प्रा. लि.’ निर्मित ‘मिशन अयोध्या’ चित्रपटाच्या संगीत प्रकाशन सोहळ्यात प्रथमच चित्रपटातील दोन प्रमुख व्यक्तिरेखा देशमुख सर, विचारे यांची एंट्रीच भन्नाट कल्पकतेने करण्यात आली होती. खचाखच भरलेल्या ऑडिटोरियममध्ये चित्रपटातील वैशिष्ट्यपूर्ण संवाद म्हणत रुबाबात झालेल्या त्यांच्या एंट्रीची झलक पाहून प्रेक्षकांनी टाळ्यांचा कडकडाट केला. त्यामुळे हा सिनेमा चित्रपटगृहात पाहण्याची उत्सुकता अधिकच ताणली गेली आहे.

संगीत, कथा, आणि तांत्रिक कौशल्याची सांगड
चित्रपटात एकूण दोन गाणी असून, त्यांचे गीतलेखन अभिजित जोशी, पूर्वा ठोसर, आणि समीर रमेश सुर्वे यांनी केले आहे. संगीतकार एस. डी. सदगुरु यांनी संगीतबद्ध केलेल्या ‘रामराया रामराया’ या गाण्याला जावेद अली यांचा स्वरसाज लाभला आहे, तर ‘श्रीराम अँथम’ या गाण्याने समूहनिर्मित भक्तिगीताला गीत : रामराया रामराया कोरस : विवेक नाईक, राहुल चिटणीस, अनिल भिलारे, सोनल नाईक, वीणा जोशी, मयुरी कुडाळकर, कोरस (मुलं) वेदान बांदल, सार्थक खोब्रेकर, श्राव्या गोठिवरेकर, समर बापट, गीत : रामगीत कोरस : विवेक नाईक, राहुल चिटणीस, संतोष बोटे, मंगेश शिर्के, करण कागले, अनिल भिलारे, कोरस गीत: श्रीराम कोरस : स्वरा जाधव, प्रांजल साळुंके, पृथ्वीराज सावंत, स्वप्निल कानाडे, संस्कृती शिरगांवकर, सृष्टी शिरगांवकर, वैष्णवी धामणस्कर, आरोही मघाडे (प्रबोधन कुर्ला शाळेचे विद्यार्थी) या गायकांनी स्वरसाज दिला आहे. सिनेमॅटोग्राफी नजीर खान यांनी समर्थपणे हाताळली असून पार्श्वसंगीत निलेश डहाणूकर यांनी दिले आहे.

संगीतकार एस. डी. सदगुरु यांचे मनोगत
“‘मिशन अयोध्या’सारख्या भव्य आणि भावनिक चित्रपटासाठी संगीत दिग्दर्शक म्हणून माझ्या करिअरची सुरुवात होणे, ही माझ्यासाठी अत्यंत अभिमानास्पद गोष्ट आहे. या चित्रपटाच्या प्रसिद्धी मोहिमेची सुरुवात थेट संगीत लोकार्पण सोहळ्याद्वारे होणे, हा माझ्या आयुष्यातील एक अविस्मरणीय क्षण आहे, या चित्रपटासाठी संगीत देताना माझ्या मनात असलेला भक्तीभाव प्रत्येक सुरांत आणि चालीत प्रतिबिंबित झाला आहे. लोकप्रिय गायक जावेद अली यांच्यासह प्रतिभावान गीतकार अभिजित जोशी, पूर्वा ठोसर, आणि समीर रमेश सुर्वे यांच्या गाण्यांचे शब्द आणि चाली विलक्षण असून चित्रपटाच्या भावनात्मक कथानकाला तंतोतंत साजेशा आहेत.” असे संगीत दिग्दर्शक एस. डी. सदगुरु यांनी आपल्या भावना व्यक्त करताना सांगितले.

‘मिशन अयोध्या’ चित्रपटाद्वारे निर्मिती क्षेत्रात दमदार पदार्पण करणाऱ्या ‘आर के योगिनी फिल्म्स प्रॉडक्शन प्रा. लि.’चे निर्माते कृष्णा दादाराव शिंदे आणि योगिता कृष्णा शिंदे यांनी प्रदर्शनपूर्व प्रसिद्धी मोहिमेचा शुभारंभ करताना आपल्या भावना व्यक्त केल्या. ते म्हणाले, “‘मिशन अयोध्या’मधील सर्व गाणी अद्वितीय आणि हृदयाला भिडणारी झाली आहेत. रसिकांच्या मनावर या गाण्यांनी राज्य करावे, अशी त्यांची निर्मिती झाली आहे. गायक, तंत्रज्ञ आणि कलावंतांनी या कलाकृतीसाठी अतिशय जिद्दीने आणि मनापासून मेहनत घेतली आहे. ही कलाकृती भक्तिमय वातावरणात प्रदर्शित होत आहे, आणि त्यामुळेच असे वाटते की प्रभू श्रीरामांचा कृपाशीर्वाद या चित्रपटावर आहे.”

या चित्रपटाविषयी बोलताना लेखक-दिग्दर्शक समीर रमेश सुर्वे म्हणाले, “मिशन अयोध्या’ हा चित्रपट फक्त एक कथा नाही, तर एक भावनिक आणि आव्हानात्मक प्रवास आहे. चित्रपटातील सर्व गाणी अद्वितीय आणि दर्जेदार असून, विलक्षण कथानक आणि प्रभावी सादरीकरणामुळे हा चित्रपट प्रेक्षकांसाठी एक अविस्मरणीय अनुभव ठरणार आहे. निर्माते कृष्णा दादाराव शिंदे आणि योगिता कृष्णा शिंदे यांच्या पाठबळामुळे, तसेच कलावंत, गायक, आणि तंत्रज्ञांच्या अथकसाथीमुळे हा प्रवास अविस्मरणीय झाला आहे. प्रसिद्धी मोहिमेची सुरुवात ज्या भक्तिमय वातावरणात झाली, त्याने आम्हाला प्रचंड ऊर्जा दिली आहे.”
December 28, 2024

The 21st edition of the prestigious The Third Eye Asian Film

Festival, a hallmark of Maharashtra’s film culture, will be held from January 10th to January 16, 2025, in Mumbai and Thane. A curated selection of 61 films will be screened at MovieMax Theatres in Andheri, Sion, and Thane. The festival will open with the Chinese film ‘The Black Dog’,which won the Best Film award in the “Un Certain Regard” category at the Cannes Film Festival.

While Hollywood and European films have become easily accessible to Indian audiences, Asian films, despite their global acclaim, often remain out of reach. To bridge this gap, the Asian Film Foundation initiated the Third Eye Asian Film Festival, with the first event was held on August 3, 2002. Over the past two decades, this festival has become a prominent feature of Mumbai’s cultural calendar.

In its 21st edition, the festival’s Asian Spectrum section will showcase films from countries like China, Bhutan, Nepal, Bangladesh, Malaysia, Kazakhstan, Tunisia, Japan, Iran, South Korea, and Sri Lanka. Additionally, six South Korean films will be featured in the Country Focus segment.

The festival will also highlight Indian cinema, with a dedicated competition section for Marathi films. Eleven films in languages such as Malayalam, Kannada, Telugu, Bengali, and Assamese will be included in the Indian segment. Notable entries include Jhanjhaarpur (directed by Naveen Chandra), Pai Tang (directed by Prabal Khuand), and Juiphool(directed by Jadumoni Dutta).

The Marathi competition section will feature eight films:
Asha (Dir. Deepak Patil)
Cineman (Dir. Umesh Bagade)
Karmayogi Abasaheb (dir. Altaf Shaikh)
Gypsy (Dir. Shashi Khandare)
Bhera (Dir. Shrikant Bhide)
Magic (Dir. Ravi Karmarkar)
Mandal Abhari Aahe (Dir. Vidyasagar Adhyapak)
Chhabila (Dir. Anil Bhalerao)

*Awards and Tributes*

Renowned lyricist and screenwriter Javed Akhtar will receive the ‘Asian Cinema Culture Award’, while journalist Rafique Baghdadi will be honored with the Satyajit Ray Memorial Award. In memory of the late Sudhir Nandgaonkar, a special award for film writing will be presented to film scholar Anil Zankar.
The festival will pay tribute to the late filmmaker Shyam Benegal by screening his films. Additionally, to commemorate Raj Kapoor’s birth centenary, his iconic films will also be showcased.

*Other Highlights*
The event will include open forums with jury members, masterclasses with directors and technicians, and film screenings.

*Registration*
Delegate Registration has begun on the official website http://www.thirdeyeasianfilmfestival.com. The Registration fee is 1,000 /- and for film Society members & student discounted fee is Rs 750/-
December 28, 2024

अपनी टीममेट की शादी के लिए नोरा फतेही ने रत्नागिरी तक ट्रेन से यात्रा कर के जीत सभी का दिल

ग्लोबल सेंसेशन नोरा फतेही ने एक बार फिर अपने दिल छूने वाले व्यावहार से सभी का दिल जीत लिया, जब उन्होंने अपने टीममेट की शादी में भाग लेने के लिए उनके घर पहुंची। नोरा ने अपने सोशल मीडिया पर एक व्लॉग साझा किया, जिसमें उन्होंने दादर स्टेशन से रत्नागिरी तक की अपनी ट्रेन यात्रा का विवरण दिया, ताकि वह अपनी टीम के सदस्य की शादी में शामिल हो सकें और इस खास दिन का हिस्सा बन सकें। यह टीममेट नोरा के साथ उनके करियर के शुरुआती दिनों से काम कर रहा है, और उनकी शानदार यात्रा के हर पड़ाव को कैमरे के पीछे से कैप्चर कर रहा है। नोरा का इस महत्वपूर्ण पल को उनके साथ मनाने का निर्णय उनके गहरे संबंध और टीम के प्रति समर्थन को दर्शाता है।

ते हुए देखा गया। उनकी उपस्थिति और उत्साही आत्मा ने शादी में चार चाँद लगा दिए, जैसे वह सचमुच परिवार का हिस्सा बन गईं। इस अवसर पर अपने गांव की यात्रा करने के नोरा के सरल व्यवहार से अभिभूत होकर दूल्हे की आंखों में आंसू आ गए। प्रशंसक नोरा के व्यावहारिक स्वभाव और अपनी टीम को परिवार जैसा महसूस कराने की क्षमता के लिए उनकी सराहना कर रहे हैं और इसे विनम्रता और कृतज्ञता का एक सुंदर उदाहरण बता रहे हैं।

इसके अलावा, नोरा अपनी रचनात्मक परियोजनाओं में व्यस्त हैं, उन्होंने हाल ही में यो यो हनी सिंह के साथ अपने संगीत वीडियो ‘पायल’ की भारी सफलता के बाद, करण औजला के साथ हिट संगीत वीडियो ‘आए हाए’ में सहयोग किया है। दोनों गाने सोशल मीडिया पर ट्रेंड कर रहे हैं और 2024 के सबसे वायरल ट्रैक में से एक हैं। उन्होंने हाल ही में ‘इट्स ट्रू’ पर अंतर्राष्ट्रीय कलाकार सीके के साथ भी सहयोग किया है और जेसन डेरुलो के साथ एक और रोमांचक म्यूजिक वीडियो सहयोग की उम्मीद जताई है। अपने व्यस्त कार्यक्रम के बावजूद, नोरा का विचारशील भाव उसकी सफलता के पीछे लोगों के प्रति उसकी वास्तविक देखभाल को उजागर करता है।
December 28, 2024

राजेश खन्ना यांची अजरामर कलाकृती ‘आनंद’ मराठीमध्ये…

१९७१मध्ये प्रदर्शित झालेल्या हृषिकेश मुखर्जी दिग्दर्शित ‘आनंद’ या हिंदी चित्रपटाने रसिकांच्या मनावर अधिराज्य गाजवले. या चित्रपटात राजेश खन्ना यांनी साकारलेला आनंद मृत्यूनंतरही रसिकांच्या मनात अजरामर झाला. यातील अमिताभ बच्चन यांची भूमिकाही खूप गाजली. त्यामुळेच आजही हा चित्रपट टेलिव्हीजनर लागल्यास प्रेक्षक तो आवडीने पाहतात. रसिकांचा लाडका ‘आनंद’ आता मराठमोळे रूप लेऊन समोर येणार आहे. विघ्नहर्ता फिल्म्सने मराठी भाषेत ‘आनंद’ चित्रपट बनवण्याचे शिवधनुष्य उचलले आहे. २९ डिसेंबर या राजेश खन्ना यांच्या जन्मदिवसाचे औचित्य साधत मराठी ‘आनंद’ चित्रपटाची घोषणा करण्यात आली आहे.

कुसुमाग्रजांनी लिहिलेल्या नाटकावर आधारित चित्रपट

विघ्नहर्ता फिल्म्सच्या बॅनरखाली निर्माते दिलीप शेट्टी या चित्रपटाची निर्मिती करणार आहेत. आजवर नेहमीच संगीतप्रधान आशयघन चित्रपटांचे दिग्दर्शन करणारे हेमंतकुमार महाले या चित्रपटाचे दिग्दर्शन करणार आहेत. वाद्यवृंद जगतात ‘शोमॅन ऑर्गनायझर’ म्हणून जगविख्यात असलेले हेमंतकुमार महाले यांच्या ‘काळी माती’ या चित्रपटाला एका वर्षात ४४४ उत्कृष्ट राष्ट्रीय आणि आंतरराष्ट्रीय पुरस्कार मिळाले असून त्यातील १०६ पुरस्कार हे केवळ दिग्दर्शनासाठी आहेत आणि हा एक वर्ल्ड रेकॉर्ड आहे. याची दखल ‘इंडिया बुक ऑफ रेकॉर्ड’, ‘एशिया बुक ऑफ रेकॉर्ड’ आणि ‘वर्ल्ड रेकॉर्ड युनिव्हर्सिटी’ने घेतली आहे. ‘आनंद’ प्रदर्शित झाल्यावर हृषिकेश मुखर्जी जेव्हा नाशिकला गेले होते, तेव्हा त्यांनी कुसुमाग्रजांना आपल्यासोबत ‘आनंद’ बघण्याची विनंती केली होती. इतकेच नव्हे तर सिनेमा पाहिल्यावर ‘आनंद’चे नाट्यरूपांतर करण्याचा आग्रहही मुखर्जींनी कुसुमाग्रजांना केला होता. त्यानंतर आपला अस्तकाल एका बेहोश धुंदीत व्यतीत करणाऱ्या नायकाच्या कथेवर स्वत:च्या काव्यात्म प्रतिभेचे संस्कार करत कुसुमाग्रजांनी ‘आनंद’ नावाचे एक भव्य नाट्य लिहिले. या नाटकावर मराठी ‘आनंद’ आधारलेला आहे.

‘आनंद’मध्ये मराठी रसिकांच्या आवडीनिवडी आणि बदललेल्या काळानुरूप काही बदल करण्यात येणार असले तरी मूळ गाभा तसाच ठेवण्यात येणार आहे. हिंदी चित्रपट जिथे संपला, त्याच्या पुढेही मराठी ‘आनंद’ जाणार असल्याचे संकेत दिग्दर्शक हेमंतकुमार महाले यांनी दिले आहेत. ते म्हणाले की, कुसुमाग्रजांचे संवाद आणि कवितांचा योग्य वापर चित्रपटात करण्यात येणार आहे. आधुनिक तंत्रज्ञानाचा वापर करून ‘आनंद’चा लुक बदलला जाईल. सुमधूर संगीताची नेत्रसुखद नृत्यासोबत सांगड घातली जाईल. कथानकातील गाण्यांच्या जागा बदलून मराठी चित्रपटाचे नावीन्य जपण्यात येईल. काही नवीन व्यक्तिरेखा आणि दृश्यांचा समावेशही केला जाईल. ‘आनंद’च्या नायिकेचे सादरीकरण सरप्राईज पॅकेज ठरेल. चित्रपटाच्या शेवटी एक उत्कंठावर्धक दृश्य वाढवण्यात येणार आहे. याखेरीज नयनरम्य लोकेशन्सवर ‘आनंद’चे चित्रीकरण करण्यात येणार असल्याचेही महाले म्हणाले.

राजेश खन्नांनी साकारलेल्या ‘आनंद’च्या भूमिकेत कोणता अभिनेता असेल आणि त्यांना साथ देणाऱ्या अमिताभ यांनी सादर केलेला डॅा. भास्कर बॅनर्जी म्हणजेच बाबूमोशाय कोण बनणार? या आणि अशा बऱ्याच प्रश्नांची उत्तरे कलाकारांची निवड झाल्यावर समोर येतील. ‘आनंद’मध्ये दिवंगत अभिनेते रमेश देव यांनी डॅा. प्रकाश कुलकर्णी यांची भूमिका केली होती. या चित्रपटात ती व्यक्तिरेखा कोणत्या कलाकाराच्या वाट्याला येते ते पाहाणेही महत्त्वाचे ठरणार आहे. त्यामुळे कलाकारांची निवड करणे हे मोठे कठीण काम चित्रपटाच्या टिमसमोर आहे. डिओपी सुरेश सुवर्णा या चित्रपटाची सिनेमॅटोग्राफी करणार आहेत. कला दिग्दर्शन निलेश चौधरी करणार असून, अविनाश-विश्वजीत ही मराठी सिनेसृष्टीतील आघाडीची संगीतकार जोडी या चित्रपटाचे संगीत दिग्दर्शन करणार आहे.
December 27, 2024

शाळेतल्या निरागस आठवणींना उजाळा देणारं ‘तू शिसपेन्सिल माझी..मी तुझा शार्पनर’ गाणं प्रदर्शित, सोशल मीडियावर गाणं तुफान व्हायरल!

शाळेतला वर्ग, मित्रमैत्रीणी, बाक, गृहपाठ, मधली सुट्टी या आठवणी माणूस कधीच विसरू शकत नाही. अशीच शाळेतील एक सुंदर आठवण सांगणार ॲक्रोश्री प्रस्तुत ‘तू शिसपेन्सिल माझी..मी तुझा शार्पनर’ हे गाणं नुकतच प्रदर्शित झालं आहे. या गाण्याचा संगीत अनावरण सोहळा बॉलिवूड सिने निर्माते महेश कोरडे यांच्या हस्ते व अनेक बालकलाकारांच्या उपस्थितीत आनंदात पार पडला. जॉली एलएलबी २, चुंबक, सोनू के टिटू की स्वीटी अश्या अनेक बॉलिवूड सिनेमांची निर्मिती महेश कोरडे यांनी केली आहे.

प्रसिद्ध कोरिओग्राफर सुशील ओहळ याचे ‘तू शिसपेन्सिल माझी..मी तुझा शार्पनर’ या गाण्याद्वारे संगीत विश्वात पदार्पण

या गाण्याची निर्मिती व कोरिओग्राफी सुशील ओहळ यांनी केली असून या गाण्याचे बोल त्यांनीच लिहीले आहेत. राहुल देसले याने हे गाण गायल असून रुपेश गोंधळी यांचं संगीत आहे. गाण्याचे दिग्दर्शन सुशिल ओहळ आणि चेतन पवार यांनी केले आहे. या गाण्यात आर्य कशिवले, राहुल लोणे, आरोही शेठे, सर्वेश पवार हे प्रमुख कलाकार आहेत. आणि सह बालकलाकार भविका भोईर, रुई लोणे, अनवेशा गंधे, हेमांगी गंधे, प्रची पवार, नक्षत्र पारधी इत्यादी हे आहेत.

प्रसिद्ध कोरिओग्राफर आणि निर्माता सुशिल ओहळ गाण्याच्या प्रोसेसविषयी सांगतो, “ऍक्रोबॅटीक नृत्याद्वारे त्यात भारताचा इतिहास दर्शवणे या नृत्यप्रकारावरून ॲक्रोश्री या नावाची उत्पत्ती झाली. आणि हा नृत्य प्रकार माझ्या नावावर रजिस्टर करण्यात आला. माझ्या डान्स ॲकॅडमीचं नाव श्री डान्स ॲकॅडमी आहे. प्रत्येक पेन्सिलला शार्पनरची गरज असते. कारण पेन्सिलला शार्पनर केल्यावरचं आपण सुंदर अक्षर लिहू शकतो. प्रत्येकाच्या आयुष्यात एका जोडीदाराची गरज असते. तरच आयुष्याचं गणित आपण सोडवू शकतो. अश्याप्रकारे या गाण्याची संकल्पना मला सुचली.

पुढे तो गाण्याच्या चित्रीकरणा दरम्यानचा किस्सा सांगतो, “महाराष्ट्रातील खडवली या गावात या गाण्याचं चित्रीकरण झालं आहे. या गाण्यातील नयनरम्य ठिकाणांनी गण्याचं विशेष लक्ष वेधून घेतलं आहे. गाण्यातील सर्व कलाकार नवीन असल्याकारणाने आम्हाला सुरुवातीला विशेष मेहनत करावी लागली. परंतु नंतर काही सीन्स वन टेक मध्येच त्यांनी पूर्ण केले. माझा सगळ्यात आवडता सीन म्हणजे आजी आणि लहान मुलांसोबतचा गाण्यातील पाहिलाच सीन. त्या सीनला आम्ही खूप टेक्स घेतले. जवळपास अर्धा दिवस त्या सीन ला लागला पण खूप मज्जा आली तो सीन शूट करताना. सोशल मीडियावर प्रेक्षकांना तो सीन जास्त आवडल्याचं ते कमेंट्सद्वारे सांगत आहेत. हे पाहून माझा आनंद गगनात मावत नाहीय. तुम्ही सुद्धा हे गाण तुमच्या शाळेच्या मित्रमैत्रिणींसोबत शेयर करा. आणि माझ्या पुढील सर्व गाण्यांवर असच प्रेम करा.”
December 27, 2024

“जुळली गाठ गं’ मालिकेच्या माध्यमातून खेड्यागावातील स्त्रियांचं जीवन बदलेल”- संकेत निकम

‘सन मराठी’ वाहिनीवरील मालिका प्रेक्षकांच्या पसंतीस उतरत आहेत. अश्यातच ‘सन मराठी’वर ‘जुळली गाठ गं’ ही नवी मालिका येत्या १३ जानेवारीपासून सोमवार ते रविवार दररोज रात्री ८:३० वाजता प्रेक्षकांच्या भेटीस येणार आहे. सोशल मीडियावर ‘जुळली गाठ गं’ मालिकेच्या प्रोमोवर प्रेक्षकांनी कौतुकाचा वर्षाव केला आहे. या नव्या प्रोमोमध्ये अभिनेत्री पायल मेमाणेसह अभिनेता संकेत निकम धैर्य ही मुख्य भूमिकेत झळकणार आहे.प्रोमोमध्ये धैर्य बिझनेस मॅन, आपल्या कामाला अधिक महत्त्व देणारा, सहजासहजी स्त्रियांची मदत न घेणारा दिसत आहे.पण त्याच्या आयुष्यात तो सावीला सामावून घेईल का? स्त्रियांविषयी असलेल त्याच मत सावी बदलू शकेल? हे पाहणं रंजक ठरणार आहे. मालिकेचं कथानक वेगळं असल्यामुळे प्रेक्षकांना मालिका पाहण्याची उत्सुकता लागून राहिली आहे.

मालिकेत धैर्य ही भूमिका साकारणारा अभिनेता संकेत निकम म्हणाला की, “‘सन मराठी’ वाहिनीवर काम करतोय या गोष्टीचा प्रचंड आनंद होत आहे. नातेवाईक, मित्रमंडळी सगळ्यांनी नव्या प्रोमोचं कौतुक केलं. ‘जुळली गाठ गं’ या मालिकेचा विषय खूप छान आहे. यामधे माझी भूमिका फार वेगळी आहे. प्रचंड आक्रमकता, रुबाबदारपणा, लहानपणापासूनच काही विचार मनात बिंबवले गेले आहेत की, स्त्री कायम चूल व मूल सांभाळू शकते. त्यामुळे त्या भूमिकेचा स्वभाव तसा आहे. संकेत म्हणून मला स्त्रियांबद्दल नेहमीच अभिमान वाटतो. स्त्री शेतात नांगर चालवण्यापासून ते विमान उडवण्यापर्यंत पोहचली आहे. स्त्री कोणत्याच क्षेत्रात मागे नाही आहे पण आजही काही भागात स्त्रिया चूल व मूल सांभाळताना दिसतात. खेड्यागावात स्त्री स्वतःच्या पायावर खंबीर उभी राहू शकत नाही अशी विचारसरणी आहे. मालिकेच्या माध्यमातून आम्हाला आधुनिक विचार प्रेक्षकांपर्यंत पोहचवता येत आहेत.त्यामुळे मालिकेच्या माध्यमातून खेड्यागावातील स्त्रियांचं जीवन बदलेल एवढं नक्की. या मालिकेसाठी माझी निवड कोल्हापूरच्या अंबाबाईने केली अस म्हणायला हरकत नाही. कारण जवळपास महिनाभर ऑडिशन सुरू होते पण तरीही मध्यंतरी भूमिका मिळेल याची खात्री नव्हती. काही दिवसांनी मला माझं सिलेक्शन झालं असल्याचा कॉल आला. आता आनंद गगनात मावेनसा झाला आहे.”
December 24, 2024

मित्रांची धमाल घेऊन येतोय ‘संगी’

अर्मोक्स फिल्म्स आणि यंत्रणा फिल्म्स निर्मित , सुप्रीम मोशन पिक्चर्स आणि सत्यम ज्वेलर्स प्रस्तुत ‘संगी’ हा हिंदी चित्रपट लवकरच प्रेक्षकांच्या भेटीला येत आहे. या चित्रपटाचे दिग्दर्शन सुमित कुलकर्णी यांनी केले असून लेखन थोपटे विजयसिंह सर्जेराव यांचे आहे. रोहन भोसले, अरुण प्रभुदेसाई, पिंटू सॉ, मोनिका प्रभुदेसाई, प्रतीक ठाकूर, सुमित कुलकर्णी हे ‘संगी’चे निर्माते आहेत. तर लालासाहेब शिंदे, राजेंद्र शिंदे आणि राहुल किरणराज चोप्रा सहनिर्माते आहेत. नुकतेच या चित्रपटाचे पोस्टर सोशल मीडियावर झळकले असून यात शरीब हाश्मी, संजय बिष्णोई, श्यामराज पाटील, विद्या माळवदे आणि गौरव मोरे यांच्या प्रमुख भूमिका आहेत.

येत्या १७ जानेवारीला होणार प्रदर्शित

संगी म्हणजेच मैत्री… त्यामुळे याचे कथानक मैत्रीभोवती फिरणारे आहे. मात्र पोस्टरमध्ये तीन मित्र दिसत असतानाच काही नोटाही दिसत आहेत. त्यामुळे आता पैसे आणि मैत्री यांचा एकमेकांशी काय संबंध असणार हे जाणून घेण्यासाठी १७ जानेवारीपर्यंत प्रतीक्षा करावी लागणार आहे. एकंदरच हलकीफुलकी, हास्य आणि मनोरंजनाने भरलेली कथा असलेला हा चित्रपट प्रेक्षकांना नक्कीच खिळवून ठेवणारा असेल, हे नक्की !

चित्रपटाचे दिग्दर्शक सुमित कुलकर्णी म्हणाले, ” ‘संगी’ हा फक्त एक चित्रपट नाही तर प्रत्येकाच्या आयुष्यातील हास्यरसाचा अनुभव आहे. हा एक कौटुंबिक चित्रपट असला तरी घरातील प्रत्येकाने हा चित्रपट आपल्या मित्रपरिवारासोबत आवर्जून पाहावा. हा चित्रपट अनेकांना नॉस्टॅल्जिक बनवेल. ‘संगी’ विनोदी चित्रपट असला तरी यात भावनाही दडलेल्या आहेत.”