मीरा जगन्नाथच्या अभिनय प्रवासात एक नवा अध्याय ‘इलू इलू’च्या निमित्ताने खुलला आहे. मराठी सिनेसृष्टीत आपल्या अदा आणि अभिनयासाठी प्रसिद्ध असलेली मीरा आता प्रेक्षकांसमोर एकदम वेगळ्या अंदाजात सादर होणार आहे. ‘बिग बॉस मराठी’मध्ये आपल्या स्वभावाची झलक दाखवून चर्चेत आलेली मीरा या चित्रपटात हेमा देसाई नावाची बोल्ड आणि स्वतंत्र विचारांची व्यक्तिरेखा साकारत आहे.

हटके अंदाजातील पोस्टर

‘इलू इलू’ चित्रपटाचे पहिले पोस्टर पाहताच प्रेक्षकांच्या अपेक्षा उंचावल्या आहेत. या पोस्टरमधील मीराचा ग्लॅमरस लूक आणि आत्मविश्वासपूर्ण मुद्रा तिच्या भूमिकेची झलक देतात. 1990 च्या दशकातील लोकप्रिय ‘इलू इलू’ गाण्याला श्रद्धांजली देणाऱ्या या चित्रपटाचे नावही एकदम आकर्षक ठरले आहे.

मीराचा अनुभव

मीरा सांगते की, “‘इलू इलू’मध्ये मला हेमा देसाई या पात्राच्या निमित्ताने काहीतरी वेगळं करण्याची संधी मिळाली. हा चित्रपट मला कलाकार म्हणून नवी ओळख देईल याची खात्री आहे. हेमा हे पात्र माझ्यासाठी खूप खास आहे, कारण ती तिच्या धाडसी आणि आत्मविश्वासपूर्ण दृष्टिकोनामुळे प्रेक्षकांना नक्कीच आपलीशी वाटेल.”

‘इलू इलू’ चित्रपटाची टीम

चित्रपटाला अनुभवी आणि तरुण अशा टीमने सजवलं आहे.

कथा, पटकथा, संवाद: नितीन विजय सुपेकर
दिग्दर्शक: अजिंक्य बापू फाळके
निर्माते: बाळासाहेब फाळके, हिंदवी फाळके
सहनिर्माते: यश मनोहर सणस

९०s मधील संगीत आणि गाण्यांचा सुवर्णकाळ पुन्हा अनुभवता येणार

संगीत हा ‘इलू इलू’चा आत्मा मानला जात आहे. वैभव जोशी, वैभव देशमुख, आणि प्रशांत मडपुवार यांच्या गीतांना प्रतिष्ठित गायकांचा स्वरसाज लाभला आहे. अवधूत गुप्ते, ऋषिकेश रानडे, आर्या आंबेकर, आणि रोहित राऊत यांची गाणी प्रेक्षकांच्या हृदयात स्थान मिळवतील याची खात्री आहे.

प्रदर्शनाची तारीख

३१ जानेवारीला प्रदर्शित होणारा ‘इलू इलू’ प्रेक्षकांसाठी एक व्हिज्युअल ट्रीट ठरणार आहे. 1990 च्या दशकाच्या आठवणींना साजेसं संगीत आणि तितकीच प्रभावी कथा यामुळे हा चित्रपट मराठी सिनेसृष्टीत एक नवीन अध्याय लिहील अशी अपेक्षा आहे.

प्रेक्षक आता मीराच्या नव्या अंदाजाचा अनुभव घेण्यासाठी उत्सुक आहेत. ‘इलू इलू’ मीरासाठी एक मोठी झेप ठरेल हे निश्चित!