देवाचं घर म्हणजे काय? ते नक्की कुठे असतं? या एका निरागस मुलीला पडलेल्या प्रश्नाचं उत्तर “मुक्काम पोस्ट देवाचं घर” या चित्रपटातून मिळणार आहे. नुकताच या चित्रपटाचा टीजर लाँच करण्यात आला असून, ३१ जानेवारी रोजी हा चित्रपट प्रेक्षकांच्या भेटीस येणार आहे.

मनाला भिडणारी कथा

चित्रपटाचा टीजर एका अनोख्या कल्पनेवर आधारित आहे. “आपण पाठवलेलं पत्र अमेरिकेला पोहोचतं, तर देवालाही पत्र पोहोचेल ना?” या लहान मुलीच्या विचारांनी सुरुवात होणारा टीजर प्रेक्षकांच्या मनाला भिडणारी गोष्ट सांगण्याचं वचन देतो. हा चित्रपट फक्त प्रश्नाला उत्तर देत नाही, तर त्या प्रवासादरम्यान तिच्या आयुष्यात घडणाऱ्या छोट्या-छोट्या घटनांमधून एक हृदयस्पर्शी कथा उलगडतो.

सहकुटुंब मनोरंजन

चित्रपटाची कथा हलक्याफुलक्या आणि भावनिक स्वरूपाची असून, प्रेक्षकांना सहकुटुंब पाहण्यास योग्य आहे. त्यामुळे प्रेक्षकांसाठी हा चित्रपट एक अप्रतिम अनुभव ठरणार आहे.

कलाकार आणि तांत्रिक टीम

“मुक्काम पोस्ट देवाचं घर” चित्रपटाची प्रस्तुती मनीष कुमार जायसवाल आणि मंगेश देसाई यांनी केली आहे. चित्रपटाचे निर्माते महेश कुमार जायसवाल आणि कीर्ती जायसवाल आहेत, तर सहनिर्मितीची जबाबदारी वैशाली संजू राठोड, सचिन नारकर, आणि विकास पवार यांनी सांभाळली आहे.

चित्रपटाचं लेखन आणि दिग्दर्शन संकेत माने यांनी केलं असून, पटकथा संकेत माने आणि सुमित गिरी यांनी लिहिली आहे. मंगेश कांगणे यांच्या गीतांना चिनार-महेश यांनी संगीतबद्ध केलं आहे.

तगडी स्टारकास्ट

या चित्रपटात मायरा हिच्या अवखळ अंदाजाला सविता मालपेकर आणि उषा नाडकर्णी यांच्या अभिनयाची खमंग फोडणी मिळाली आहे. त्याला प्रथमेश परब, मंगेश देसाई, कल्याणी मुळे, आणि रेशम श्रीवर्धन यांची भक्कम साथ लाभली आहे.

३१ जानेवारीपासून चित्रपटगृहात

“मुक्काम पोस्ट देवाचं घर” हा चित्रपट ३१ जानेवारीपासून सर्वत्र प्रदर्शित होणार असून, तो प्रेक्षकांसाठी एक अनोखी आणि भावनिक मेजवानी ठरणार आहे.

टीजर लिंक:
https://bit.ly/MukkamPostDevacheGharTeaser

चित्रपट, नाटक, आणि मनोरंजन क्षेत्रातील अपडेट्ससाठी आमच्या batamiwala.com ला नक्की भेट द्या.