शाकंभरी उत्सवाच्या मंगल पर्वात प्रेक्षकांना अनुभवता येणार रेणुका मातेच्या शाकंभरी अवताराची कथा
साडेतीन शक्तिपीठांच्या निर्मितीच्या महागाथेतलं पहिलं पर्व म्हणजे मातृपीठ माहूर आणि त्याची अधिष्ठात्री रेणुका माता. या मालिकेत रेणुका मातेच्या बालपणाचा अध्याय आपण पाहिला. आता मालिकेत पुढचा अध्याय उलगडला जाणार आहे. तारुण्यात पदार्पण केल्यानंतर रेणुका मातेने शाकंभरी रुपात भक्तांचं रक्षण केलं आणि ही कथा प्रेक्षकांना “उदे गं अंबे” या मालिकेतून अनुभवता येणार आहे.
शाकंभरी अवताराचं महत्त्व
पौष महिन्यात येणाऱ्या पौर्णिमेला शाकंभरी पौर्णिमा म्हटलं जातं. संपूर्ण जगाची अधिष्ठात्री असणाऱ्या आदिशक्तीचं एक रूप म्हणजे शाकंभरी देवी. देवीभागवत ग्रंथात नमूद केल्यानुसार, एका मोठ्या दुष्काळाच्या काळात लोक अन्नाशिवाय तडफडत होते. या परिस्थितीवर देवीला करुणा आली आणि तिने आपल्या अंगातून अनेक शाक भाज्या उत्पन्न करून लोकांना खाऊ घातल्या. शाकंभरी देवीच्या या दिव्य कृपेचा दिवस शाकंभरी पौर्णिमा म्हणून साजरा केला जातो.
मालिकेतील खास आकर्षण
मालिकेत रेणुका मातेच्या शाकंभरी अवताराचा हा प्रवास भक्तांच्या श्रद्धेला एक नवी दिशा देणार आहे. या गोष्टीमुळे प्रेक्षकांना भक्ती आणि प्रेरणांचा अनोखा संगम अनुभवता येईल.
प्रेक्षकांसाठी ही कथा एक पर्वणी ठरेल यात शंका नाही. म्हणूनच, “उदे गं अंबे” हा अध्याय पाहण्यासाठी विसरू नका, दररोज सायंकाळी ६:३० वाजता फक्त स्टार प्रवाहवर.
मनोरंजन क्षेत्रातील घडामोडींसाठी Batamiwala.com
Batamiwala News 