कलर्स मराठीवरील लोकप्रिय मालिका ‘पिंगा गं पोरी पिंगा’ सध्या प्रेक्षकांच्या मनावर राज्य करत आहे. मालिकेतील वल्लरी म्हणजेच ऐश्वर्या शेटे हिने नुकतीच एका सीनसाठी सुबक रांगोळी काढली, ज्याने तिला बालपणीच्या आठवणींना उजाळा दिला.

ऐश्वर्या शेटेच्या आठवणी आणि रांगोळीचा योग

रांगोळी काढताना आलेल्या अनुभवाबद्दल ऐश्वर्या म्हणाली, “लहानपणी दिवाळीत आजीकडे रांगोळी काढायचं, ते दिवस आज सिनसाठी रांगोळी काढताना आठवले. माझ्या आजीने मला संस्कार भारती रांगोळी काढायला शिकवलं होतं. ती आठवण आज पुन्हा ताजी झाली.” सेटवर रांगोळी काढताना तिच्या आजीच्या आठवणीने तिला भावूक केलं.

स्त्रीविश्वाचा आरसा असलेल्या मालिकेतील वेगळ्या भूमिका

मालिकेतील प्रत्येक पात्र हे वेगवेगळ्या स्त्रीस्वभावाचा आरसा आहे. वल्लरी समजूतदार आणि कणखर आहे, मिठू मॉडर्न विचारांची आणि स्वप्नाळू आहे, तेजा प्रॅक्टिकल आहे, तर श्वेता आणि प्रेरणा यांचीही आपापल्या जीवनातली स्वप्नं आहेत.

‘पिंगा गं पोरी पिंगा’ची ५० भागांची यशस्वी वाटचाल

मैत्रीचे विविध रंग आणि स्त्रियांच्या भावविश्वाचे पैलू प्रभावीपणे मांडणारी ही मालिका ५० भागांचा टप्पा पूर्ण करत प्रेक्षकांच्या मनात आपलं स्थान पक्कं करत आहे. यातील ऐश्वर्या शेटे, विदिशा म्हसकर, शाश्वती पिंपळीकर, प्राजक्ता परब, आणि आकांक्षा गाडे यांची अभिनययात्रा विशेष गाजत आहे.

दररोज संध्याकाळी ७.३० वाजता प्रेक्षकांच्या भेटीला

मैत्री, संघर्ष, आणि भावनिक रंगांनी भरलेली ‘पिंगा गं पोरी पिंगा’ पाहायला विसरू नका, दररोज संध्याकाळी ७.३० वाजता फक्त कलर्स मराठीवर.