‘नवरी मिळे हिटलरला’ मालिकेत एजे आणि लीलाची पहिली मकरसंक्रांत साजरी होत आहे. त्याआधी एजेने लीलासाठी खास पाणीपुरी तयार केली होती. एजे लीलाला एका खास ठिकाणी घेऊन जातो, जिथे एजेची मन्याशी पहिल्यांदा भेट झाली होती. मन्या अनपेक्षितपणे एजेच्या घरी येतो, ज्यामुळे एजे थक्क होतो. मन्याने दिलेली आईस्क्रीम लीला खात आहे, पण त्यामागील त्याच्या खऱ्या हेतूंची तिला कल्पना नाही.

लीला आजारी असताना एजे तिची काळजी घेतोय, तिच्यासाठी मकरसंक्रांतीसाठी हलव्याचे दागिने स्वतः तयार करतोय. एजेच्या काळजीने लीला भावूक होते, पण लीलाला अपेक्षा आहे की एजे आपले मन मोकळं करेल. मकरसंक्रांतीच्या निमित्ताने मालिकेत पतंग स्पर्धा रंगणार आहे.

हा सीन शूट करताना लीला म्हणजेच वल्लरी विराजने काही खास अनुभव शेअर केले.

“या स्पर्धेत मी आणि एजे वेगळ्या टीममध्ये होतो. सीन शूट करताना खूप मज्जा केली. आम्ही सगळ्यांनी मिळून डान्स केला, सगळे काळ्या कपड्यांमध्ये होतो, हलव्याचे दागिने घालून फोटोशूट केलं. हळदी-कुंकू केलं आणि मी एजेसाठी एक खास शेफ कॅप बनवली, ज्यात हलव्याचे दागिने लावले होते.

आम्ही तीळगूळ वाटला, आणि सेटवर एकदम मस्त वातावरण होतं. मकरसंक्रांती सीनमध्ये आमच्या घरचा खास सदस्य, टायगरही सामील झाला होता. तसं त्याचं खरं नाव शेरू आहे. तो खूप गुणी कुत्रा आहे. फोटो काढताना तो माझ्या बाजूला येऊन बसला आणि इतकं सहकार्य केलं की त्याच्यामुळे आम्हाला एकही रिटेक घ्यावा लागला नाही. त्याने पटापट आपले शॉट्स दिले. एकदम उत्साहात आमचा मकरसंक्रांत सण साजरा झाला. हे भाग प्रेक्षकांना नक्कीच पाहायला मजा येईल.”

तेव्हा बघायला विसरू नका ‘नवरी मिळे हिटलरला’ दररोज रात्री १० वाजता फक्त आपल्या झी मराठीवर.