पार्टी म्हटलं की जंगी सेलिब्रेशन आलंच! अशाच एका धमाकेदार रियुनियन पार्टी साठी मराठीतील नामवंत कलाकार एकत्र आले आहेत. “आईच्या गावात बाराच्या भावात घरात नुसता गोंधळ हो” म्हणत या कलाकारांनी सेलिब्रेशनचा पारा फुल ऑन वाढवला आहे. “बुम बुम बुम बोंबला जीव हा टांगला” म्हणत हे कलाकार प्रत्येकाला थिरकायला लावणार आहेत.

‘चिकी चिकी बुबूम बुम’ चा धमाकेदार पार्टी टायटल साँग!

‘चिकी चिकी बुबूम बुम’ चित्रपटातील प्रत्येकाला थिरकायला लावणारं पार्टी टायटल साँग नुकतंच प्रेक्षकांच्या भेटीला आलं आहे. प्रशांत मडपुवार यांनी लिहिलेल्या या हॅपनिंग साँगला रोहन-रोहन जोडीचे जबरदस्त संगीत लाभले आहे. तर रोहन प्रधान यांच्या एनर्जेटिक आवाजाने हे गाणे आणखी जल्लोषमय झाले आहे. राहुल ठोंबरे यांनी गाण्यासाठी नृत्यदिग्दर्शन केले आहे, जे तरुणाईला नक्कीच आवडेल.

चित्रपटात हास्याचा धमाका करणार कलाकारांचा ताफा!

स्वप्नील जोशी, प्रार्थना बेहरे, प्राजक्ता माळी, प्रसाद महादेव खांडेकर, रोहित माने, प्रथमेश शिवलकर, नम्रता संभेराव, वनिता खरात, सचिन गोस्वामी, ओंकार राऊत, प्रियदर्शनी इंदलकर, अभिजीत चव्हाण, निखिल रत्नपारखी, प्रभाकर मोरे, चेतना भट, निखिल बने, श्याम राजपूत, ऐश्वर्या बडदे, श्लोक खांडेकर आणि प्रमोद बनसोडे या कलाकारांची फौज ‘चिकी चिकी बुबूम बुम’ चित्रपटात हास्याचे फवारे उडवत रंगत आणणार आहेत.

२८ फेब्रुवारीला रंगणार मनोरंजनाचा महोत्सव!

नारकर फिल्म्स अँड एंटरटेनमेंट निर्मित, आयडियाज द एंटरटेनमेंट कंपनी प्रस्तुत आणि स्वर्ण पट कथा व प्रजाकार प्रोडक्शन्स यांच्या सहयोगाने येणाऱ्या ‘चिकी चिकी बुबूम बुम’ या चित्रपटाचे दिग्दर्शन प्रसाद महादेव खांडेकर यांनी केले आहे. चित्रपटाचे निर्माते सुनील नारकर, सहनिर्माते सेजल दिपक पेंटर आणि प्रसाद महादेव खांडेकर आहेत. तसेच, चित्रपटाचे लेखन प्रथमेश शिवलकर आणि प्रसाद महादेव खांडेकर यांनी केले आहे.
आणि छायांकनाची जबाबदारी गणेश उतेकर यांनी सांभाळली आहे.

म्हणूनच, जर तुम्हाला धमाल पार्टीची गंमत आणि कलाकारांची नॉन-स्टॉप मजा अनुभवायची असेल, तर २८ फेब्रुवारीला थिएटरमध्ये जाऊन ‘चिकी चिकी बुबूम बुम’ चित्रपट नक्की पाहा!