अभिनय, नृत्य आणि निर्माती अशा विविध भूमिका साकारत अभिनेत्री प्राजक्ता माळी ने स्वत:ची वेगळी ओळख निर्माण केली आहे. काहीतरी नाविन्यपूर्ण करण्याचा प्रयत्न ती नेहमीच करत आली आहे. आगामी ‘चिकी चिकी बुबूम बुम’ या चित्रपटात ती रावी या उत्साही, पण गोंधळलेल्या मुलीची भूमिका साकारताना दिसणार आहे.

चित्रपटाची कथा आणि धमाल:
हा चित्रपट रियुनियनच्या सेलिब्रेशनसाठी जमलेल्या मित्रांच्या धमाल गोष्टींवर आधारित आहे. विचित्र घटनांमुळे निर्माण होणाऱ्या गोंधळातून निघणारा हास्यस्फोट प्रेक्षकांना अनुभवायला मिळणार आहे. २८ फेब्रुवारी रोजी हा चित्रपट प्रदर्शित होणार आहे.

प्राजक्ताचा आत्मविश्वास

“कसलेल्या विनोदी कलाकारांसोबत काम करण्याची संधी माझ्यासाठी खूप खास होती. प्रेक्षकांनी माझ्या भूमिकांना चांगला प्रतिसाद दिला आहे, आणि ‘चिकी चिकी बुबूम बुम’ मधील माझी भूमिका नक्कीच पसंत केली जाईल!” असे प्राजक्ता माळीने सांगितले.

तगडी कलाकारांची फौज:
या चित्रपटात स्वप्नील जोशी, प्रार्थना बेहरे, प्रसाद महादेव खांडेकर, रोहित माने, प्रथमेश शिवलकर, नम्रता संभेराव, वनिता खरात, सचिन गोस्वामी, ओंकार राऊत, प्रियदर्शनी इंदलकर, अभिजीत चव्हाण, निखिल रत्नपारखी, प्रभाकर मोरे, चेतना भट, निखिल बने, श्याम राजपूत, ऐश्वर्या बडदे, श्लोक खांडेकर आणि प्रमोद बनसोडे यांसारख्या कलाकारांनी धमाल उडवली आहे.

चित्रपटाच्या निर्मितीविषयी:
नारकर फिल्म्स अँड एंटरटेनमेंट निर्मित, आयडियाज द एंटरटेनमेंट कंपनी प्रस्तुत आणि स्वर्ण पट कथा व प्रजाकार प्रोडक्शन्स यांच्या सहयोगाने हा चित्रपट बनला आहे. प्रसाद महादेव खांडेकर यांनी दिग्दर्शन केले असून, निर्माते सुनील नारकर, सहनिर्माते सेजल दिपक पेंटर आणि प्रसाद महादेव खांडेकर आहेत. लेखन प्रथमेश शिवलकर आणि प्रसाद महादेव खांडेकर, तर छायांकन गणेश उतेकर यांचे आहे.