संगीताच्या अद्वितीय बळावर अनेक चित्रपटांनी प्रेक्षकांच्या मनात अढळ स्थान निर्माण केले आहे. मराठी चित्रपटसृष्टीत अनेक प्रतिभावान संगीतकार जोड्या उदयास आल्या, ज्यांनी आपल्या संगीतातील नव्या प्रयोगांनी आणि सुमधुर चालींनी रसिकांना मंत्रमुग्ध केले. यामध्ये सध्या विशेष चर्चेत असलेली अविनाश-विश्वजीत ही संगीतकार जोडी आपल्या अप्रतिम संगीताने लोकप्रिय होत आहे. अनेक मराठी चित्रपटांना संगीताचा अनोखा साज देत, त्यांनी रसिकांच्या मनात खास स्थान निर्माण केले आहे.

२०२५ मध्ये अविनाश-विश्वजीत देणार नवीन सुमधुर गीतांची भेट

नव्या वर्षातही अविनाश-विश्वजीत जोडी आपल्या संगीतमधून प्रेक्षकांना एक नवा आनंददायी अनुभव देणार आहे. २०२५ मध्ये अनेक मराठी चित्रपटांसाठी त्यांचे संगीत प्रेक्षकांच्या भेटीला येणार आहे. चित्रपटांसोबतच महाराष्ट्रातील विविध शहरांमध्ये त्यांच्या सांगीतिक कार्यक्रमांची मेजवानी देखील रसिकांना मिळणार आहे. नव्या वर्षातील पहिली भव्य सांगीतिक मैफल येत्या शनिवारी २२ फेब्रुवारीला दीनानाथ मंगेशकर रंगमंदिर, विलेपार्ले येथे रात्री ८.४५ वाजता रंगणार आहे.

संगीत आणि सामाजिक उपक्रम यांचा अनोखा संगम

वसुंधरा संजीवनी संस्थेच्या एका खास सामाजिक उपक्रमाच्या हेतूनं ही सांगीतिक मैफल आयोजित करण्यात आली आहे. यामध्ये अविनाश-विश्वजीत यांच्या संगीताने प्रेक्षकांना मंत्रमुग्ध करण्याची संधी मिळणार आहे. सामाजिक बांधिलकीसह उत्तम संगीताचा संगम यामुळे हा कार्यक्रम विशेष ठरणार आहे.

‘मुंबई-पुणे-मुंबई’ पासून सुरू झालेला यशस्वी प्रवास

अविनाश-विश्वजीत ह्या संगीतकार जोडीला खरी ओळख मिळाली ती ‘मुंबई-पुणे-मुंबई’ या सुपरहिट चित्रपटामुळे. या चित्रपटातील संगीत प्रेक्षकांच्या मनात आजही घर करून आहे. त्यांच्या संगीतमधून प्रेम, भक्ती, जोश आणि भावनांची उत्कटता अनुभवायला मिळते.

अविनाश-विश्वजीत यांची गाजलेली गाणी

‘कधी तू’, ‘का कळेना’, ‘कधी तू रिमझिम झरणारी बरसात’, ‘ओल्या सांजवेळी’, ‘हृदयात वाजे समथिंग’, ‘साथ दे तू मला’, ‘असा हा धर्मवीर’, ‘भेटला विठ्ठल माझा’, ‘खंबीर तू हंबीर तू’, ‘मदनमंजिरी’, ‘हे शारदे’ या त्यांच्या गाण्यांनी रसिकांच्या हृदयात अढळ स्थान निर्माण केले आहे.

नव्या संगीतमय पर्वाची सुरुवात

२०२५ हे वर्ष अविनाश-विश्वजीत या संगीतकार जोडीसाठी विशेष ठरणार आहे. त्यांची संगीतमय सफर अनेक चित्रपटांमधून प्रेक्षकांपर्यंत पोहोचणार आहे, तसेच सांगीतिक मैफलींच्या माध्यमातून ते रसिकांना संगीतातील नवीन सुरांची अनुभूती देणार आहेत. संगीतप्रेमींसाठी ही पर्वणी असेल, कारण या संगीतमय प्रवासात अनेक नव्या आणि जुन्या गीतांचे अप्रतिम मिश्रण ऐकायला मिळेल.

नववर्षात अविनाश-विश्वजीत यांच्या संगीतात हरवण्यास सज्ज व्हा!