रंगभूमीवर थ्रिलर नाट्याचा नवा स्वाद

कॉफीची नजाकत काही वेगळीच! मग ती कोल्ड असो वा हॉट! कॉफीच्या शौकिनांची संख्या कमी नाही. कॉफीचा खरपूस दरवळ जसा घरभर पसरतो, तसाच आता रंगभूमीवर कॉफीचा दरवळ पसरणार आहे. ज्येष्ठ दिग्दर्शक महेश वामन मांजरेकर यांनी ही ‘फिल्टर कॉफी’ नाट्यरसिकांसाठी आणली आहे. अद्वैत आणि अश्वमी थिएटर्स प्रकाशित महेश वामन मांजरेकर सादर करीत असलेली ही तजेलदार कॉफी ६ एप्रिलला रंगभूमीवर येणार आहे.

नाटकाची दमदार स्टारकास्ट आणि निर्मितीसंस्था

रितीशा प्रोडक्शन्स निर्मित, महेश वामन मांजरेकर लिखित व दिग्दर्शित ‘फिल्टर कॉफी’ या नाटकाचे निर्माते दिलीप माधव जगताप असून सहनिर्माते राहुल भंडारे आहेत.
या नाटकात विराजस कुलकर्णी, विक्रम गायकवाड, कुणाल मेश्राम, अंकिता लांडे आणि उर्मिला कानिटकर यांच्या भूमिका आहेत.

१९९२ पासून वाट पाहिलेलं नाटक!

महेश मांजरेकर म्हणतात, “१९९२ साली मला हे नाटक करायचं होतं. त्यावेळी ते शक्य झालं नाही, आता हे नाटक मी स्वतः दिग्दर्शित करतोय. कॉफीच्या गडद रंगाप्रमाणे या नाटकाची गडद शेड नाट्य रसिकांना अनुभवायला मिळेल.”
सस्पेन्स थ्रिलर असं हे नाटक प्रेक्षकांना एका वेगळ्या धाटणीचा अनुभव देईल.

थ्रिलर जॉनरमधलं हटके नाटक

अभिनेता विराजस कुलकर्णी सांगतो, “वैविध्यपूर्ण नाटक मराठी रंगभूमीवर येत आहेत आणि त्याला उत्तम प्रतिसाद मिळतोय. महेश मांजरेकर यांच्या सोबत काम करण्याची संधी दवडणे शक्य नव्हतं. आम्ही घेऊन येत असलेलं हे नाटक थ्रिलर जॉनरचं असून काहीतरी वेगळं नाट्यरसिकांना पाहायला मिळेल, याची खात्री देतो.”

अभिनेत्री उर्मिला कानिटकरची पहिली नाट्यकृती

उर्मिला कानिटकर म्हणते, “माझी ही पहिली नाट्यकृती असून महेश मांजरेकर यांच्यासारख्या दिग्गज दिग्दर्शकासोबत काम करणं ही माझ्यासाठी पर्वणी होती. या नाटकाच्या निमित्ताने माझी नाटक करायची इच्छा पूर्ण झाली.”

तांत्रिक बाजू आणि कलाकारांचा सहयोग

• सहलेखन – अभय देखणे
• सहाय्यक दिग्दर्शक – सुरज कांबळे
• संगीत – हितेश मोडक
• प्रकाशयोजना – शीतल तळपदे
• नेपथ्य – संदेश बेंद्रे
• वेशभूषा – लक्ष्मण येलप्पा गुल्लार
• विशेष सहकार्य – दीपक कुलकर्णी

महेश मांजरेकर दिग्दर्शित ‘फिल्टर कॉफी’ ६ एप्रिलपासून रंगभूमीवर!

🎭 मराठी नाट्यरसिकांसाठी ही नवीन ‘फिल्टर कॉफी’ नक्कीच एक अविस्मरणीय अनुभव ठरणार आहे!