‘सन मराठी’वर १० मार्चपासून ‘सखा माझा पांडुरंग’ ही भक्तिमय मालिका सोमवार ते रविवार सायंकाळी ७:३० वाजता प्रेक्षकांच्या भेटीस येणार आहे. मालिकेत संत सखूबाईंचा प्रवास आणि पांडुरंगाप्रती असलेली त्यांची भक्ती उलगडणार आहे.

पहिल्यांदाच महिला संत सखुबाई यांच्या जीवनावर आधारित मालिका

ही मालिका विशेष ठरण्याचं कारण म्हणजे पहिल्यांदाच महिला संत सखुबाई यांच्या जीवनावर मालिका येत आहे. बालसखूची भूमिका स्वराली खोमणे, तर पांडुरंगाच्या भूमिकेत तेजस महाजन प्रेक्षकांसमोर येणार आहे. तसेच, अभिनेते सुनील तावडे ‘नरोत्तम’ ही महत्त्वपूर्ण भूमिका साकारणार आहेत.

“देव आपली परीक्षा घेत असतो, पण कधी देवाची भूमिका करेन असं स्वप्नातही नव्हतं!” – तेजस महाजन

पांडुरंगाच्या भूमिकेविषयी बोलताना तेजस महाजन म्हणतो:
“‘सखा माझा पांडुरंग’ ही मालिका १० मार्चपासून प्रेक्षकांच्या भेटीला येत आहे, पण मला अजूनही विश्वास बसत नाही की मी पांडुरंगाची भूमिका साकारतोय! माझ्या कुटुंबात कोणीही सिनेसृष्टीत नाही, त्यामुळे इथवर पोहोचणं कठीण होतं. पण सुरुवातीपासूनच देव माझ्याबरोबर होता. जेव्हा मला संगीत कुलकर्णी सरांचा फोन आला, तेव्हा मी तात्काळ ऑडिशन पाठवली, आणि त्याच दिवशी मला भूमिका मिळाल्याचं कळलं. देव आपली परीक्षा घेत असतो हे ऐकलं होतं, पण मीच कधी पांडुरंगाची भूमिका साकारेल, असा विचारही केला नव्हता!”

“पांडुरंगाच्या वेशभूषेत पाहिलं तेव्हा आईला फोटो पाठवला आणि तीही भरून पावली!”

“पांडुरंगाच्या वेशभूषेत मी स्वतःला पाहिलं तेव्हा नकळत ‘बाप रे!’ हे शब्द माझ्या तोंडून बाहेर पडले. लगेच आईला फोटो पाठवला आणि तिनेही पाहून भरून पावलं. ही संधी मिळणं माझ्यासाठी भाग्याचं आहे.”

“या भूमिकेमुळे माझ्या आयुष्याला वेगळं वळण मिळालं”

“‘सन मराठी’ वाहिनीचे मी मनःपूर्वक आभार मानतो, कारण या भूमिकेमुळे माझ्या आयुष्याला वेगळं वळण मिळालं आहे. कोणत्याही कलाकाराला संघर्ष चुकत नाही, पण योग्य वेळ आल्यावर देव भरभरून देतो. मी अगदी लहान असताना पंढरपूरला गेलो होतो, पण या भूमिकेमुळे मला असं वाटतंय की स्वतः पांडुरंगाने मला हाक मारली आहे. या भूमिकेसाठी मी १००% मेहनत घेईन, आणि प्रेक्षकांना आमची मालिका नक्कीच आवडेल!”

“संत सखूबाई आणि पांडुरंग यांचं भक्तिमय नातं उलगडणार”

“या भूमिकेमुळे मला पांडुरंगाच्या अगदी जवळ राहून त्यांना अनुभवण्याची संधी मिळणार आहे. संत सखूबाई यांची पांडुरंगावरील अपार भक्ती आणि त्यांचा अद्वितीय प्रवास उलगडत जाईल. त्यामुळे खूप भीती आणि आनंद अशा संमिश्र भावना आहेत. प्रेक्षकांनी आमच्या मालिकेला भरभरून प्रेम द्यावं हीच इच्छा आहे!”

🎬 “सखा माझा पांडुरंग” – प्रेक्षकांसाठी भक्ती आणि श्रद्धेचा एक भक्तिमय प्रवास, पाहायला विसरू नका! १० मार्चपासून दररोज सायंकाळी ७:३० वा. फक्त ‘सन मराठी’वर! 🙏✨