प्रवाह परिवारातल्या लकी सदस्याला मिळणार माधुरीकडून खास भेट

आपल्या माणसांचा, आपुलकीचा, आणि कौटुंबिक प्रेमाचा झरा असलेला स्टार प्रवाह परिवार पुरस्कार सोहळा यंदा आणखीनच खास ठरणार आहे. कारण यंदा या सोहळ्याला लाभली आहे एका अविस्मरणीय व्यक्तिमत्त्वाची उपस्थिती — लाखो हृदयांची धडकन, अभिनेत्री माधुरी दीक्षित!

अभिनय, सौंदर्य आणि नृत्यकलेचा समारंभ जिथे माधुरी दीक्षित पोहोचते, तिथे माहोल आपोआपच रंगतो. यंदा स्टार प्रवाहच्या रंगतदार सोहळ्यात तिच्या आगमनाने उत्साह ओसंडून वाहत आहे. ‘धकधक गर्ल’ माधुरी दीक्षित जेव्हा मंचावर अवतरली, तेव्हा तिच्या मोहक हसण्यात आणि अदाकारीत रसिक अक्षरशः हरवून गेले.

माधुरी दीक्षित आणि नृत्य हे समीकरण सर्वश्रुत आहे. तिची ऊर्जा, तिची स्टेज प्रेझेन्स आणि तिचं अद्वितीय नृत्य हे प्रत्येकाला प्रेरणा देतं. म्हणूनच या खास सोहळ्यात, स्टार प्रवाहच्या कलाकारांनाही साक्षात माधुरी समोर नृत्य सादर करण्याची संधी मिळाली, आणि त्यांनीही ती दोन्ही हातांनी उचलून धरली.

या भव्य सोहळ्याचं अजून एक खास आकर्षण म्हणजे प्रवाह परिवारातील एका लकी सदस्याला मिळणारी माधुरी दीक्षितकडून खास भेटवस्तू! हा लकी सदस्य कोण असेल? त्याला नेमकी काय भेट मिळणार आहे? याची उत्सुकता आता प्रेक्षकांमध्ये ताणलेली आहे.

ही सगळी झलक, हा सगळा आनंद अनुभवायचा असेल, तर १६ मार्च सायंकाळी ७ वाजता फक्त स्टार प्रवाहवर प्रसारित होणारा स्टार प्रवाह परिवार पुरस्कार सोहळा चुकवू नका.

एक संगीतमय, भावनिक आणि आनंदी प्रवाह — ज्यात चमकतील आपल्या घरच्या कलाकारांच्या आठवणी, कर्तृत्व आणि प्रेमाच्या कथा… आणि त्यात असेल माधुरी दीक्षितसारख्या ताऱ्याचं प्रेमळ सान्निध्य!