झी मराठीवरील लोकप्रिय मालिकेचा नवा अध्याय

प्रेक्षकांची मने जिंकणारी ‘देवमाणूस’ ही मालिका पुन्हा एकदा नव्या स्वरूपात प्रेक्षकांच्या भेटीला येत आहे. ‘देवमाणूस – मधला अध्याय’ हे नवीन पर्व येत्या २ जूनपासून रात्री १० वाजता झी मराठीवर प्रसारित होणार आहे. मालिकेचा पहिला प्रोमो प्रेक्षकांच्या पसंतीस उतरला असून आता एका नव्या प्रोमोमुळे मालिकेबाबत आणखी उत्सुकता वाढली आहे.

सई ताम्हणकरनंतर अलका कुबलची सरप्राइज एन्ट्री

हल्लीच सई ताम्हणकर हिम्मतराव टेलर शॉपच्या उद्घाटनासाठी आली होती. त्या प्रोमोनंतर आता प्रसिद्ध अभिनेत्री अलका कुबल यांचाही प्रोमो समोर आला आहे. या दृश्यात गोपाळ आपल्या टेलर शॉपमध्ये काम करत असतो आणि तेवढ्यात अलका कुबल येतात. त्या विचारतात – “ते वर्ल्ड फेमस गोपाळराव टेलर तुम्हीच का?” यावर गोपाळ अवाक होतो आणि म्हणतो – “अलका ताई! आमच्या गरीबाच्या दुकानावर?”

मालिकेत ‘माहेरची साडी’चा संदर्भ

या संवादातून कळते की अलका ताई ‘माहेरची साडी’चा ब्लाउज शिवण्यासाठी गोपाळकडे आल्या आहेत. झी मराठीने हा प्रोमो शेअर करत लिहिलं – “माहेरची साडी घेऊन अलका ताई येणार गोपाळ टेलरच्या दारी. मराठी मालिका विश्वातला हा महा कोला!”

प्रेक्षकांच्या मनात निर्माण झाली उत्सुकता

या प्रोमोनंतर प्रेक्षकांच्या मनात प्रश्न निर्माण झाला आहे की अलका कुबलचा सहभाग ही केवळ प्रोमोपुरती झलक आहे की पुढे खरोखरच त्यांच्या पात्राचं विस्तारित स्थान आहे? ‘देवमाणूस’ मालिकेत अशा प्रकारे अचानक सरप्राइज एन्ट्रीज दाखवून प्रेक्षकांच्या उत्कंठेचा स्तर सतत वाढवला जात आहे.

ही सरप्राइज एन्ट्री असणार मनोरंजनाची नवी डोळे दिपवणारी सुरुवात

मालिकेचा हा नवा टप्पा म्हणजेच ‘मधला अध्याय’ आता नव्या ट्विस्ट्ससह सुरू होणार असून अलका कुबलसारख्या प्रतिष्ठित अभिनेत्रीचा संभाव्य सहभाग ही निश्चितच मोठी आकर्षणाची बाब ठरणार आहे.

तेव्हा पाहायला विसरू नका – ‘देवमाणूस – मधला अध्याय’ २ जूनपासून दररोज रात्री १० वाजता, फक्त आपल्या झी मराठीवर.