लग्न का करावं, कुणाशी करावं याची प्रत्येकाची आपली अशी कारणं आणि कल्पना असतात. टीप्स मराठी प्रस्तुत आणि कुमार तौरानी निर्मित श्रीदेवी प्रसन्न चित्रपट म्हणजे लग्नासाठी योग्य जोडीदार शोधणाऱ्या श्रीदेवी-प्रसन्न या दोघांची कहाणी. टीप्स मराठीचा हा पहिला वहिला मराठी चित्रपट आहे. नवीन वर्षात टीप्स मराठी आपल्या पहिल्याच मराठी चित्रपटाच्या माध्यमातून प्रेक्षकांना मनोरंजनाचा डबल डोस देणार आहे. मराठीसोबतच बॉलीवूडमध्येही आपल्या अभिनयाचा ठसा उमटवलेली ब्युटिफूल सई ताम्हणकर आणि सध्या मराठीतला आघाडीचा अभिनेता म्हणून ओळखला जाणारा हॅंडसम सिद्धार्थ चांदेकर पहिल्यांदाच टीप्स मराठीच्या श्रीदेवी प्रसन्न या चित्रपटाच्या माध्यमातून एकत्र मोठ्या पडद्यावर दिसणार आहेत. चित्रपटाचा टीझर नुकताच प्रदर्शित करण्यात आला आणि यातील सई-सिद्धार्थची दिसून आलेली केमिस्ट्री आणि संवादांची जुगलबंदी चित्रपटाविषयीची उत्सुकता वाढवून गेली. विशाल विमल मोढवे दिग्दर्शित ‘श्रीदेवी प्रसन्न’ चित्रपट २ फेब्रुवारी रोजी प्रदर्शित होणार आहे.

‘श्रीदेवी प्रसन्न’ या चित्रपटात सई आणि सिद्धार्थ या मुख्य व्यक्तिरेखांसोबतच सुलभा आर्या, सिद्धार्थ बोडके, रसिका सुनील, संजय मोने, वंदना सरदेसाई, समीर खांडेकर, आकांक्षा गाडे, रमाकांत डायमा, शुभांगी गोखले, पाहुल पेठे, पल्लवी परांजपे, पूजा वानखेडे, सिद्धार्थ महाशब्दे, जियांश पराडे हे कलाकार देखील महत्त्वाच्या व्यक्तिरेखा साकारताना दिसणार आहेत. या चित्रपटाच्या लेखनाची जबाबदारी अदिती मोघे यांनी उचलली असून मराठीतील प्रसिद्ध संगीतकार अमित राज यांनी यातील गाणी संगीतबद्द केली आहेत.

‘श्रीदेवी प्रसन्न’ या चित्रपटाचं नाव नुसतं फिल्मी नाही तर याचं कथानकच टोटल फिल्मी म्हणावं लागेल. ‘लव एट फर्स्ट साईट’ चं स्वप्न मनात बाळगत प्रेमाच्या भन्नाट कल्पना विश्वात वावरणारा प्रसन्न, मॅट्रिमोनी साइटवर ‘श्रीदेवी’ या
नावाच्या उत्सुकतेपोटी तिला रिक्वेस्ट पाठवतो आणि ती अॅक्सेप्ट देखील करते.
या दोन टोकांच्या माणसांची मनं जुळतात की नाही,त्या दरम्यान नेमकं काय काय घडतं या कथानकाला ‘श्रीदेवी प्रसन्न’ चित्रपटाच्या माध्य मातून दिलेला फिल्मी तडका रसिक प्रेक्षकांचे १०० टक्के मनोरंजन करणार यात शंकाच नाही.

महात्मा ज्योतिराव फुले आणि सावित्रीबाई यांच्या संघर्षमयी प्रवास दाखवणारा ‘सत्यशोधक’ हा चित्रपट प्रदर्शनाच्या उंबरठ्यावर येऊन ठेपला आहे. यानिमित्ताने अकोला येथील सह्याद्री फाऊंडेशनच्या वतीने प्रकाश आंबेडकर आणि त्यांच्या पत्नी अंजली आंबेडकर यांची विशेष मुलाखत घेण्यात आली, यात त्यांनी त्यांच्या आयुष्यातील अनेक कंगोरे उलगडले, तसेच त्यांची प्रेमकहाणीही प्रेक्षकांना सांगितली. याच कार्यक्रमात प्रकाश आंबेडकर यांनी म. फुलेंसारखी पगडी घालून आणि हातात मशाल घेऊन कार्यक्रमात प्रवेश केला, त्यामुळे उपस्थितांचे लक्ष आंबेडकरांकडे वेधले गेले.

अकोला येथील सह्याद्री फाऊंडेशनने सत्यशोधक चित्रपटाच्या निमित्ताने प्रकाश आणि अंजली आंबेडकर यांची मुलाखत घेतली. मुलाखतकार हे दुसरे तिसरे कोणी नसून या चित्रपटाचे दिग्दर्शक निलेश जळमकर आणि म. फुलेंच्या भूमिकेतील अभिनेते संदीप कुलकर्णी होते. त्यामुळे या मुलाखतीला आणखीनच रंगत आली. त्यांच्यातील संवादामधून प्रकाश आंबेडकर आणि अंजली आंबेडकर यांची लव्हस्टोरी प्रेक्षकांसमोर आली. मुलाखतकारांनी त्यांचे भावनिक अंतरंग उलगडले. यावेळी अंजली यांनी सांगितले की, “मित्रांनी आणि सहकाऱ्यांनी आमची मैत्री घडवून आणली आणि अशाप्रकारे मैत्रीचं रूपांतर प्रेमात झालं आणि आम्ही विवाह केला, त्यामुळे आमचा मित्रांनी जमवलेला प्रेमविवाह आहे.’’ प्रकाश आंबेडकर हे जनतेचे नेते असल्याने कायमच लोकांच्या गराड्यात असायचे, त्यामुळे आम्हाला भेटण्यासाठी वेळ मिळायचा नाही, मात्र आम्ही बऱ्याचदा ट्रेनमध्ये भेटायचो अशीही आठवण यावेळी अंजली यांनी सांगतिली. तसेच ज्येष्ठ अभिनेत्री वहिदा रेहमान या दोघांच्या आवडत्या असल्याने त्यांचा एकही चित्रपट आम्ही चुकवला नाही, असे अंजली यांनी सांगितले.
‘सत्यशोधक’ चित्रपटातही म. फुले आणि सावित्रीमाई यांची एक प्रेमळ आणि हळवी बाजू दाखवण्याचा दिग्दर्शकांचा आग्रह राहिला आहे. त्यामुळे समाजकार्यातही जोडीदाराचा पाठिंबा आणि साथ ही किती महत्त्वाची असते, हे आपल्याला चित्रपट पाहिल्यावर कळेलच.

समता फिल्म्स निर्मित, अभिता फिल्म्स प्रॉडक्शन प्रा. लि. प्रस्तुत आणि निलेश जळमकर लिखित-दिग्दर्शित , संकल्पना – राहुल तायडे, वैशाख वाहुरवाघ सत्यशोधक चित्रपटाचे निर्माते प्रविण तायडे, आप्पा बोराटे, भिमराव पट्टेबहादूर, सुनील शेळके, विशाल वाहूरवाघ हे आहेत, तर सहनिर्माते राहुल वानखडे, बाळासाहेब बांगर, हर्षा तायडे, प्रतिका बनसोडे, प्रमोद काळे हे आहेत. शिवा बागुल आणि महेश भारंबे हे कार्यकारी निर्माते आहेत. निर्मिती मध्ये निखिल पडघन, देवानंद मोहोड, मंगला वानखडे आणि निता गवई याचे मोलाचे योगदान आहे. विशेष म्हणजे रिलायन्स एंटरटेंनमेंट मार्फत हा चित्रपट सर्वत्र प्रदर्शित होईल. ‘सत्यशोधक’ हा चित्रपट ५ जानेवारी, २०२४ रोजी प्रदर्शित होईल.

प्रत्येक नवा दिवस आपल्यासोबत एक नवीन संधी घेऊन येतो, अशाच एका प्रेरणादायी विषयावर आधारित ‘ओली की सुकी’ चित्रपट ४ जानेवारी २०२४ रोजी ‘अल्ट्रा झकास’ मराठी ओटीटीवर प्रदर्शित होणार आहे. चित्रपटाचे दिग्दर्शन ‘आनंद दिलीप गोखले’ यांनी केले असून चित्रपटात तेजश्री प्रधान, भार्गवी चिरमुले, शर्वरी लोहकरे, संजय खापरे, सुहास शिरसाट आणि वर्षा उसगांवकर हे सुप्रसिद्ध अभिनेते दिसणार आहेत.

चित्रपटाची कथा झोपडपट्टी आणि त्यातील आयुष्यात भरकटलेल्या मुलांभोवती फिरते. झोपडपट्टीतील टुकार मुलांच्या दोन गटांत नेहमी विनाकारण भांडणे होत राहतात. ही मुले वाईट वळणांच्या एवढ्या अधीन जातात की चोरी करण्यापर्यंत यांचे विचार पोहचतात. पण त्याचवेळी त्यांच्या आयुष्यात राधिकाताई येते, जी त्यांच्या संपूर्ण जीवनाला एक वेगळंच वळण देते. राधिकाताईने नेमकी अशी कोणती जादू या मुलांवर केली ते चित्रपटात पहायला मिळणार आहे.
“आयुष्यात अनेक अडचणी येतात पण आपण त्यांना सामोरे जाऊन यशाच्या दिशेने अविरत चालत रहायला हवं. अशा प्रेरणादायी आशयाचा हा चित्रपट प्रेक्षकांसाठी नक्कीच प्रेरणादायी ठरेल याची खात्री वाटते.” असे अल्ट्रा मीडिया अँड एंटरटेनमेंट प्रा.लिमिटेडचे सी.ई.ओ. श्री. सुशीलकुमार अग्रवाल म्हणाले.

नवनवीन चित्रपट पाहण्यासाठी :- https://www.ultrajhakaas.com/marathi-movies

माधुरी दिक्षित… एक अशी तारका आहे जिच्या स्माईलवर सगळेच फिदा आहेत. जिच्या अदाकारीने अनेक जण घायाळ होतात. लहानांपासून मोठ्यांपर्यंत, पुरूषांपासून स्त्रियांपर्यंत जगभरात तिचे असंख्य चाहते आहेत. अशा या आपल्या मराठमोळ्या अभिनेत्रीची झलक पाहाण्याची, तिला भेटण्याची इच्छा अनेकांना असते. आता हे स्वप्न ‘पंचक’च्या माध्यमातून लवकरच पूर्ण होणार आहे. कारण स्वतः माधुरी दिक्षित ह्यांच म्हणणं आहे , “खूप छान वाटते, जेव्हा चाहते माझ्या अभिनयाचे, नृत्याचे आणि हास्याचे कौतुक करतात. अनेक जण मेसेजेस करतात, अनेक जण भेटण्याची इच्छा व्यक्त करतात. परंतु या सगळ्यांना भेटणे शक्य होत नाही. त्यामुळेच आमचा ‘पंचक’ चित्रपट नवीन वर्षात ५ जानेवारी प्रदर्शित होत आहे. या निमित्ताने आम्ही हळदी कुंकू समारंभाचे आयोजन केले आहे. जेणे करून मी माझ्या मैत्रिणींना भेटू शकेन. यावेळी महाराष्ट्रातील निवडक १०१ मैत्रिणींना मी ठाण्यात भेटून, त्यांच्यासोबत हळदी कुंकू साजरे करणार आहे. मात्र यासाठी तुम्हाला एकच गोष्ट करावी लागणार आहे. ‘पंचक’ या चित्रपटाचे तिकीट बुक करून चित्रपटगृहात जाऊन आपला आणि तिकिटाचा फोटो काढून ‘पंचक’च्या अधिकृत इंस्टाग्राम किंवा फेसबुक पेजवर शेअर करायचा आहे आणि त्यानंतर तुम्हाला संधी मिळणार आहे, माझ्या आणि ‘पंचक’मघील खोतांच्या घरातील महिलांसोबत हळदी कुंकू समारंभ साजरा करण्याची. तर मग भेटुयात लवकरच.

‘पंचक’ या चित्रपटाची निर्मिती डॅा. श्रीराम नेने आणि माधुरी दिक्षित नेने यांनी केली असून राहुल आवटे आणि जयंत जठार या चित्रपटाचे दिग्दर्शक आहेत.

The 20th Third Asian Film Festival, which is the benchmark of film culture in Maharashtra, will be organized from 12 to 18th January 2024 in Mumbai and Thane. The selected films will be screened at City Light Cinema, Mahim and Thakur College of Commerce and Science in Kandivali.

At the beginning of 21stcentury, globalization brought about a revolution in the film industry. Films from abroad, especially Hollywood and Europe, became easily accessible to Indian audiences. But at the same time, the Asian films that were playing globally were not reaching the audience. Asian Film Foundation started organizing Third Eye Asian Film Festival with the aim of showing these films which are popular in various International Film Festivals to the audience of Mumbai and other cities of Maharashtra. The first festival was held on August 3, 2002. This film festival is being organized in Mumbai for the last nineteen years.

In the 20th edition of Third Eye Asian Film Festival, the Asian Spectrum section includes twelve films from Indonesia, Egypt, Nepal, Bangladesh, Malaysia and Sri Lanka. Seven films from Iran will be shown in the country focus section.

Along with Asian films, the competition section of Indian films and Marathi films will be the attraction of the festival. The Indian film section includes twelve films in Malayalam, Kannada, Telugu, Bengali, Assamese, Marathi languages. It includes House of Cards, Deep Fridge, Seuj Sandhan, Episode 13, Aaro Ek Prithibi, Mini, Aatmapamphlet, This story does not have a name, Family, Whispers of Fire & Water, Bijoyar Pore, Gorai Phakhri

Nine Marathi films will be screened in the Marathi competition section. Sthala [ Dir. Jayant Somalkar], Madar [Dir.Mangesh Badar] , Raghuveer [Dir.Nilesh Kunjir], Maharashtra Shaheer [Dir. Kedar Shinde ], Sala Te Sala Na Te [ Dir. Santosh Kolhe], Giraki [Dir. Kavita Datir/Amit Sonawane ] , Territory [ Dir Sachin Shriram], Gaabh [Dir. Anup Jatratkar], Jitraab [Dir. Tanaji Mahadeo Ghadge], are included in this competition category.

On the occasion of the birth centenary year of the well-known Bengali director Mrinal Sen, the festival will have retrospective of his films.

This year, a special award for film writing will be given in memory of late Sudhir Nandgaonkar.

Along with the film screening, Open Forum by distinguished judges, master classes with directors and technicians will be organised during the Festival.

The delegate registration of the festival starts from 5th January and the registration will also be available through the website http://www.thirdeyeasianfilmfestival.com.

कलर्स मराठीवरील ‘सूर नवा ध्यास नवा – आवाज तरुणाईचा’ या ६व्या पर्वाचा Grand Finale दिमाखात पार पडला. ‘आवाज तरुणाईचा’ या पर्वात अकोल्याचा गोपाळ गावंडे विजेता ठरला. कार्यक्रमाच्या उल्लेखनीय प्रवासात, गोपाळने उत्कृष्ट सादरीकरण व अपवादात्मक कामगिरी पाहायला मिळाली. स्पर्धेतील त्याच्या उल्लेखनीय प्रवासामुळे तो या पर्वाचा ‘महागायक’ ठरला. या पर्वात जुनी गाणी नव्या अंदाजात ऐकायला मिळाली. या नव्या प्रयोगाला प्रेक्षकांचा उत्कृष्ट प्रतिसाद लाभला. गोपाळ गावंडे याचा अतुलनीय आत्मविश्वास आणि संपूर्ण पर्वातील अपवादात्मक कामगिरीमुळे प्रेक्षकांच्या प्रचंड पाठिंब्यामुळे त्याला राजगायकाचा मान मिळाला. ‘सूर नवा ध्यास नवा – आवाज तरुणाईचा’ हे पर्व संगीतातील वैविध्य आणि प्रतिभेची समृद्धता साजरी करणारे व्यासपीठ आहे. गोपाळ गावंडेचा विजय त्याचे समर्पण, उल्लेखनीय कामगिरी आणि प्रेक्षकांच्या प्रचंड पाठिंब्याचा पुरावा आहे. महाराष्ट्राच्या विविध भागांतून आलेल्या स्पर्धकांनी त्यांच्या उत्कृष्ट कामगिरीने प्रेक्षकांना भुरळ घातली, त्यामुळे खरोखरच हा कार्यक्रम संस्मरणीय ठरला.