Jio MAMI फिल्म फेस्टिव्हलमध्ये सनी लिओनीचा बहुप्रतिक्षित चित्रपट “केनेडी” च कौतुक झाल्या नंतर अनुराग कश्यप दिग्दर्शित आणि सनी लिओनी आणि राहुल भट्ट यांच्या प्रमुख भूमिका असलेल्या या चित्रपटाच्या प्रदर्शनाला प्रेक्षकांकडून प्रचंड प्रेम मिळालं आहे. खास आग्रह केल्यामुळे आता या चित्रपटाचं दुसरे स्क्रीनिंग शेड्यूल करण्यात आले आहे. ५ नोव्हेंबर रोजी मुंबईच्या रीगल सिनेमा मध्ये केनेडी च खास स्क्रिनिंग पार पडणार आहे.

“केनेडी” चा प्रेमियर सुरुवातीला NMACC मधील ग्रँड थिएटरमध्ये पार पडला तिकिटे काही मिनिटांतच विकली गेली आणि उत्सुक चाहत्यांनी पुन्हा एकदा चित्रपटाला खूप प्रेम दिलं.

“केनेडी” व्यतिरिक्त सनी लिओनी ” कोटेशन गँग’ मधून तिच्या तमिळ चित्रपटात पदार्पण करण्याच्या तयारीत आहे जिथे ती जॅकी श्रॉफ, प्रियामणी आणि सारा अर्जुन यांसारख्या प्रतिष्ठित अभिनेत्यांसह स्क्रीन शेअर करेल. तामिळ चित्रपटसृष्टीत सनीच्या प्रवेशाची खूप अपेक्षा आहे आणि तिचे चाहते या नवीन भूमिकेतील तिच्या अभिनयाची आतुरतेने वाट पाहत आहेत.